“ბარსელონას” ყოფილმა კაპიტანმა კარლეს პუიოლმა თავი ფორმულა 1-ის პილოტად იგრძნო. ფეხბურთელმა ესპანეთის გრანპრის ტრეკზე ორადგილიანი ბოლიდით საპრომოუშენო სესია მოაწყო. ცნობისთვის, კარლეს პუიოლი ფორმულა 1-ის დიდი მოყვარული გახლავთ. ესპანეთის გრანპრი ბარსელონაში იმართება.
An #F1 experience to remember for @FCBarcelona legend @Carles5Puyol… ?#F1Experiences #SpanishGP pic.twitter.com/SE4PueWFL4
— Formula 1 (@F1) 15 May 2017
ესპანური გამოცემა „მარკას“ ინფორმაციით, „ბარსელონას“ ექს-კაპიტანმა კარლეს პუიოლმა სპეციალური გამოცდები ჩააბარა და საფეხბურთო აგენტის სტატუსი მიიღო. ახლა 36 წლის კარლესს რომელიმე ფეხბურთის წარმომადგენლად ოფიციალურად მუშაობის უფლება აქვს.
მიმდინარე სეზონის დასაწყისიდან ლეგენდარული მცველი „ბარსას“ სტრუქტურაში მუშაობდა და კლუბის სპორტული დირექტორის ანდონი სუბისარეტას ასისტენტის მოვალეობებს ასრულებდა. თუმცა, ცოტა ხნის წინ სუბისარეტას წასვლის შემდეგ „ბლაუგრანასი“ კარლესმაც დატოვა.
აღსანიშნავია, რომ სწავლების დროს პუიოლმა „ბაიერნის“, „მილანისა“ და „იუვენტუსის“ ბაზები მოინახულა.
“ბარსელონას” ყოფილმა მცველმა კარლეს პუიოლმა საკლუბო და სანაკრებო დონეზე მის მიერ გატანილი გოლებიდან საუკეთესო ამოარჩია.
საკლუბო დონეზე ესპანელმა ფეხბურთელმა არჩევანი 2008/09 წლების სეზონში მადრიდის “რეალის” კარში გატანილ გოლზე შეაჩერა.
“ბარსელონას” რიგებში ეს ჩემი საუკეთესო გოლი იყო. რაც შეეხება საუკეთესო სანაკრებო გოლს, ეს ბურთი მსოფლიოს 2010 წლის ჩემპიონატზე გერმანიის ნაკრებს გავუტანე”, – აღნიშნა პუიოლმა.
„ბარსელონას„ ხელმძღვანელობამ გუნდის ექს-კაპიტნისთვის კარლეს პუიოლისთვის გამოსამშვიდობებელი მატჩის ორგანიზება გადაწყვიტა.
შეხვედრის ჩატარების თარიღი და მეტოქის ვინაობა ჯერჯერობით უცნობია, რის შესახებაც კლუბის პრეზიდენტმა ჟოზეპ ბარტომეუმ განაცხადა.
„რა თქმა უნდა, პუიოლი ასეთ ღონისძიებას იმსახურებს. იგი „ბარსელონას“ ისტორიაში ერთ-ერთი დიდებული მოთამაშეა. ამჟამად ამ საკითხს განვიხილავთ. მოგვიანებით თარიღსაც დავასახალებთ“, – განაცხადა ბარტომეუმ.
შეგახსენებთ, რომ 36 წლის მცველმა კარიერა წელს დაამთავრა. ამჟამად კარლესი „ბარსელონას“ სპორტული დირექტორის ასისტენტად მუშაობს.
მიმდინარე წლის მაისის თვეში კარლეს პუიოლმა 15-წლიანი კარიერის შემდეგ ბუცების ლურსმანზე ჩამოკიდვა გადაწყვიტა. შესაბამისად, “ბარსელონას” 5-ნომრიანი მაისური ვაკანტური გახდა.
