დღეს ევროპის ლიგის ჯგუფური ეტაპის მეხუთე ტურის შეხვედრები იმართება.
ერთ-ერთ მატჩში, რუსულმა “ზენიტმა” საკუთარ მოედნაზე თელ-ავივის “მაქაბის” უმასპინძლა. შეგახსენებთ, რომ ამ უკანასკნელს შოთა არველაძე წვრთნის. მატჩი მასპინძლების უპირატესობით წარიმართა და, საბოლოოდ, მათივე გამარჯვებით, ანგარიშთ 2:0 დასრულდა.
5 ტურის შემდეგ არველაძის კლუბს 4 ქულა აქვს და მესამე ადგილზეა.
20 ოქტომბერს ევროპის ლიგის შეხვედრა გაიმართა, რომელშიც “ალკმაარი” შოთა არველაძის გაწვრთნილ “მაქაბისთან”, ანგარიშით, 1-2 დამარცხდა.
შეხვედრის შემდეგ ქართველმა მწვრთნელმა სოციალურ ქსელში პოსტი გამოაქვეყნა.
სუპერლიგის მეორე წრის მე-7 ტურს სპორტკომპლექსი “არენა” მასპინძლობს. ძიუდოში მსოფლიო გრან პრის გამო სპორტის სასახლემ აღნიშნულ ტურს ვერ უმასპინძლა. პირველი მატჩი უკვე დასრულდა და მასში რეკორდი დაფიქსირდა.
ერთმანეთს “მაკაბი” და “ბათუმი” ხვდებოდნენ და მატჩის ბედი წინასწარ იყო ცნობილი. ჯამლეტ ხუხაშვილის გუნდი სუპერლიგის გამოკვეთილი აუტსაიდერია და დიდი ამბიციების მქონე “ბათუმს” რომ ვერ დაამარცხებდა, ყველამ კარგად იცოდა.
მარცხთან შეგუებულმა მაკაბელებმა აქცენტი გიორგი რევაზაშვილის რეკორდზე აიღეს, რასაც ახალგაზრდა, პერსპექტიულმა კალათბურთელმა თავი მშვენივრად გაართვა.მიმდინარე სეზონის რეკორდი 34 ქულა იყო, რომელიც “ოლიმპის” ცენტრ რიჩარდ მათიაშვილს ეკუთვნოდა, რევაზაშვილმა კი “ბათუმთან” დღევანდელ მატჩში 44 ქულა დააგროვა.
რაც შეეხება შედეგს, მატჩი ბათუმელებმა იოლად, 130:74 მოიგეს. ზღვისპირელთაგან 6-მა კალათბურთელმა 10-ქულიან ზღვარს გადააჭარბა, რომელთაგანაც 27 ქულით საუკეთესო ნიკა რამიშვილი იყო. 19 ქულა და 10 მოხსნა ჰქონდა ჯერემი სეფოლდს, ხოლო ლაშა კეშელავამ და ქემერონ მაკკეფრიმ 17-17 ქულა დააგროვეს. “მაკაბიში” გიორგი რევაზაშვილის 44 ქულის კვალზე ორმაგი დუბლი მისმა უმცროსმა ძმამ, მაიზერმა მოაგროვა – 10 ქულა, 13 მოხსნა.
მორიგ მატჩში ერთმანეთს სუპერლიგის 2 ლიდერი – “დინამო” და “მაკაბი” შეხვდებიან და გამარჯვებული ფაქტობრივად გაინაღდებს რეგულარული ჩემპიონატის პირველ ადგილს.
მატჩისშემდგომი პრესკონფერენცია
მიხეილ კობეშავიძე(,,ბათუმის’’ მთავარი მწვრთნელი): ,,მაქაბი’’ ძალიან პერსპექტიული კალათბურთელებით დაკომპლექტებული გუნდი, ერთ-ერთი ყველაზე გამორჩეულია ლევან რევაზაშვილი, რომელსაც არაჩვეულებრივი მონაცემები აქვს. ეს ახალგაზრდული გუნდი ბოლომდე იბრძვის, რაც მისასალმებელია. ჩვენთვის ეს რეგულარულის ბოლოსწინა შეხვედრა იყო, 2 კვირაში გვაქვს თამაში ,,შსს აკადემიასთან’’ და პლეი ოფებამდე მეტი თამაში არ გვაქვს. ამიტომ, მინდოდა ყველას ეთამაშა, გუნდს შეთამაშება აკლია და დღევანდელი შეხვედრა ამის გასაუმჯობესებლად გამოვიყენეთ.
