ვენის “რაპიდის” ქართველი გოლეადორი, გიორგი ქვილითაია, კვლავაც მოწოდების სიმაღლეზე იმყოფება. ამჯერად, ავსტრიელთა ქართველმა ლეგიონერმა თავის გამოჩენა თასის ნახევარფინალში შეძლო.
“შტურმ გრაცსა” და “რაპიდს” შორის გამართულ შეხვედრაში ქართველი ფეხბურთელი 53-ე წუთიდან ჩაერთო, როდესაც მასპინძლებს უკვე გატანილი ჰქონდათ ერთი გოლი. ქართველმა 84-ე წუთზე მურგის პასი გამოიყენა და ანგარიშის გათანაბრება შეძლო (2-2).
დღეს ავსტრიის ბუნდესლიგის 30-ე ტურში დედაქალაქური დერბი შედგა: “ავსტრია” “რაპიდის” წინააღმდეგ. ამ უკანასკნელში გამოდის ქართველი ფეხბურთელი, გიორგი ქვილითაია.
24 წლის შემტევი მოედანზე 72-ე წუთზე შევიდა. ამ დროს მისი გუნდი უკვე ანგარიშით, 3-0 იგებდა. გიორგიმ შესვლიდან ერთ წუთში ოთხამდე გაზარდა თავისი გუნდის უპირატესობა
ამ გამარჯვების შემდეგ “რაპიდი” 52 ქულით მესამეა. ის შემდეგ ტურში “ადმირას” დაუპირისპირდება. ეს შეხვედრა ვენაში, 22 აპრილს, თბილისის დროით 18:30 წუთზე შედგება.
დღეს ავსტრიის ბუნდესლიგის 27-ე ტურის შეხვედრები შედგა ერთ-ერთ მათგანში ვენის “რაპიდი” “ვოლფსბერგერს” დაუპირისპირდა.
დედაქალაქელთა შემადგენლობაში იყო ქართველი თავდამსხმელი, გიორგი ქვილითაია, რომელმაც მერვე წუთზე თერთმეტმეტრიანის ნიშნულიდან შეაგდო. ამის შემდეგ, 25-ე და 29-ე წუთებზე ვეტონ ბერიშამ ორი გოლი გაუტანა მეტოქეს და სხვაობა სამამდე გაზარდა. ხოლო, 49-ე და 89-ე წუთებზე ქართველმა შემტევმა ჯერ შაუბის, შემდეგ კი შვაბის პასებით გაიტანა. საგულისხმოა, რომ ერთ ცუდ მომენტსაც ჰქონდა ადგილი ამ მატჩში – 79-ეზე ქვილითაიამ საკუთარ კარშიც შეაგდო გოლი. საბოლოოდ, მატჩი, 5-1 დასრულდა.
ამ გამარჯვების შემდეგ ვენური კლუბი მესამე ადგილზეა და 43 ქულა აქვს.
დღეს ავსტრიის “ბუნდესლიგის” შეხვედრები გაიმართა. 27-ე ტურის ერთ-ერთ მატჩში ვენის “რაპიდმა” ლინცის ლასკ-ი მიიღო და მეტოქე ანგარიშით, 2:0 დაამარცხა.
საკმაოდ დაძაბულ შეხვედრაში, დედალაქელთა ძირითად შემადგენლობაში იყო ქართველი თავდამსხმელი, გიორგი ქვილითაია. მან დუბლი შეასრულა. ქვილითაიამ ჯერ 45-ე წუთზე მურგის პასი გამოიყენა. ხოლო, მეორე ნახევარში, 69-ე წუთზე კიდევ ერთხელ შეაგდო. საბოლოოდ, “რაპიდმა” 2-0 იმარჯვა. მას 39 ქულა აქვს და მეოთხე ადგილზეა.
იხილეთ ვიდეო
დღეს ავსტრიის ბუნდესლიგაში მე-15 ტურის შეხვედრები გაიმართა.
