დორტმუნდის “ბორუსიას” თავკაცმა, ტომას ტუჰელმა გერმანულ გრანდსა და პოლონურ “ლეგიას” შორის ჩემპიონთა ლიგაზე გათამაშებული მატჩი “სიურეალისტურად” შერაცხა, რის საშუალებასაც მეტწილად დაფიქსირებული ანგარიში (8-4) აძლევს.
“სიურეალიზმის ჟანრიდან იყო. ასეთი რამ აქამდე არასდროს მინახავს, ასე რომ რთულია ამ მატჩიდან რაიმე დასკვნა გამოიტანო. დაცვაში ძალიან ბევრი შეცდომა დავუშვით, რაც აღარ უნდა განვიმეოროთ.
მართალია, საბოლოო ჯამში გავიმარჯვეთ, მაგრამ შეცდომებს ყურადღება უნდა მივაქციოთ. ვწუხვარ რომან ვაიდენფელერის გამო, ჩვენმა შეცდომებმა, მასზე განსაკუთრებით ცუდად იმოქმედა.
რაც შეეხება მარკოს, ის ფანტასტიკური იყო. მის დაბრუნებას კარგა ხანი ველოდებოდით, ასე რომ ეს ჩვენც დავიმსახურეთ.” – განაცხადა ტუჰელმა, რომლის გუნდმაც უკვე მოიპოვა მომდევნო ეტაპის საგზური.
დორტმუნდის “ბორუსიას” კარის დარაჯი, რომან ბიურკი რვა კვირას გაატარებს თამაშგარეში, რისი მიზეზიც კი “გერმანულ კლასიკაში” მიღებული ტრავმა გახლავთ – ბიურკმა აღნიშნულ მატჩში ხელი მოიტეხა.
აღსანიშნავია, რომ “ბაიერნთან” მოგებული მატჩში (1-0) 26 წლის შვეიცარიელმა მეკარემ ახალ სეზონში მეოთხეჯერ მოახერხა კარის მშრალად შენახვა. ტომას ტუჰელის გუნდი კი სატურნირო ცხრილში მესამე პოზიციაზე გადავიდა.
რაც შეეხება ბიურკის ჩანაცვლების საკითხს, სავარაუდოდ, მის ადგილს ვეტერანი რომან ვაიდენფელერი დაიკავებს. დიდი ალბათობით, სწორედ ამ მეკარის კარში გოლის გატანა იქნება სამშაბათს ვაკო ყაზაიშვილის მთავარი მიზანი.
ახალგაზრდა დავიდ პოლაშიჩი მადრიდის “რეალის” გულშემატკივარი გახლავთ, რომელიც 2013 წელს კომადან კრიშტიანუ რონალდუს დახმარებით გამოფხიზლდა.
პოლონელი ფანი, რომელიც ახლა 15 წლის გახლავთ, ველოსიპედით სეირნობისას დაშავდა და კომაში 3 თვე გაატარა, სანამ კრიშტიანუ რონალდუს ბრწყინვალე თამაში გამოაფხიზლებდა (მსოფლიო ჩემპიონატის პლეი-ოფი; შვედეთი – პორტუგალია).
საქმე იმაშია, რომ დავიდის მშობლები მას მადრიდის “რეალისა” და პორტუგალიის ნაკრებების თამაშების კომენტირებას ასმენინებდნენ. ის სწორედ იმ მომენტში გამოვიდა კომიდან, როდესაც კრიშტიანუმ შვედეთის კარში მესამე გოლი გაიტანა.
დავიდი და რონალდუ ერთმანეთს 2014-შიც შეხვდნენ, როდესაც პოლონელი “ბორუსიასა” და “რეალს” შორის გასამართ მატჩზე დაპატიჟეს, ახლა კი, რადგანაც რონალდუ ვარშავაში იყო (“ლეგიასთან” სათამაშოდ), მან დავიდის მონახულება გადაწყვიტა.
???????????????? Watch @Cristiano meet David Pawlaczyc, the Polish youngster who was roused from his coma after listening to one of the striker's goals. pic.twitter.com/p0ycEUUKKE
ესპანეთის დედაქალაქში მობილიზირებულმა სამართალდაცავებმა არეულობის თავიდან აცილება მაინც ვერ მოახერხეს.”რეალსა” და “ლეგიას” შორის გამართული მატჩის წინ გულშემატკივრებსა და პოლიციელებს შორის შეტაკებები მაინც მოხდა .
