ლორან ბლანი – გვერდი 3 – Fanebi.Com – ფეხბურთი, კალათბურთი, რაგბი, სხვა

“პსჟ”: დიდი დანაკარგები ჩემპიონთა ლიგის წინ

Posted on თებერვალი 15, 2015 by საბა

პარიზელები ჩემპიონთა ლიგის მერვედფინალურ მატჩს დიდი დანაკარგით ხვდებიან.

ლიგა 1-ის ბოლო ტურში, ლორან ბლანს “კანთან” მატჩში (2-2) იძულებითი ცვლილებების განხორციელება მოუხდა. საზარდულის ტრავმის გამო მატჩის დასაწყისში იოან კაბაიე ადრიენ რაბიუმ შეცვალა, მარკინიოსი ფეხის კუნთის ტრავმის გამო დავიდ ლუისმა, ხოლო ბლეზ მატუიდი ვან დერ ვილმა მუხლის დაზიანების გამო.

“პსჟ”-ს წარუმატებელი სერია სერჟ ორიემ ბარძაყის კუნთის დაჭიმულობამ და ლუკას მოურას მუხლქვედა მყესის ტრავმამ გააგრძელა.

“ჩვენ ძალიან რთულ სიტუაციაში ვიყავით. წინ ურთულესი მატჩი გველის, რომელიც “ჩელსისთან” უნდა გავმართოთ, ხოლო ამდენი ტრავმირებული ფეხბურთელის მიუხედავად, მჯერა, რომ ლონდონელთა დამარცხება შეგვიძლია,” – განაცხადა ბლანმა.

დედაქალაქელთა მწვრთნელი ვარაუდობს, რომ ბლეზ მატუიდი გუნდს “არისტოკრატთა” წინააღმდეგ პირველივე მატჩში დაეხმარება.

ბლანი: „მოურინიო გენიოსია“

Posted on თებერვალი 12, 2015 by Alix

პსჟ-ს მთავარი მწვრთნელის ლორან ბლანის აზრით, „ჩელსი“ ინგლისის თასს სპეციალურად გამოეთიშა, რათა მის გუდნთან უეფა-ს ჩემპიონთა ლიგის პირველი 1/8-ფინალური მატჩისთვის მზად ყოფილიყო.

„მოურინიო გენიოსია. ლონდონელებმა ინგლისის თასზე „ბრედფორდთან“ წააგეს, რაც გუნდს ჩვენთან მატჩისთვის ერთი კვირის განმავლობაში მომზადების საშუალებას მისცემს. წარმომიდგენია, რა კრიტიკა იქნებოდა ჩვენი მისამართით, თ ანალოგიურად დავმარცხდებოდით. ბევრი იტყოდა, რომ მე ფეხბურთი ცუდად ვიცი“, – განაცხადა ბლანმა.

ბლანი: “ვერატი ერთი და იგივე შეცდომას უშვებს”

Posted on თებერვალი 8, 2015 by ბექა დოგრაშვილი

“პარი სენ-ჟერმენის” მთავარმა მწვრთნელმა ლორან ბლანმა გუნდის ახალგაზრდა ნახევარმცველის, მარკო ვერატის პრობლემაზე ისაუბრა.

“მარკო შესანიშნავი ფეხბურთელია, მაგრამ მშვიდად უნდა იყოს, მით უფრო მოედანზე ყოფნისას. მესმის, რომ ეს ძნელია, რადგან ის იტალიელია, თუმცა ვერატიმ მინდორზე ყოფნისას საკუთარ თავზე კონტროლი აუცილებლად უნდა ისწავლოს. ის საფრანგეთში უკვე ორწელიწადნახევარია, თამაშობს და მუდამ ერთი და იგივე შეცდომას უშვებს”, – ბლანის სიტყვებს “ტოდო მერკადო” აქვეყნებს.

ბლანი: “პარი-სენ ჟერმენმა” გამარჯვება დაიმსახურა”

Posted on იანვარი 26, 2015 by -

“პარი სენ-ჟერმენის” მთავარმა მწვრთნელმა ლორან ბლანმა “სენტ-ეტიენის” წინააღმდეგ გამართული მატჩი შეაფასა და აღნიშნა, რომ მისმა გუნდმა გამარჯვება დაიმსახურა.

შეგახსენებთ, რომ “სენტ-ეტიენმა” “პსჟ” საკუთარ მოედანზე მიიღო და ანგარიშით 0:1 დამარცხდა. შეხვედრაში ერთადერთი გოლი მე-60 წუთზე, ზლატან იბრაჰიმოვიჩმა გაიტანა.

“სასიამოვნოა, რომ გავიმარჯვეთ. ვფიქრობ, კარგად ვითამაშეთ და სამი ქულაც დამსახურებულად მოვიპოვეთ. კიდევ ერთი გოლის გატანის შანსები გვქონდა, მაგრამ სამწუხაროდ, ისინი ვერ გამოვიყენეთ”, – ამბობს ბლანი.