ჯამლეტ ხუხაშვილი(,,მაქაბის’’ მთავარი მწვრთნელი): მივულოცავ ,,ბათუმს’’ გამარჯვებას, ძალიან ძლიერი გუნდია და მათი გამარჯვება მოულოდნელი არ ყოფილა. ამ გუნდს სულ სხვა პერსპექტივა და მიზნები აქვთ და წარმატებას ვუსურვებ მათ. კეშელავას 5-მა 3-ქულიანმა სხვაობა საკმაოდ სოლიდური გახადა, თუმცა ჩვენთვის ამას არ აქვს გადამწყვეტი მნიშვნელობა. 14 3-ქულიანი ჩაგვიგდეს და დიდი ანგარიშით დაგვამარცხეს. დღეს ფერიაშვილისგან მეტს ველოდით, რაც შეეხებათ რევაზაშვილებს, გიორგი, რომელიც ნაოპერაციები იყო, ნელ-ნელა შედის ფორმაში. სასიხარულოა, რომ სეზონის რეკორდი დაამყარა და მხოლოდ ერთი მოხსნა დააკლდა ორმაგ დუბლამდე. სამაგიეროდ, ორმაგი დუბლი შეასრულა მაიზერ რევაზაშვილმა, რომელიც ასევე სარეკორდო შედეგებს აჩვენებს 18-წლამდელთა ჩემპიონატში. მივულოცავ კიდევ ერთხელ მეტოქეს და წარმატებებს ვუსურვებ.
ნიკოლოზ რამიშვილი(,,ბათუმი’’): ანგარიშის მიუხედავად, კარგი თამაში გამოვიდა, დღეს ახალი რეკორდი დამყარდა და მივულოცავ გიორგის წარმატებას. ჩვენს ბიჭებსაც მივულოცავ გამარჯვებას, გარკვეული ჩავარდნა გვქონდა, თუმცა ბოლო 3 შეხვედრაში გავიმარჯვეთ და ეს ჩვენთვის საკმაოდ მნიშვნელოვანი იყო როგორც ფსიქოლოგიური, ისე სატურნირო ცხრილის თვალსაზრისით. იმედია, გავაგრძელებთ წარმატებულ ასპარეზობას.
გიორგი რევაზაშვილი(,,მაქაბი’’): მართალია წავაგეთ, თუმცა კარგი თამაში გამოვიდა. მადლობა მოწინააღმეგეს ამ შეხვედრისთვის. მივულოცავ მათ გამარჯვებას და წარმატებებს ვუსურვებ. ჩვენ ერთი თამაში დაგვრჩა და შევეცდებით, მაქსიმალურად გამოვავლინოთ ჩვენი შესაძლებლობები.
სუპერლიგის მე-2 წრის მე-6 ტური “სოხუმისა” და “მაკაბის” მატჩით დასრულდა. შეხვედრაში დაცვა არ იყო, ორივე გუნდი შეტევაზე იყო ორიენტირებული და შედეგიც შესაბამისი დაფიქსირდა – 120:105.
“მაკაბი” სუპერლიგის ისეთი აუტსაიდერია, რომ გუნდის ხელმძღვანელობა მოგებაზე ვერ ფიქრობს. მატჩისწინა პრესკონფერენციაზე მაკაბელთა მწვრთნელმა მიხეილ ხუხაშვილმა განაცხადა, რომ წავაგებთ, მაგრამ საკითხავია, რამდენი ქულითო. 15 ქულით წააგეს და ისე, რომ შედეგით კმაყოფილნი დარჩნენ.