Goal-ის ჟურნალისტების ცნობით, დღეს მადრიდში უფრო მეტი სამართალდამცავი იყო მობილიზებული, ვიდრე “ელ კლასიკოს” მატჩების დროს არის ხოლმე.
გავრცელებული ინფორმაციის თანახმად, შეტაკებაში მონაწილეობა პოლონელმა გულშემატკივრებმა მიიღეს, რომელთათვისაც 4 000 ადგილი იყო განკუთვნილი სტადიონზე, მიუხედავად იმისა, რომ მსრუველი გაცილებით მეტი იყო.
მადრიდის “რეალსა” და ვარშავის “ლეგიას” შორის გასამამართი დაპირისპირების მოახლოებასთან ერთად, ცნობილმა გამოცემამ, Goal.Com-მა სავარაუდო შემადგენლობები გამოაქვეყნა, რომლითაც შესაძლოა გუნდებმა სამშაბათს ითამაშონ.
ჩვენთვის მნიშვნელოვანია ის ფაქტი, რომ “ლეგიას” სავარაუდო სასტარტო შემადგენლობაში ვერ მოხვდა საქართველოს ეროვნული ნაკრების ერთ-ერთი ლიდერი, ვალერი ყაზაიშვილი, რომელიც პოლონურ კლუბში ზაფხულის ბოლოს გადაბარგდა.
რაც შეეხება მადრიდელთა შემადგენლობას, ბრიტანელი ჟურნალისტების აზრით, ზიდანი მატჩს ტრადიციული შემტევი ტრიოთი (ბენზემა, რონალდუ, ბეილი) დაიწყებს, რომელთაც ზურგს ისკო, კროოსი და ასენსიო გაუმაგრებენ.
პოლონელების შეტევების მოგერიებას კი დამცველთა შემდეგი ნაკრები შეეცდება (სავარაუდოდ): რაფაელ ვარანი, კეპლერ პეპ, დანილო და მარსელო.
შესაძლოა, ვარშავის “ლეგიას” თავკაცად “მანჩესტერ იუნაიტედის” ყოფილი ფეხბურთელი და მთავარი მწვრთნელის ასისტენტი, რაიან გიგზი დაინიშნოს.
პოლონური ვებ-გვერდის, Weszlo.Com-ის ჟურნალისტი, კრისტოფ სტანოვსკი სოციალურ ქსელ Twitter-ში წერს, რომ “ლეგია” უელსელი სპეცილისტისათვის ოფიციალური წინადადებით მიმართვას აპირებს. აღსანიშნავია, რომ სტანოვსკი “ლეგიასთან” დაახლოებული პირია და ხშირად მის მიერ გავრცელებული ინფორმაცია სიმართლეს შეესაბამება.
Świat jest taki mały, a dawne gwiazdy na wyciągnięcie ręki. Do Legii wpłynęła trenerska oferta nawet od Ryana Giggsa.
ასევე, დღეს ბრიტანულ პრესაში დაიწერა, რომ შესაძლებელია, გიგზი მალე “სუონსის” მწვრთნელი გახდეს. შესაბამისად, ნაკლებად სავარაუდოა, რომ მან პოლონეთის ჩემპიონატში გადაბარგება არჩიოს.
დასრულდა F ჯგუფის პირველი ტურის მატჩი, სადაც პოლონურ “ლეგიას” გერმანული “ბორუსია” დაუპირისპირდა. მატჩი მასპინძელთა განადგურებით, 0:6 დასრულდა.
თუმცა, ჩვენთვის ეს მატჩი საინტერესო იმით იყო, რომ ამ შეხვედრაში მონაწილეობას ქართველი შემტევი, ვალერი ყაზაიშვილი იღებდა. ვაკომ მოედანზე 66 წუთი გაატარა და საკმაოდ აქტიურიც იყო.
ამ დროის მანძილზე, ვაკომ ორი დარტყმა განახორციელა კარის მიმართულებით და ორი ართმევაც ჩაიწერა აქტივში. მის მიერ განხორციელებული პასების 80% კი ზუსტი იყო.
უცხოურმა გამოცემა Whoscored-მა ვაკოს თამაში 6 ქულით შეაფასა.
ამ წუთებში მიმდინარეობს ჩემპიონთა ლიგური დაპირისპირება პოლონურ “ლეგიასა” და დორტმუნდულ “ბორუსიას” შორის, რომელშიც მონაწილეობას ქართველი ფეხბურთელი, ვალერი ყაზაიშვილი იღებს.
