“ბარსელონას” ცენტრალურ მცველს, ტომას ვერმაელენს ძველმა მიკრო-ტრავმამ თავი შეახსენა.
ტომასმა “ბლაუგრანას” საწვრთნელ ბაზაზე ფიზიოთერაპევტთან ერთად ვარჯიში განაახლა, მაგრამ მას ფეხის კუნთმა შეაწუხა, გვატყობინებს El Mundo Deportivo.
სავარაუდოდ, ვერმაელენს მიმდინარე სეზონში კატალონიური გუნდის მაისურით დებიუტი არ ექნება.
შეგახსენებთ, რომ 29 წლის მცველი 2014 წლის ზაფხულში “კამპ ნოუზე” 15 მილიონ ფუნტის სანაცვლოდ გადავიდა.
“ბარსელონას” არგენტინელმა თავდამსხმელმა, ლეო მესიმ აღიარა 2014 წლის პრობლემები, მაგრამ მისი თქმით, ახლა ის თავს მშვენივრად გრძნობს.
ფეხბურთელს ხშირ-ხშირად გამოჩენილმა დაზიანებებმა სრულყოფილი სეზონის ჩატარების საშუალება არ მისცა, რის გამოც, მესისადმი პუბლიკამ კრიტიკა არ დაიშურა. არგენტინელმა მოცემულ სტატიაში ამ პრობლემებზე ისაუბრა.
ბევრი ამბობდა, რომ ლეოს დრომ ჩაიარა და ის ვეღარ შეძლებდა კარგი ფეხბურთის ჩვენებას, მაგრამ მიმდინარე სეზონი ფეხბურთელისთვის კარგად მიმდინარეობს. რაც შეეხება თავად არგენტინელს, ის დარწმუნებულია, რომ ამჟამად იდეალურ ფორმაშია.
“სიმართლე ისაა, რომ გასულ წელთან შედარებით ბრწყინვალედ გამოვიყურები. წინა სეზონში ბევრი ხელისშემშლელი ფაქტორი იყო, რის გამოც მაყურებელს ცუდ თამაშს ვთავაზობდი, ხოლო ისინი ჩემგან ასეთ დონეს არ იყვნენ მიჩვეულნი”.
“ეს უდიდესი გამოწვევა იყო. ბევრს ეგონა, რომ ჩავარდნილი სეზონის შემდეგ მწვერვალზე დაბრუნებას ვერ შევძლებდი, მაგრამ მე ეს შევძელი, რაც ძალიან მახარებს”.
“სოსიედადთან” მარცხის(0-1) შემდეგ, ლიონელ მესი მაყურებელს ბრწყინვალე ფეხბურთს სთავაზობს. არგენტინელი ხალხს დღითიდღე აოცებს.
“გუნდი შესანიშნავ ფორმაშია. ყველაფერი გვაქვს იმისთვის, რათა ტიტულები მოვიპოვოთ. ამჟამად გუნდის უმთავრესი მიზანი ლა ლიგის ჩემპიონობა და ჩემპიონთა ლიგის თასის მოპოვებაა,”-განაცხადა მესიმ.
2015 წელს ლეომ ლა ლიგაში შვიდი მატჩი ჩაატარა, გაიტანა 11 გოლი და გააკეთა ექვსი ზუსტი გადაცემა.
არის ჭორები იმასთან დაკავშირებით, რომ “ბარსელონამ” სერხიო ბუსკეტსთან ახალი ხელშეკრულების თაობაზე შეთანხმებას მიაღწია.
რამდენიმე ავტორიტეტული გამოცემის თანახმად, ესპანელი ნახევარმცველი “ბლაუგრანას” ღირსებას 2019 წლამდე დაიცავს.
უახლოეს დღეებში “ბარსელონა” ინფორმაციას ოფიციალურად დაადასტურებს.