ერთბაშად სამმა მაკაბელმა მიაღწია 20-ქულიან ზღვრამდე. გიორგი ფერიაშვილმა 29 ქულა და 16 მოხსნა მიითვალა, ხოლო გიორგი ტეტელაშვილს სამმაგ დუბლამდე 2 პასი დააკლდა – 25 ქულა, 15 მოხსნა, 8 პასი. 17 წლის მაიზერ რევაზაშვილმა მაკაბელებს 20 ქულა მიაშველა, მისმა უფროსმა ძმა გიორგიმ კი ორმაგი დუბლი – 16 ქულა და 15 მოხსნა.
რაც შეეხებათ სოხუმელებს, მათ მწვრთნელმა სათამაშო დრო თანაბრად გადაუნაწილა. გუნდის ერთადერთმა ლეგიონერმა, ჯერემი საიმონსმა 25 ქულა და 1 მოხსნა დააგროვა, მის კვალზე კი კიდევ 5 მოთამაშე ასცდა 10-ქულიან ზღვარს. აღსანიშნავია, რომ სოხუმელებმა მთლიანობაში 15 სამქულიანი ჩააგდეს, თუმცა საკმაოდ ბევრიც ისროლეს – 55.
სუპერლიგის მორიგი ტური 22 მარტს, სპორტკომპლექს “არენაზე” გაიმართება.
მატჩისშემდგომი პრესკონფერენცია:
მიხეილ ხუხაშვილი („მაქაბის“ მწვრთნელი): სხვა მატჩებთან შედარებით დღევანდელი თამაში ჩვენთვის წინ გადადგმული ნაბიჯია. სანახაობრივი შეხვედრა გამოვიდა და შედეგიანი რეზულტატიც დაიდო. გიორგი ტეტელაშვილს სამმაგ დუბლამდე 2 პასი დააკლდა, მაიზერ რევაზაშვილმა ორმაგი დუბლი მიითვალა, სოხუმთან 20 ქულა ჩააგდო და ეს მისთვის დიდი შედეგია, რადგან „სოხუმს“ ძალიან ძლიერი კალათბურთელები ჰყავს. კიდევ ერთხელ გავიმეორებ, რომ „სოხუმი“ აუცილებელია საქართველოს ჩემპიონატისთვის. მადლობა ვაჟას კავარცხელიას, რომელსაც მის არსებობაში დიდი წვლილი მიუძღვის.
ვაჟა კვარაცხელია („სოხუმის“ მთავარი მწვრთნელი): მადლობა მაქაბის გუნდს ასეთი კარგი თამაშისთვის. მას ნამდვილად პერსპექტიული მოთამაშეები ეზრდება. მისი აღზრდილი გიორგი შერმადინი ევროლიგაში თამაშობს და დარწმუნებული ვარ ფერიაშვილსაც და რევაზაშვილსაც ვიხილავთ ევროლიგაში.
ჯერემი საიმონსი (სოხუმი): სანახაობრივი მატჩი შედგა, მადლობა მაქაბის გუნდს, რომელსაც ძალიან კარგი ახალგაზრდა კალათბურთელები ჰყავს. წინა შეხვედრაზე არ ვიასპარეზეთ და სასიხარულოა რომ დღეს იოლი გამარჯვების მოპოვება შევძელით.
სუპერლიგის მორიგი ტური “არმიასა” და “მაკაბს” შორის მატჩით დასრულდა. მაკაბელთა გუნდს მიმდინარე სეზონში მოგება არ გააჩნია და პირველ წარმატებას ერთ-ერთ ლიდერთან რომ ვერ მოიპოვებდა, ეს ცხადი იყო. არმიელებმა მეტოქე ზედმეტი მობილიზების გარეშე – 107:83 დაამარცხეს.