ერთ-ერთ დაპირისპირებაში ვენის “რაპიდი” ლინცის “ლასკს” ესტუმრა. მატჩში სტუმართა დომინირება შეიმჩნეოდა, რაც ანგარიშშიც აისახა. ჯერ 25-ე წუთზე მურგმა გაუტანა მასპინძლებს, ხოლო 12 წუთში შვაბმა ორამდე გაზარდა სხვაობა. 68-ე წუთზე ბერიშამ ერთი ბურთ გაქვითა. საბოლოოდ, დედაქალაქელებმა ანგარიშით, 2:1 იმარჯვეს.
საგულისხმოა, რომ “რაპიდის” ძირითად შემადგენლობაში იყო ქართველი თავდამსხმელი, გიორგი ქვილითაია, რომელსაც გოლი არ გაუტანია და მე-19 წუთზე ყვითელი ბარათიც მიიღო. იგი 70-ე წუთზე ჟოელინტონით შეცვალეს.
ამ მოგების შემდეგ საქართველოს ნაკრების შემტევის გუნდი 29 ქულით მესამე პოზიციას იკავებს. მომდევნო ტურში ვენური კლუბი მეორეადგილოსან “სალზბურგს” დაუპირისპირდება, რომელისაც “რაპიდზე” ორით მეტი ქულა დაუგროვდა, თუმცა ერთით ნაკლები თამაში აქვს ჩატარებული.
გუშინ ავსტრიის თასის 1/16 ფინალის შეხვედრები გაიმართა.
ერთ-ერთ მატჩში ვენის “ასკ ელეკტრამ” თანაქალაქელი “რაპიდი” მიიღო. სტუმრებმა მეტოქე ანგარიშით, 4:0 დაამარცხეს და შემდეგ ეტაპზე გავიდნენ.
მოგეხსენებათ, “რაპიდში” გიორგი ქვილითაია გამოდის. მან ანგარიშის გახსნა მე-19 წუთზე მოახერხა. ქართველმა თავდამსხმელმა სხვა რამითაც “გამოიჩინა” თავი: 34-ე წუთზე ყვითელი ბარათი მიიღო, 73-ე წუთზე მეორე გაფრთხილებაც დაიმსახურა და მოედნის დატოვება ნაადრევად მოუწია.
ქვილითაიას გოლი იხილეთ 4:09 წამიდან
6 მაისს, თბილისის დროით 20:30 საათზე “რაპიდსა” და “ვოლფსბერგერს” შორის დაწყებული მატჩი გიორგი ქვილითაიასთვის განსაკუთრებული აღმოჩნდა.
“რაპიდის” ქართველმა თავდამსხმელმა საწყის წუთებში ორი გოლის გატანა შეძლო. საქართველოს ნაკრების წევრმა მატჩის მე-8 წუთზე ავსტრიელი კოფლერის კარი პირველად აიღო, მე-11 წუთზე კი მისი კარი მეორედაც დალაშქრა და საკუთარ გუნდს სოლიდური უპირატესობა მოუტანა.
დღეს გაიმართა ამხანაგური შეხვედრა ვენის “რაპიდსა” და ლონდონის “ჩელსის” შორის. საგულისხმოა, რომ ეს მატჩი “არისტოკრატების” ახალი მწვრთნელსითვის, ანტონიო კონტესთვის სადებიუტო იყო. საბოლოოდ, შეხვედრა ავსტიულმა გუნდმა, ანგარიშით 2:0 მოიგო. გოლები იოლენტონმა (მე-8 წუთზე) და კორეამ (83-ე წუთზე) გაიტანეს.