შეგახსენებთ, რომ სერხიო კატალონიური კლუბის აღზრდილია და ის პირველ გუნდში პეპ გუარდიოლას დროს ჩაირიცხა. სწორედ მაშინ ჰქონდა “ბარსელონას” “ოქროს ხანა”.
უეფას მიერ დაწესებული ჯარიმის მიუხედავად, “ბარსელონა” ახალწვეულების მოწვევაზე მუშაობს.
შეგახსენებთ, რომ კატალონიურ გუნდს ტრანსფერის განხორციელების უფლება 2016 წლის იანვრამდე არ აქვს.
Mundo Deportivo-ს თქმით, “ბარსელონა” ხუან მატას თამაშს ყურადღებას “ვალენსიაში” ყოფნის დროსაც აქცევდა.
“ბლაუგრანამ” ესპანელი ნახევარმცველი შეიძლება ზაფხულში გაიფორმოს, მაგრამ კლუბს მომავალი წლის იანვარში შეუერთდეს.
ესპანური “ბარსელონას” ნახევარმცველი ალექს სონგი, რომელიც არენდის წესით “ვესტ ჰემში” თამაშობს, კატალონიურ გრანდში დაბრუნება არ სურს.
“ბარსელონაში” ბევრი ძლიერი ფეხბურთელია, რომლებიც ტიტულებს იგებენ. ტიტულს სათამაშო დრო და პროგრესი მირჩევნია, ამიტომაც მჯერა, რომ გუნდი უნდა დავტოვო”.
“მოხარული ვარ “ვესტ ჰემში” თამაშით. აქ ყველაფრით კმაყოფილი ვარ. დავრჩები თუ არა ლონდონურ გუნდში? – ამ კითხვაზე პასუხის გაცემა არ შემიძლია, ეს საკითხი სეზონის ბოლოს გაირკვევა,”-განაცხადა კამერუნელმა.
2015 წელი ,,ლურჯ-ბროწეულთათვის” ცუდად დაიწყო. ლუის ენრიკეს შეგირდებმა გუშინდელ შეხვედრაში მარცხი იწვნიეს. ბასკური გუნდი კვლავ კარგად განარძობს თამაშს საკუთარ მოედანზე. პეპის, ტიტო ვილანოვასა და მარტინოს შეუერთდა ლუის ენრიკეც. 4-წლიანი ტრადიცია კვლავ გაგრძელდა. ,,ბარსელონა” სტუმრად უკვე რამდენიმე წელია ვერ ახერხებს ,,რეალ სოსიედადის” დამარცხებას.
გუშინდელი თამაშის შემდეგ კი კატალონიის ,,ბარსელონას” ესპანელმა ფეხბურთელმა, სერხიო ბუსკეტსმა გააკეთა კომენტარი.
,,ჩვენ რამდენიმე შეცდომა დავუშვით. ხელიდან გავუშვით პირველ ადგილზე გადასვლის შანსიც. ყველას გვსურდა, წელი მოგებით დაგვეწყო. პრობლემები საკუთარ თავში უნდა ვეძებოთ და გამოვასწოროთ.
რაც შეეხება მოწინააღმდეგეს, ის ძალიან კარგად იცავდა თავს. რთულია ასეთი დაცვის წინააღმდეგ თამაში. გასვლაზე ჩვენ იშვიათად ვკარგავთ ქულებს, მაგრამ ამ სტადიონზე თამაში ყოველთვის გვიჭირს. იმედი მაქვს, რომ სიტუაცია მომავალ სეზონში შეიცვლება,”- განაცხადა სერხიო ბუსკეტსმა.
ყურადღება! აღნიშნული სტატია გამოქვეყნებულია ჩვენი მომხმარებლის მიერ პირდაპირ, რედაქციის ჩარევისა და ჩასწორებების გარეშე.
მილანის ,,ინტერი” იბრაჰიმ აფელაითი დაინტერესდა. ამჟამად ჰოლანდიელი ფეხბურთელი ,,ოლიმპიაკოსის” შემადგენლობაში თამაშობს.