ბექჰემი: „ბლანი პსჟ-სთვის ჩინებული მწვრთნელია“

Posted on იანვარი 12, 2015 by Alix

პსჟ-ს ყოფილმა ნახევარმცველმა დევიდ ბექჰემმა გუნდის ამჟამინდელ თავკაცზე ლორან ბლანზე ისაუბრა.

„პსჟ-ს ჩინებული მწვრთბელი ჰყავს, რომელიც დიდი კლუბების შემადგენლობაში თამაშობდა. ამ კლუბს კარგი მენეჯმენტი და დიდი ამბიციები აქვს.

ლიგა 1-ში მოგება რთულია. პსჟ-ს ჩინებული ფეხბურთელები და გულშემატკივრები ჰყავს. იმედია, ტიტულს გუნდი მაინც მოიგებს, მიუხედავად იმისა, რომ ეს რთული იქნება.

პარიზელები უკვე რამდენიმე სეზონის განმავლობაში ჩემპიონთა ლიგაზე თამაშობენ. ამ პერიოდში კლუბმა საკმარისი გამოცდილება დააგროვა და მაყურებლებს თავი შესანიშნავი მატჩებით დაამახსოვრა“, – განაცხადა ბექსმა.

შეგახსენებთ, რომ ლორან ბლანი და დევიდ ბექჰემი თავის დროზე „მანჩესტერ იუნაიტედში“ თანაგუნდელები იყვნენ.

ბლანი: „პსჟ-ს ოსტატობა დააკლდა“

Posted on დეკემბერი 11, 2014 by Alix

„პარი სენ-ჟერმენის“ მთავარმა მწვრთნელმა ლორან ბლანმა „ბარსელონასთან“ უეფა-ს ჩემპიონთა ლიგის ჯგუფური ეტაპის ბოლო ტურის მატჩი შეაფასა, რომელშიც მისი გუნდი ანგარიშით 3:1 დამარცხდა.

„იმედგაცრუებულები ვართ. გვესმოდა, რომ რთული მატჩი გვექნებოდა, თუმცა ოსტატობა, როგორც დაცვაში, ასევე თავდასხმაში დაგვაკლდა. შექმნილი საგოლე მომენტებიდან გამომდინარე, ანგარიში, შესაძლოა, 2:2 გამხდარიყო.

უნდა გაგვერისკა, ამიტომაც თამაში ოთხი თავდამსხმელით დავასრულეთ. კარგი შედეგის მიღწევა გვსურდა. შეგვეძლო, ანგარიში 2:0 გაგვეხადა. დიდებული ფეხბურთელები კარგ მომენტს ყოველთვის გოლად, ზოგჯერ კი, შედევრადაც აქცევენ. ანგარიშის გათანაბრებას ვცდილობდით, მაგრამ 1:3 წავაგეთ.

კონტრშეტევებზე თამაშს ვაპირებდით. ვთვლი, რომ პირველ ტაიმში „ბარსელონაზე“ მეტი მომენტი შევქმენით, რითაც მასპინძლებს პრობლემები შევუქმენით. ცენტრში საკმაოდ კარგად ვიბრძოდით. რაღაც დაგვაკლდა, დაცვაშიც იდეალურად ვერ ვითამაშეთ.

წინ სხვა რომელიმე ჯგუფის გამარჯვებულთან ორი მატჩი გველის. ვიმედოვნებდი, რომ 1/8 ფინალში პირველი ადგილიდან გავიდოდით, თუმცა ეს ვერ გამოგვივიდა. ახლა კენჭისყრას დაველოდებით“, – განაცხადა ბლანმა.

ლორან ბლანმა მარსელის “ოლიმპიკის” ფეხბურთელს ბურთის აღების საშუალება არ მისცა (ვიდეო)

Posted on ნოემბერი 11, 2014ნოემბერი 10, 2014 by -

9 ნოემბერს, საფრანგეთის ჩემპიონატში, “პარი სენ-ჟერმენსა” და მარსელის “ოლიმპიკს” შორის გამართულ მატჩში კამერებმა საინტერესო კადრი დააფიქსირეს.

ბლანი: ”ბარსას” ძლიერი დაცვა არ ჰყავს”

Posted on სექტემბერი 29, 2014 by ირაკლი

როგორც იცით, ხვალ, თბილისის დროით 22:45 საათზე, გაიმართება უეფას ჩემპიონთა ლიგის რიგით ll ტურის მატჩები, ერთ-ერთი საინტერესო დაპირისპირება კი პარიზში შედგება, სადაც ადგილობრივი პსჟ, ”ბარსელონას” უმასპინძლებს. მატჩისწინა პრესკონფერენციაზე, პარიზული გუნდის თავკაცმა ლორან ბლანმა, საკმაოდ საინტერესო კომენტარი გააკეთა:

”ბურთის ფლობით, მოგებას ვერ გაინაღდებ. შეიძლება, ბურთის ფლობა 80 – 20-ზე გქონდეს, შექმნა 2 ან 3 სახიფათო მომენტი და ვერ გაიტანო. დიახ, ”ბარსა” ბრწყინვალედ ფლობს ბურთს, მაგრამ ძლიერი დაცვა არ ჰყავს. პსჟ-ს შეუძლია მეტოქის მცველებისთვის პრობლემების შექმნა და სასურველი ანგარიშის დაფიქსირება. ჩემთვის დიდი სიამოვნებაა ამ გუნდთად დაპირისპირება. ”ბარსელონა” არის თანამედროვე ფეხბურთის ერთ-ერთი გამორჩეული გუნდი, შესანიშნავი სათამაშო ფილოსოფიით. მას გააჩნია ბევრი ისეთი რამ, რაც აუცილებლად უნდა ვისწავლოთ.” – განაცხადა ფრანგმა სპეციალისტმა.