გთავაზობთ მატჩის მიმოხილვას…
ანტონიოს კონტე პრე-სეზონის მაქსიმალურად გამოყენებას აპირებს. ლონდონური “ჩელსი” 6 ამხანაგურ მატჩს გამართავს 5 განსხვავებულ სასაათო სარტყელში. ექვსიდან 5 მატჩი ავსტრიასა და ამერიკის შეერთებულ შტატებში უნდა ჩატარდეს, ერთი – რუსეთში.
ანტონიო კონტეს გუნდი იქნება პირველი სტუმარი “ალიანს სტადიონზე”, რომელიც “რაპიდის” საშინაო სტადიონი გახლავთ და “ცსკას” ახალ “მოსკოვის სტადიონზე”.
რაც შეეხება “მილანსა” და ლონდონელებს შორის გასამართ მატჩს, რომელიც საერთაშორისო ჩემპიონთა თასის ეგიდით ტარდება, ეს იქნება პირველი დიდი ღონისძიება U.S. Bank Stadium-ზე, სადაც 73,000 მაყურებელი ეტევა.
“რაპიდ ვენა” – “ჩელსი” – შაბათი, 16 ივლისი – Allianz Stadion – 20:00
“ვოლფსბერგერი” – “ჩელსი” – ოთხშაბათი, 20 ივლისი – Worthersee Stadion – 22:00
“ჩელსი” – “ლივერპული” – ოთხშაბათი, 28 ივლისი – Rose Bowl – 07:00
“ჩელსი” – “რეალ მადრიდი” – შაბათი, 30 ივლისი – Michigan Stadium – 23:00
“ჩელსი” – “მილანი” – ოთხშაბათი, 4 აგვისტო – U.S. Bank Stadium – 05:00
“ცსკა” – “ჩელსი” – კვირა, 7 აგვისტო – Moscow Stadium – დრო უცნობია
კონტეს პირველი სერიოზული გამოცდა “ლივერპულთან” მატჩში ელის. აღნიშნული შეხვედრა “როუზ ბოულის სტადიონზე” გაიმართება. შეგახსენებთ, რომ სწორედ ამ სტადიონმა უმასპინძლა 1994 წლის მუნდიალის ფინალს.
ჯონ ტერი, დიეგო კოშტა და ვილიანი თავიდანვე გუნდთან ერთად იქნება. განსხვავებით იმ ფეხბურთელთაგან, რომლებმაც ევრო 2016-ზე ითამაშეს – ისინი 1 კვირით დაისვენებენ. 1-კვირიანი შვებულებით სარგებლობს ხუან კვადრადოც, რომელმაც კოპა ამერიკაზე კოლუმბიის ნაკრებში ითამაშა.
გასულ სეზონში ჟოზემ აღიარა, რომ 3-მატჩიანმა პრე-სეზონმა მის გუნდზე უარყოფითი გავლენა იქონია, რამეთუ გუნდმა შემდეგში მოუმზადებელის შთაბეჭდილება დატოვა. როგორც ჩანს, კონტე მსგავსი შეცდომის დაშვებას არ აპირებს.
გორის „დილამ“ 9 თებერვალს თურქულ შეკრებაზე ბოლო სპარინგ-მატჩი რუმინული ბუქარესტის „რაპიდის“ წინააღმდეგ გამართა და მეტოქე მინიმალური ანგარიშით 1:0 დაამარცხა.
ჩვენმა გუნდმა უცხოური მოსამზადებელი ეტაპის განმავლობაში 4 ამხანაგური შეხვედრა ჩაატარა. აქედან ორი ფრედ პოლონურ „იაგელონიასთან“ და გერმანულ „აურბახთან“ ერთნაირი ანგარიშით 1:1 დაასრულა, ხოლო ბოლო ორი დაპირისპირება გამარჯვებით დაასრულა. ჯერ შვეიცარიული „იანგ ბოიზი“, დღეს კი ბუქარესტის „რაპიდი“ მინიმალური ანგარიშებით 1:0 დაამარცხა.
