მსოფლიო ფეხბურთის მმართველი ორგანოს ხელმძღვანელმა იოზეფ ბლატერმა ბრაზილიის პრეზიდენტ დილმა რუსეფთან სატელეფონო საუბრისას აღნიშნა, რომ არსებული პრობლემების მიუხედავად, 2014 წლის მსოფლიოს ჩემპიონატი ფეხბურთის ისტორიაში ყველაზე წარმატებული იქნება.
რუსეფმა განაცხადა, რომ მასსა და ბლატერს შორის ათწუთიანი სატელეფონო დიალოგი შედგა. ფიფას ხელმძღვანელმა ბრაზილიის პრეზიდენტი 10 ივნისს, მუნდიალის დაწყებამდე ორი დღით ადრე, სან პაულუში, ფიფას კონგრესის გახსნაზე დაპატიჟა.
„ბლატერი დარწმუნებულია, რომ ბრაზილიის მსოფლიოს ჩემპიონატი ყველა დროის საუკეთესო ტურნირი იქნება“, – რუსეფის სიტყვებს „როიტერი“ ავრცელებს.
ბექა დოგრაშვილი