როგორც იცით, 28 წლის აფელაი კატალონიის ,,ბარსელონას” საკუთრებაა. იგი ,,ოლიმპიაკოსში” არენდის წესით გადავიდა.
ამ სეზონში საბერძნეთის ჩემპიონატში ჰოლანდიელმა ფეხბურთელმა 8 თამაში ჩაატარა. მან 2 გოლის გატანა მოახერხა.
ყურადღება! აღნიშნული სტატია გამოქვეყნებულია ჩვენი მომხმარებლის მიერ პირდაპირ, რედაქციის ჩარევისა და ჩასწორებების გარეშე.
ლონდონის ,,არსენალის” მთავარი მწვრთნელი არსენ ვენგერი ინტერვიუში ალექს სონგზე საუბრობს. მან ჟურნალისტებთან კამერუნელი ფეხბურთელი შეაქო.
,,მე ის 17 წლის ასაკში ვიყიდე. ირგვლივ ყველა სკეპტიკურად იყო განწყობილი. ის ძალიან კარგ ფეხბურთელად ჩამოყალიბდა. სონგი მაშინაც კარგი ფეხბურთელი იყო, როდესაც პრემიერლიგაში თამაშობდა”.
ყურადღება! აღნიშნული სტატია გამოქვეყნებულია ჩვენი მომხმარებლის მიერ პირდაპირ, რედაქციის ჩარევისა და ჩასწორებების გარეშე.
კატალონიის ,,ბარსელონას” ფეხბურთელი, ნეიმარი პარასკევის ვარჯიშზე გუნდთან ერთად ივარჯიშა. მედიკოსებმა მას თამაშის უფლება მისცეს.
ფეხბურთელი ,,კორდობასთან” შეძლებს თამაშს. მან ბოლო ორი შეხვედრა ტრავმის გამო გამოტოვა. ასევე დღევანდელ ვარჯიშს ,,ბარსა ბ-ს” ფეხბურთელი, მუნირ ელ ჰადადიც დაესწრო. დანი ალვეშმა კი გუნდისგან განცალკევებით ივარჯიშა.
მატჩი 20 დეკემბერს, თბილისის დროით 20:00 საათზე დაიწყება.
ინგლისური პრესა პედრო როდრიგესის შესახებ აქტიურად წერს. ფეხბურთელს ,,პრემიერ ლიგაში” გადასვლას უწინასწარმეტყველებენ.
ესპანელი თავდამსხმელით ლონდონის ,,არსენალი” დაინტერესდა. ,,მეთოფეები” ფეხბურთელის შესაძენად 33 მილიონ ევროს ამზადებენ.
,,არსენალთან” ერთად, მერსესაიდული კლუბსაც სურს კატალონიის ,,ბარსელონას” ფეხბურთელის შეძენა. ზაფხულში ფეხბურთელისათვის ორი ინგლისური გრანდი იბრძოლებს.
ლეგენდარულმა ბრაზილიელმა ფეხბურთელმა, რონალდო დე ასის მორეირამ, კატალონიის ”ბარსელონას” ოფიციალურ ვებგვერდს ექსკლუზიური ინტერვიუ მისცა. შეგახსენებთ, რომ ფეხბურთელი ”ბარსას” რიგებში 2003 წლიდან, 2008 წლამდე თამაშობდა.
– როდესაც ფიქრობ ‘’ბარსაზე’’, თქვენი პირველი მოგონება?
მე მეღიმება და საოცრად ბედნიერი ვარ. ‘’ბარსაში’’ გატარებული წლები საოცარი იყო. მინდა, კლუბს დიდი მადლობა გადავუხადო გატარებული წლებისთვის.
– ყველაზე დიდი მოგონება კლუბში და ქალაქში ყოფნისას?