ბუქარესტის „რაპიდი“ რუმინული ფეხბურთის ერთ-ერთი ყველაზე ტიტულოვანი გუნდია. დღევანდელ შეხვედრაში კი გორის „დილა“ თუ არ ჯობნიდა მეტოქეს, ტოლი მაინც არაფერში დაუდო. პიველმა ნახევარმა ჩვენი ფეხბურთელების უპირატესობით ჩაიარა და შეიქმნა რამოდენიმე ხელსაყრელი მომენტი. პირველი წუთები თანაბარი ბრძოლით მიმდინარეობდა, შემდეგ კი ნელ-ნელა უპირატესობა „დილას“ ფეხბურთელებმა იგდეს ხელთ. დასაწყისშივე გუნდის კაპიტანმა ალექსანდრე კვახაძემ თავისი გუნდის შეტევა წამოიწყო და ლუკა რაზმაძეს მოძებნა, რომელმაც გიორგი სეთურიძეს კარგი გადაცემა გაუკეთა. რომ არა რუმინელთა მეკარის კარგი თამაში ანგარიში დიდი ალბათობით გაიხსნებოდა. საწყის წუთებში გიორგი ხიდეშელმა თამაშის გაგარძელება ვეღარ შეძლო და ცვლილება მოითხოვა, მის მაგივრად კი ალან ბაგაევი შევიდა სათამაშოდ.
მე-15 წუთზე მოდებაძეს შეექმნა ძალიან კარგი მომენტი. კვეკვესკირმა ფლანგზე ხურცილავა მოძებნა, რომელმაც ერთი შეხებით საჯარიმოში ჩააწოდა, სადაც მოდებაძემ ყველას დაასწრო, თუმცა მისი დარტყმა არაზუსტი გამოდგა.
მე-18 წუთზე სახიფათო საჯარიმო ნიკა კვეკვესკირმა შეასრულა, რომლის დარტყმულიც ცოცხალ კედელში მყოფ ფეხბურთელს მოხვდა და მოედნის ფარგლები ისე დატოვა.
31-ე წუთზე რუმინელებმა ნიკულაიას სახიფათო დარტყმით უპასუხეს, რომელიც სომხიშვილმა ნახტომით მოიგერია. შემდეგ თამაში ძირითადად მოედნის ცენტრში მიმდინარეობდა და პირველი ნახევარი უცვლელად 0:0 დასრულდა.
მეორე ტაიმის პირველი ნაწილი თანაბარი ბრძოლით მიმდინარეობდა. ჩვენი ფეხბურთელები ყველა მომენტში ბოლომდე ბრძოლობდნენ და მეტოქეს ტოლს არაფერში უდებდნენ. 57-ე წუთზე გორელებმა გააზრებული შეტევა განახორციელეს, რომელიც ბოლოს ფალავანდიშვილის დარტყმით დასრულდა, რომელსაც მცველი გადაეფარა და გადაარჩინა საკუთარი გუნდი. სამ წუთში კი რუმინელების სახიფათოდ შესრულებული ჯარიმა სომხიშვილმა უპრობლემოდ აიღო. მეტოქის კიდევ ერთი შორეული დარტყმა კვლავ გიორგი სომხიშვილმა მოიგერია.
„რაპიდის“ ფეხბურთელებმა ყველაზე რეალური მომენტი 66-ე წუთზე შექმნეს, როდესაც ჩაწოდებული ბურთი საჯარიმოში არეულობის შედეგად ერთ-ერთ რუმინელ ფეხბურთელს მიუვიდა და დარტყმული ხარიხას მოახვედრა. საპასუხო შეტევაზე კი მოდებაძეს მეკარემ სულ ოდნავ დაასწრო.