პოლონელები მატჩისთვის განსაკუთრებულად იყვნენ მომზადებულნი – ვარშაველებმა მოედანზე უზარმაზარი ბანერი გამოფინეს, რითიც გუნდის ჩემპიონთა ლიგაზე დაბრუნება აღნიშნეს – “გამოიცანით, ვინ დაბრუნდა?”.
დღეს ჩემპიონთა ლიგის ფლეი-ოფის განმეორებითი შეხვედრები გაიმართა და გამოვლინდა ჯგუფური ეტაპის გუნდთა ნაწილი.
ერთ-ერთ მატჩში პლზენის “ვიქტორია” “ლუდოგორეცს” დაუპირისპირდა. ამ გუნდების წინა შეხვედრა “ლუდოგორეცმა” საკუთარ მოედანზე 2:0 მოიგო. დღევანდელი თამაშის მასპინძლებს 2 ბურთი ჰქონდათა გასატანი. მათ აქტიურად დაიწყეს და მე-7 წუთზე ანგარიშიც გახსნენს – ეს დურიჩმა გააკეთა. თუმცა, ეს სიხარული დიდხანს არ დასცალდათ, რადგან “ლუდოგორეცმა” მე-16 წუთზე გაათანაბრა. 64-ეზე მატეიუმ პლზენის კლუბი ისევ გაიყვანა წინ, მაგრამ, იმის გათალისწინებით, რომ “ლუდოგორეცმა” კიდევ ერთხელ შეძლო გათანაბრება, ორი მატჩის ჯამში 4:2 და შემდეგ ეტაპზე სწორედ სტუმრები გავიდნენ.
ბეერ-შევას “ჰაპოელი” შოტლანდიურ “სელტიკს” დაუპირისპირდა. ამ კლუბების პირველი შეხვედრა “სელტიკის” მოედანზე 5:2 დასრულდა. ისრაელის გუნდს მინიმუმ 3 ბურთი სჭირდებოდა შემდეგ ეტაპზე გასასვლელად. მათ ერთის გატანა 21-ე წუთზე, მეორესი კი 48-ეზე მოახერხეს. მიუხედავად ბევრი მცდელობისა, ამ შეხვედრაში ანგარიში აღარ შეცვლილა – სტუმრები კარგად იცავდნენ თავს. საბოლოოდ, შემდეგ ეტაპზე სწორედ შოტლანდიური “სელტიკი” გავიდა.
კიდევ ერთი მატჩი, რომელიც ჩემპიონთა ლიგის ფლეი-ოფის ეგიდით გაიმართა, ვარშავას “ლეგიასა” და ირლანდიური “დუნდალკის” დაპირისპირებაა. პირველი მატჩი ირლანდიაში სტუმრების გამარჯვებით – 2:0 -დასრულდა. მეორე თამაში 1-1 დასრულდა და საბოლოოდ, ჩემპიონთა ლიგის ჯგუფში სწორედ პოლონური “ლეგია” მოხვდა.
“პორტოსა” და “რომას” თამაში პორტუგალიაში 1-1 დასრულდა. დღევანდელ მატჩში კი სტუმრებმა იტალიელებს გადაუარეს, 3:0 მოუგეს ფელიპეს, ლაიუნის და კორონას გოლებით. შესაბამისად, სწორედ “პორტო” ეცდება დაიცვას საკუთარი ქვეყნის ღირსება ევროპულ ტურნირზე.
ბოლო მატჩი “მონაკოსა” და “ვილიარელის” შეხვედრაა. პირველი თამაში ფრანგებმა ესპანეთში 2-1 მოიგეს. განმეორებითი მატჩი “მონაკოს” გამარჯვებით, 1-0 დასრულდა და, შესაბამისად, ჯგუფში ეს გუნდი მოხვდა.
20 აგვისტოს, ევროპის ლიგის ფლეი-ოფში, “ზარიასა” და “ლეგიას” შორის გამართულ შეხვედრაში (0:1), პოლონური გუნდის მეკარე კუჩიაკმა შესანიშნავი სეივი განახორციელა.
11 დეკემბერს, ევროპის ლიგის გათამაშებაში, ვარშავის “ლეგიასა” და “ტრაბზონსპორს” შორის გამართულ მატჩში საკმაოდ კურიოზული რამ მოხდა. საქმე იმაში გახლავთ, რომ პირველი გოლი საკმაოდ უცნაურ სიტუაციაში გავიდა.
