დორტმუნდის “ბორუსიას” კაპიტანი, მარსელ შმელცერი, მიუნხენის “ბაიერნთან” გამართულ მატჩს (0:6), რომელიც ბუნდესლიგის 28-ე ტურის ეგიდით ჩატარდა, ირონიულად გამოეხმაურა.
“ძალიან ამბიციური მიზნები გვქონდა, თუმცა, როგორც თქვენ ნახეთ, არაფერი გამოგვივიდა,” – აცხადებს შმელცერი, რომლის გუნდმაც მიმდინარე სეზონში ყველა ტიტულის მოგების შანსი დაკარგა.
“ორთაბრძოლებში ძალიან სუსტად გამოვიყურებოდით, ყოველთვის ერთი ნაბიჯით უკან ვიყავით. ისეთი შეგრძნება გვქონდა, რომ მეტოქე მოედანზე უფრო მეტი ფეხბურთელით იყო. ეს თამაში კატა-თაგვობანას უფრო ჰგავდა,” – დაამატა შმელცერმა.
ცნობისთვი გეტყვით, რომ ბუნდესლიგის 28 ტურის შემდეგ “ბორუსია” 48 ქულით მესამე პოზიციას იკავებს და 21 ქულით ჩამორჩება ლიდერ “რეკორდმაისტერს”.
