ჭდე: მარკ-ანდრე ტერ შტეგენი

კატალონიური “ბარსელონას” კარის დარაჯის, მარკ-ანდრე ტერ შტეგენის აგენტის თქმით, მისი კლიენტი დიდი სიამოვნებით გააფორმებდა “ბლაუგრანასთან” ახალ კონტრაქტს იმის ფონზე, რომ ის გუნდის პირველი მეკარე გახდა.

გერმანელი მეკარის აგენტმა, ჟერდ ფომ ბრუხმა განაცხადა: “ტერ შტეგენს მეტი სათამაშო დრო სჭირდებოდა, მისი გადაბირებით კი რამოდენიმე უცხოური კლუბი იყო დაინტერესებული.

მაგრამ, “ბარსელონამ” საკუთარი პოზიცია მყარად დააფიქსირა და განგვიცხადა, რომ კლუბის მიზანი ტერ შტეგენის შენარჩუნება იყო. ბევრი ვიფიქრეთ და დავთანხმდით.

ახლა კი, მარკი მომგებიან პოზიციაშია, მისი მიზანი საშინაო ჩემპიონატსა და ევროპაში პირველ ნომრად თამაშია. ის დიდი სიამოვნებით გაახანგრძლივებს კლუბთან კონტრაქტს.”

„ბარსელონას“ მეკარე მარკ-ანდრე ტერ შტეგენი გუნდთან ერთი კვირის განმავლობაში ვერ ივარჯიშებს, რის შესახებაც კატალონიური კლუბის ოფიციალური ვებსაიტი იტყობინება.

გერმანელ მეკარეს დაგეგმილი სტომატოლოგიური ოპერაცია ჩაუტარდება, რომლის გამო ის სწორედ ამ პერიოდს გამოტოვებს. გოლკიპერი ვარჯიშს სანაკრებო პაუზის შემდეგ დაუბრუნდება.

სავარაუდოდ, ტერ შტეგენი მადრიდის „რეალთან“ მე-12 ტურის მატჩისთვის სრულიად მზად იქნება. ცნობისთვის, „ელ კლასიკო“ 21 ნოემბერს გაიმართება.

გერმანელი კიპერი იმედოვნებს, რომ ესპანეთის ჩემპიონატში შანსი ხშირად მიეცემა.

მარკ-ანდრე ტერ-შტეგენი, რომელიც “ბარსელონაში” ზაფხულში გადავიდა, ლა ლიგაში დებიუტი კვლავ არ ჰქონია. ლუის ენრიკე მას მხოლოდ კოპა დელ რეიზე და ჩემპიონთა ლიგაზე ენდობა.

“რაც მთავარია, მჯერა საკუთარი ძალების. ბოლო შეხვედრა ჩემთვის ბრწყინვალე გამოდგა, ამ დონეზე გაგრძელება მსურს. რა თქმა უნდა, თამაში და გუნდზე დახმარება მსურს”.

“არ არის ადვილი შეინარჩუნო ფორმა, მხოლოდ ჩემპიონთა ლიგაზე თამაშით. ამ პერიოდისთვის ბედნიერი ვარ”.

“თუმცა, მინდა მწვრთნელი დავარწმუნო, რომ ხშირად მათამაშოს,”-განაცხადა ტერ-შტეგენმა.

კატალონიური გუნდის ძირითადი მეკარე კლაუდიო ბრავოა.