69’-ე წუთზე სლავკო მარიჩის ჩაწოდებული ბურთი მეკარემ გაჭირვებით მოიგერია. ბოლო ოცი წუთი უკვე მთლიანად ჩვენი ფეხბურთელების უპირატესობით მიმდინარეობდა. ჯერ კვეკვესკირმა მცირედით ააცდინა მიზანს, შემდეგ კი თექთურმანიძემ ახლო მანძილიდან დაარტყა და რომ არა მცველის თავგანწირული თამაში გოლი გარდაუვალი იქნებოდა.
თამაშის მიწურულს ჩვენი ფეხბურთელები განსაკუთრებულად გააქტიურდნენ. 87-ე წუთზე ლაშა გვალიამ და ირაკლი მოდებაძემ მოედნის ცენტრში ბურთი კარგად გაითამაშეს, ამ უკანასკნელმა კი ფლანგზე შეტევაში ჩართულ დავით ხურცილავას გადაუგზავნა ბურთი, რომელმაც მეტოქის საჯარიმოში კარგად ჩააწოდა. რომან ახალკაცმა მეტოქეს დუელი მოუგო, თუმცა თავით ძლიერად დარტყმული მცველს მოხვდა.
90-ე წუთზე გორელმა ფეხბურთელებმა საწადელს მაინც მიაღწიეს. ორმა ახალწვეულმა ლეგიონერმა გადამწყვეტი როლი ითამაშეს ამ ეპიზოდში. მარიჩის მიერ მოწოდებული კუთხური მცველებმა გამოიტანეს, ბურთი მოედნის ცენტრში გვალიამ მიიღო, რომელმაც კვლავ მარიჩს დაუბრუნა, ამ უკანასკნელმა კი ზუსტი და კარგი ჩაწოდებით ალან ბაგაევს, რომელმაც თავური დარტყმით საკმაოდ ლამაზი გოლი გაიტანა და გუნდს ბოლო ამხანაგური სპარინგი მოგებით დაასრულებინა – 0:1.
ჩვენი გუნდი საქართველოსკენ გეზს 10 თებერვალს აიღებს და მეორე წრეს დავით ყიფიანის სახელობის თასის 1/4 ფინალური პირველი დაპირისპირებით გახსნის, რომელიც გორში „თენგიზ ბურჯანაძის“ სახელობის სტადიონზე 18 თებერვალს თბილისის „დინამოს“ წინააღმდეგ გაიმართება.
მატჩის შემდეგ ჩვენი ვებ-გვერდისთვის რამოდენიმე ფეხბურთელს გავესაუბრეთ:
ალან ბაგაევი: „თამაში საკმაოდ საინტერესო გამოვიდა. მოედნის ცენტრში გარკვეულ უპირატესობას ვფლობდით. მეტოქე იყო საკმაოდ ძლიერი და კარგი გუნდი. მიხარია რომ ბოლო წუთებზე შევძელით გატანა. რაც შეეხება გოლს კარგი გადაცემა გამიკეთა სლავკო მარიჩმა და მე ისღა დამრჩენოდა ეს შანსი გამომეყენებინა.“
გიორგი სომხიშვილი: „ვიცოდით რომ საკმაოდ სერიოზულ გუნდთან გვქონდა თამაში. შეკრების ბოლო თამაში იყო და გვინდოდა რომ გამარჯვებით დაგვემთავრებინა. წინ საკმაოდ დაძაბული და საინტერესო მეორე წრე გველის. სეზონს თბილისის „დინამოსთან“ თასის პირველი 1/4 ფინალური დაპირისპირებით ვხსნით. ამ გამარჯვებას ვულოცავ ჩვენს გულშემატკივრებს და თითოეულ ფეხბურთელს.“
