დღეიდან სპორტული ინტერნეტ-პორტალი Fanebi.com-ი გადადის ახალ დიზაინზე. ძველი ფუნქციები ეტაპობრივად დაბრუნდება, ასევე კვლავინდებურად შესაძლებელი იქნება საიტის საყვარელი გუნდის დიზაინზე მორგება. Fanebi.com-ზე კომენტარების დამატება კვლავაც შესაძლებელი იქნება როგორც ჩვენს ვებგვერდზე, ისე Facebook-ზე დარეგისტირებული მომხმარებლებისთვის.
ჩვენ მუდმივად ვცდილობთ, რომ დავხვეწოთ და განვავითაროთ ჩვენი სისტემა, მომხმარებლებს შევუქმნათ კომფორტი, მათი სურვილები გავითვალისწინოთ.
Fanebi.com-ი კიდევ ერთ სიახლეს გთავაზობთ. 2014 წლის მსოფლიოს ჩემპიონატთან დაკავშირებით მომზადდა მატჩების სპეციალური გვერდი, რომელიც ექსკლუზიური და ინოვაციური ფუნქციებით არის აღჭურვილი.
მატჩების გვერდზე გადავიდა ჩვენი და „ევროპა ბეთის“ ერთობლივი პროექტი – „სამუნდიალე კონკურსიც“, რომელიც ფულადი ჯილდოს მარტივად მოგების შანსს გაძლევთ. აქვე შეგიძლიათ იხილოთ მატჩის მონაწილე გუნდების სასტარტო შემადგენლობები, პრევიუები, უშუალოდ პირდაპირი რეპორტაჟები, მიმოხილვები. შეგიძლიათ გამოხატოთ თქვენი პოზიცია კონკრეტულ შეხვედრასთან დაკავშირებით, ვირტუალურად დაესწროთ მატჩს და მხარი დაუჭიროთ რომელიმე გუნდს. თითოეულ შეხვედრას აქვს ცალკე გვერდი, რაც მას კიდევ უფრო კომპაქტურს ხდის.
სპორტული ინტერნეტ-პორტალი Fanebi.com-ი და „მანჩესტერ იუნაიტედის“ ქართული ფან-კლუბის ვებ-გვერდი REDARMY.GE პარტნიორები გახდნენ.
ჩვენს შორის იგეგმება ურთიერთსასარგებლო თანამშრომლობის ვარიანტების განხილვა. REDARMY.GE-ს სიახლეები გამოქვეყნდება Fanebi.com-ის „მანჩესტერ იუნაიტედის“ გვერდზე. გარდა ამისა, ჩვენი სტატიების გაცნობა REDARMY.GE-ზეც შეგეძლებათ. ეს ჩვენი თანამშრომლობის მხოლოდ დასაწყისია, მომავალში კი ერთობლივად სხვადასხვა საინტერესო პროექტებს შემოგთავაზებთ.
ეწვიეთ „მანჩესტერ იუნაიტედის“ საკმაოდ დახვეწილი დიზაინის მქონე ვებ-გვერდს, რომლის მეშვეობითაც „წითელი ეშმაკების“ ირგვლივ მიმდინარე მოვლენების შესახებ მუდამ საქმის კურსში იქნებით.
