კარლეს პუიოლი “ბარსელონაში” რჩება. კატალონიელთა ყოფილი მცველი სექტემბრიდან კლუბის საფეხბურთო დეპარტამენტში სპორტული მენეჯმენტის ასისტენტის თანამდებობაზე იმუშავებს.
აღნიშნულ ინფორმაციას “ბარსელონას” ოფიციალური ვებ-გვერდი ავრცელებს. აღსანიშნავია, რომ ამ დეპარტამეტის ხელმძღვანელი “ბარსას” ყოფილი მეკარე, ანდონი სუბისარეტაა.
“მინდა დიდი მადლობა ვუთხრა “ბარსელონას” ყველაფრისთვის და მათ შორის ამ შესანიშნავი შანსისთვის. ჩემს მაქსიმუმს გავაკეთებს. ბევრი რამის სწავლას ვაპირებ. ფეხბურთს ყოველთვის მაქსიმალური მონდომებით ვთამაშობდი და ახალ ამპლუაშიც ასე გავაგრძელებ.ჩემი ცხოვრების ახალ ეტაპს მოუთმენლად ველი” – განაცხადა პუილმა.