ირაკლი მოდებაძე: „საინტერესო შეხვედრა გამოდგა. ეს ერთ-ერთი ყველაზე კარგი თამაში იყო ამ შეკრებაზე. ყველა ფეხბურთელი ბოლომდე დაიხარჯა და „დინამოს“ თამაშის წინ საკმაოდ კარგი სპარინგი გამოგვივიდა. სასიხარულოა რომ ბოლო შეხვედრა გამარჯვებით დავასრულეთ.“
ლუკა რაზმაძე: „დინამოსთან“ მატჩის წინ ბოლო საკონტროლო მატჩი გავმართეთ. მეტოქე საკმაოდ სერიოზული გვყავდა. საერთოდ რუმინული გუნდები გამოირჩევიან ხისტი თამაშით და მადლობა ბიჭებს რომ ორთაბრძოლებში არაფერი დაუთმეს მეტოქეს და საკმნაოდ კარგი განწობა შევიქმენით სათასო დაპირისპირების წინ.“
დავით ხურცილავა: „მოწინააღმდეგე სერიოზული გვყავდა. ჩვენი მეტოქე დიდი ხანია რაც შეკრებილია და ვფიქრობ რომ მწვრთნელის დავალებები კარგად შევასრულეთ და საკმაოდ კარგი განწყობით ვბრუნდებით საქართველოში.“
„რაპიდი“ (ბუქარესტი) 0:1 „დილა“ (გორი)
„დილამ“ ასეთი შემადგენლობით ითამაშა: სომხიშვილი, ხიდეშელი, კვახაძე, ჯაფარიძე, რაზმაძე, ხურცილავა, სეთურიძე, კვეკვესკირი, ფალავანდიშვილი, გორელიშვილი, მოდებაძე.
შეცვლაზე შევიდნენ: ბაგაევი, მარიჩი, ახალკაცი, გვალია, თექთურმანიძე.
გოლი: ბაგაევი (90’) 0:1.
„დილას“ პრესსამსახური
თურქულ შეკრებაზე თბილისის “ლოკომოტივმა” პირველი ტესტ-მატჩი გამართა. “რკინიგზელთა” მეტოქე რუმინული “რაპიდი” იყო.
საქართველოს პირველი ლიგის ბინადრის და რუმინეთის ჩემპიონატში ბოლო ადგილზე მყოფი გუნდის დაპირისპირება ფრედ, გატანილი გოლების გარეშე დასრულდა.
აღსანიშნავია, რომ ბუქარესტის “რაპიდს” 10 თებერვალს კიდევ ერთი ქართული გუნდი, გორის “დილა” დაუპირისპირდება.
ყველასათვისაა ცნობილი, რომ ვენის “რაპიდი” და ვენის “აუსტრია” დიდი ხანია ერთმანეთის პრინციპულ მეტოქეებად ითვლებიან. ამ გუნდების გულშემატკივრებს შორის შეტაკებები კი არავის უკვირს. თუმცა, გასულ დღეებში ძალიან უსიამოვნო რამ მოხდა.
საქმე იმაში გახლავთ, რომ “რაპიდის” თხუთმეტი გულშემატკივარი “აუსტრიას” 19 წლის ფეხბურთელს ვალენტინ გრუბეკს თავს მაშინ დაესხა, როდესაც მოთამაშე ვარჯიშის დასრულების შემდეგ, კლუბის ბაზას ტოვებდა. ახალგაზრდა ფეხბურთელს დაზიანებები ზურგზე, მკერდსა და მუხლზე მიაყენეს.
უსიამოვნო ფაქტის შესახებ, ოფიციალური განცხადება გამოქვეყნდა “რაპიდის” ოფიციალურ ვებ-გვერდზე. კლუბის ხელმძღვანებლობა მომხდარ ინციდენტს გმობს და აცხადებს, რომ ყველანაირი სახის ძალადობა დაუშვებელია.
ცნობისთვის, ავსტრიის ბუნდესლიგაში, “რაპიდი” მეორე ადგილს იკავებს და მესამე პოზიციაზე მყოფ “აუსტრიას” ორი ქულით ჩამორჩება. ეს გუნდები ერთმანეთს 6 აპრილს შეხვდებიან.
დიტო ჭიჭინაძე