ბლანი: “დავიდ ლუისს დრო სჭირდება”

Posted on სექტემბერი 28, 2014სექტემბერი 28, 2014 by Levan

პსჟ-ს მთავარმა მწვრთნელმა, ლორან ბლანმა, კლუბის ახალწვეულზე, დავიდ ლუისზე ისაუბრა.

“დავიდ ლუისს დრო სჭირდება. ისევე როგორც რამდენიმე სხვა მოთამაშე, ის მუნდიალზე განცდილი წარუმატებლობის შემდეგ შემოგვიერთდა.

მას ფაქტობრივად მთელი მოსამზადებელი ეტაპი გაუცდა. ალბათ, ცოტა დრო უნდა მიგვეცა, სანამ მოედანზე გამოვიყვანდით. თუმცა, ტიაგო სილვას ტრავმის გამო, ამის საშუალება აღარ გვქონდა.

ლუისი შესანიშნავი მცველია. დარწმუნებული ვარ ის დიდ სარგებელს მოგვიტანს” – განაცხადა ბლანმა.

ლორან ბლანი შესაძლოა “პსჟდან” გაუშვან, ვინ შეცვლის მას ?

Posted on სექტემბერი 28, 2014 by გიორგი

როგორც ცნობილი გახდა, ლორან ბლანის პარიზული კარიერა შესაძლოა ერთმა მატჩმა, “პსჟ” – “ბარსელონას” დაპირისპირებამ იმსხვერპლოს, რომელიც 30 სექტემბერს გაიმართება. იმ შემთხვევაში თუ ფრანგული გუნდი წარმატებით ვერ იასპარეზებს ესპანელების წინააღმდეგ.

ბლანის შემცვლელებად კი სახელდებიან, “გალათასარაის” ყოფილი მწვრთნელი რობერტო მანჩინი და “პსჟს” ყოფილი სპორტული დირექტორი ლეონარდო, რომელიც ადრე “ინტერისა” და “მილანის” მწვრთნელიც იყო.

ბლანი: “ჩელსის აზარის გაშვება არ სურს”

Posted on ივნისი 19, 2014 by Levan

პსჟ-ს მთავარმა მწვრთნელმა ლორან ბლანმა განაცხადა, რომ პარიზულ კლუბი ედენ აზარის შეძენას ვერ ახერხებს.

“ედენ აზარი ტოპ კლასის ფეხბურთელია. “ჩელსის” მას საკთარ რიგებში სურს შენარჩუნება. ჩვენს რამდენიმე მოთამშეს ვაკვირდებოდით და როგორც იცი დავიდ ლუისი უკვე შევიძნეთ.

ახალ ტრანსფერზე ვმუშაობთ, თუმცა ლოდინი მოგვიწევს, მალე ყველაფერი გაირკვევა” – განაცხადა ბლანმა.

ბლანმა ოსკარისა და დავიდ ლუისის მიმართ ინტერესი დაადასტურა

Posted on მაისი 12, 2014 by ბექა დოგრაშვილი

„პარი სენ-ჟერმენის“ მთავარმა მწვრთნელმა ლორან ბლანმა დაადასტურა ინფორმაცია, რომლის მიხედვითაც, პარიზული კლუბი ლონდონის „ჩელსის“ ბრაზილიელი ფეხბურთელებით – ოსკარითა და დავიდ ლუისით არის დაინტერესებული.

„ბედნიერი ვარ, რომ ამ ამბიციური პროექტის გზას ვაგრძელებ. ძალიან სასიხარულოა, რომ „პარი სენ-ჟერმენის“ ხელმძღვანელობა მენდობა. საკითხებს რეალურად უნდა შევხედოთ: სამწუხაროა, როდესაც ხელში კოზირი გიჭირავს, მაგრამ ჩანაფიქრის განხორციელებას ვერ ახერხებ (ფინანსური ფეარ-პლეის გამო).

ამის მიუხედავად, გვაქვს შესაძლებლობა, რომ მომავალი სეზონისთვის კარგად მოვემზადოთ. მხოლოდ რამდენიმე პოზიციის გაძლიერება არის აუცილებელი. ოსკარი და დავიდ ლუისი ძალიან კარგი მოთამაშეები არიან. ისინი „პარი სენ-ჟერმენის“ ინტერესის სფეროში შედიან“, – ბლანის სიტყვებს Goal.com-ი ციტირებს.