“არმიის” თავკაცმა კოტე ტუღუშმა იცოდა, რომ მეტოქისგან წაგების საფრთხე არ ელოდა და გუნდის ძირითად შემადგენლობაში მნიშვნელოვანი ცვლილებები განახორციელა. არმიელების შემადგენლობაში 18-წლამდელთა გუნდის წევრი მამუკა ბაზუაშვილი გამოჩნდა და ითამაშეს ასევე იმ კალათბურთელებმა, რომლებიც დაძაბულ მატჩებში 12-კაციან შემადგენლობაში ვერ ხვდებიან.
აღნიშნული შეხვედრა იყო პირველი მიმდინარე სეზონში, რომელშიც 1 გუნდის თორმეტივე კალათბურთელმა ქულის მითვლა მოახერხა. მატჩის ბედი პირველივე მეოთხედში გაირკვა, რომელიც არმიელებმა 33:8 მოიგეს. არმიელთა მწვრთნელი კალათბურთელებს ხშირხშირად ცვლიდა და საბოლოოდ სათამაშო დრო ყველაზე მეტ-ნაკლებად თანაბრად გადაანაწილა.
არმიელებს წინამძღოლობდა ბექა წივწივაძე, რომელმაც მოედანზე 20,24 წუთი გაატარა და ყველაზე შედეგიანი იყო – 22 ქულა და 10 შედეგიანი გადაცემა მიითვალა. ორმაგი დუბლი დააგროვა მისმა თანაგუნდელმა გიორგი ჯგერენაიამაც – 12 ქულა, 11 მოხსნა. “მაკაბიში” 18 ქულითა და 16 მოხსნით საუკეთესო გიორგი რევაზაშვილი იყო. ორმაგი დუბლი ასევე მაიზერ რევაზაშვილმა შეასრულა – 15 ქულა და 10 მოხსნა. 19 ქულა მიითვალა გიორგი ფერიაშვილმა, ხოლო 17 – ლევან რევაზაშვილმა.
მატჩი საბოლოოდ არმიელთა 24-ქულიანი უპირატესობით დასრულდა, რომლებმაც მიმდინარე სეზონში მე-10 გამარჯვება მიითვალეს. სუპერლიგის მორიგი ტური 7 და 8 მარტს, ქუთაისსა და თბილისში გაიმართება.
მატჩისშემდგომი პრესკონფერენცია
კოტე ტუღუში(,,არმიის’’ მთავარი მწვრთნელი): დაგეგმილი გამარჯვება მოვიპოვეთ. დღეს შევეცადეთ, რომ ყველას ეთამაშა და ბევრი დრო დავუთმეთ ახალაგზრდებს. ლაღი, თავისუფალი და გახსნილი თამაში გამოვიდა.
ჯამლეტ ხუხაშვილი(,,მაკაბის’’ მთავარი მწვრთნელი): როგორც მოსალოდნელი იყო, ,,არმიამ’’ გაიმარჯვა, თან გუნდის თითოეულ მოთამაშეს მისცა თავის გამოჩენის საშუალება. როცა გარანტირებული გაქვს გამარჯვება, შეიძლება ახალგაზრდა მოთამაშეების გამოყენება და ,,არმიაც’’ ასე მოიქცა. ჩვენთვის მთავარია, რომ დღეს სამივე რევაზაშვილმა ითამაშა, ყველაზე უმცროსმა კი ორმაგი დუბლი შეასრულა.
ანატოლი ბოისა(,,არმია’’): კიდევ ერთი თამაში მოვიგეთ. ჩვენთვის ყველა შეხვედრა მნიშვნელოვანია და ყველა მატჩისთვის ერთნაირად ვემზადებით, გვჭირდება ქულების სათანადო რაოდენობა, რათა პლეი ოფებისთვის გვქონდეს მოედნის უპირატესობა. დღეს ჩვენს ახალგაზრდებზე გადავიდა თამაში, პირველი მეოთხედი კარგად ვითამაშეთ, მეორე, მესამე და ბოლო პერიოდებში კი უფრო მოვეშვით. თუმცა, გამარჯვება არ გაგვჭირვებია. ვუსურვებ ,,მაკაბს’’ და მის პერსპექტიულ ახალგაზრდა კალათბურთელებს წარმატებებს.
superleague.ge
სტატისტიკა