კატალონიური გუნდის 5-ნომრიან ფორმასთან დაკავშირებით გადაწყვეტილება პირადად პუიოლმა მიიღო. ამიერიდან “ბარსელონაში” ამ ნომრით სერხიო ბუსკეტსი ითამაშებს.
“ჩემთვის დიდი პატივია მეხუთე ნომრის ტარება. ვამაყობ, რომ პუიოლმა ამ ნომრის ღირსად მე ჩამთვალა”, – ციტირებს ბუსკეტსის სიტყვებს კატალონიური გუნდის ოფიციალური ვებგვერდი.
“ეჭვიც არ მეპარება, რომ მეხუთე ნომერი საიმედო ხელში გადადის. დარწმუნებული ვარ, სერხიო იზრუნებს მასზე”, – აღნიშნულ ფაქტს სოციალური ქსელის მეშვეობით გამოეხმაურა პუიოლი.
„ბარსელონას“ მცველმა კარლეს პუიოლმა, რომელიც მიმდინარე სეზონის შემდეგ კარიერას დაასრულებს, განაცხადა, რომ „მანჩესტერ იუნაიტედის“ მთავარი მწვრთნელის პოსტზე ლუი ვან გალის დანიშვნა სწორი გადაწყვეტილება იქნება. შეგახსენებთ, რომ „ბარსელონას“ სწორედ ჰოლანდიელი სპეციალისტი თავკაცობდა, როდესაც პუიოლი პირველად მოხვდა კატალონიური გუნდის ძირითად შემადგენლობაში.
„ვან გალი ჩემს კარიერაში ერთ-ერთი მნიშვნელოვანი მწვრთნელია. მან მე პირველ გუნდში თამაშის შესაძლებლობა მომცა, რაც შეუფასებელი რამ გახლავთ. ის მომთხოვნი მწვრთნელია. მთავარი კი ისაა, რომ ვან გალი ყოველთვის პირდაპირი და გულწრფელია. მე ამას ვაფასებ. მას მშვიდად შეუძლია თქვას ის, რაც ფეხბურთელში არ მოსწონს, თუმცა მან შრომის დაფასებაც იცის. ამიტომ, ვან გალი „მანჩესტერ იუნაიტედს“ მოერგება“, – პუიოლის სიტყვებს „ასი“ ციტირებს.
გავრცელებული ინფორმაციის თანახმად, „მანჩესტერ იუნაიტედმა“ ლუი ვან გალი თავკაცის პოსტზე მომდევნო კვირაში უნდა წარადგინოს. ჰოლანდიელმა სპეციალიტმა „ოლდ ტრაფორდზე“ მუშაობა მსოფლიოს ჩემპიონატის შემდეგ უნდა დაიწყოს.
„ბარსელონას“ მცველი კარლეს პუიოლი 15 მაისს კლუბთან გამოსათხოვარ ცერემონიას გამართავს. მოქმედი კონტრაქტი, რომელსაც ვადა ორი წლის შემდეგ ეწურება, ორმხრივი შეთანხმების საფუძველზე გაწყდება. ამასთან, ფეხბურთელი კარიერის დასრულებას ჯერ არ აპირებს.
„ბარსელონას“ რიგებში პუიოლი ექვსჯერ გახდა ესპანეთის ჩემპიონი, ორჯერ მოიგო ქვეყნის თასი, ხუთჯერ ქვეყნის სუპერთასი, სამჯერ მოიპოვა ჩემპიონთა ლიგის თასი, ორჯერ – უეფას სუპერთასი, გახდა კლუბთა შორის მსოფლიოს ჩემპიონი.
როგორც მოგეხსენებათ, კარლეს პუიოლმა განაცხადა, რომ მიმდინარე სეზონის ბოლოს „ბარსელონას“ დატოვებს. კატალონიური კლუბი უკვე ემზადება ვეტერანი ფეხბურთელის გასაცილებლად. „ბარსას“ ოფიციალურ ვებ–გვერდზე კაპიტანთან გამოსათხოვარი ვიდეორგოლი გავრცელდა, რომელსაც აქვე გთავაზობთ.