‘’ბარსა’’ არის ხალხის გაერთიანება, რომელსაც ძალიან უყვარს კლუბი. მოგონება? დასამახსოვრებელი იყო ჩემთვის, თუ როგორ მიღიმოდა ყოველდღე დარაჯი ვარჯიშზე მისვლისას. აქ მე ბევრ დიდ ადამიანს შევხვდი – წესიერსა და თავმდაბალს. ეს იმის მაგალითია, რომ ‘’ბარსა’’ ყველაფერია.
-მესი კარიერის დასაწყისში თქვენი კარგი მეგობარი იყო. გაგიკვირდათ მისი ასეთი მიღწევები?
არ გამკვირვებია. მან ყველაფერს თავდაუზოგავი შრომის შედეგად მიაღწია.
თქენი გადაცემით არგენტინელმა ესპანეთის ჩემპიონატში პირველი გოლი გაიტანა.
-რა იგრძენით, როდესაც ის ‘’ლა ლიგის’’ საუკეთესო ბომბარდირი გახდა?
რა თქმა უნდა ძალიან გახარებული ვიყავი. ის ყოველდღიურად აუმჯობესებს სათამაშო დონეს. ნამდვილად დასამახსოვრებელი მომენტია. ეს იყო ბიძგი ლეოს საოცარი საფეხბურთო კარიერის.
– თქვენ კარგად იცით, თუ რას წარმოადგენს ‘’ბარსელონა’’. Barca TV-მ თქვენზე საინტერესო დოკუმენტური ფილმი გადაიღო, სათაურით : ‘’როდესაც ‘’ბარსამ’’ დაიბრუნა ღიმილი’’. როგორია თქვენი ემოცია?
‘’ბარსა’’ ჩემს გულში ცხოვრობს. მინდა, იდეის ავტორს დიდი მადლობა გადავუხადო. მე ყოველთვის მადლობელი ვიყავი და ვარ იმის, რაც კლუბმა მომცა. აქ შევიძინე თანაგუნდელები, რომლებიც ჩემთვის ძმებივით არიან. იმ დროს, ყველაზე კარგად და ბედნიერად თავს ‘’კამპ ნოუზე’’ ვგრძნობდი.
– თქვენი აზრით, მიაღწევს ნეიმარი თქვენსავით ბევრს ?
ნეიმარი სწორ გზას ადგას. მან სწორი გადაწყვეტილება მიიღო ‘’ბარსაში’’ გადმოსვლით. კლუბში მას უკვე დიდი როლი აქვს. ის თამაშობს მსოფლიოში საუკეთესო ფეხბურთელების გვერდით. ‘’ბარსაში’’თამაშისას ის გახდება უფრო დიდი ფეხბურთელი.
– რას ეტყოდით კლუბის და თქვენს გულშემატკივრს, როგორც იცით კლუბს 115 წელი შეუსრულდა?
ყველა გულშემატკივარს მინდა მადლობა გადავუხადო. ‘’ბარსა’’ – მე შენ მიყვარხარ მთელი გულით. ‘’ბარსელონა’’ საუკეთესო კლუბია მსოფლიოში.
კატალონიის ”ბარსელონას” ფეხბურთელი ივან რაკიტიჩი ბოლო დროს განვითარებულ მოვლენებს ეხმაურება. საქმე კი ლიონელ მესის ირგვლივ გავრცელებულ ინფორმაციებს ეხება.
”მესი საუკეთესოა და ის გუნდში უნდა დარჩეს. რა თქმა უნდა, ლეოს მომავალი მისი გადასაწყვეტია, მაგრამ როგორც მის თანაგუნდელს, მინდა, რომ ის გუნდში კიდევ დარჩეს. მე ვიცი, რომ მას ჯერ კიდევ კონტრაქტი აკავშირებს ”ბარსასთან”. ვიმედოვნებ, რომ ის აქ დიდი ხნის განმავლობაში დარჩება. გუნდს სურს, რომ ლეოსთან ერთად კიდევ მეტ წარმატებას მიაღწიოს.
შეგახსენებთ, რომ მესის კლუბთან კონტრაქტი 2016 წლის ზაფხულში ეწურება.
