ჭდე: დრის მერტენსი

ბრწყინვალე ფორმაში მყოფი “ნაპოლი” შესაძლოა, გუნდის ლიდერმა, დრის მერტენსმა დატოვოს. ბოლო დროს მერტენსის შესაძლო ტრანსფერთან დაკავშირებით არაერთი ავტორიტეტული გამოცემა ავრცელებს ცნობებს.

როგორც იცით, “ნაპოლიდან” გონსალო იგუაინის წასვლის შემდეგ, არგენტინელი ფეხბურთელის ფუნქციები მერტენსმა შეითავსა. ბელგიელმა შემტევმა გასული სეზონის 46 მატჩში 38 გოლის გატანა შეძლო, მიმდინარე გათამაშებაში კი მის ანგარიშზე 11 გატანილი გოლია დაგროვებული.

მართალია, მერტენსს ნეაპოლურ კლუბთან კონტრაქტი 2020 წლამდე აკავშირებს, მაგრამ ის ფაქტი, რომ “ნაპოლის” ლიდერის გამოსყიდვა მხოლოდ 28 მილიონ ევროდაა შესაძლებელი, ბევრი ევროპული გრანდის ყურადღებას იქცევს.

„ნაპოლის“ თავდამსხმელის დრის მერტენსის თქმით, იგი ნეაპოლიტანური კლუბიდან წასვლის მიზეზებს ვერ ხედავს. გარდა ამისა, ბელგიელი რაფაელ ბენიტესის მხრიდან შემადგენლობის ხშირ როტაციასაც შეეხო.

„რა თქმა უნდა, უფრო მეტი სათამაშო დროის მიღება მსურს, თუმცა მთავარი მწვრთნელის მესმის. იტალიაში გარემარბის პოზიციაზე თამაშისთვის ბევრი სირბილი და თავდაცვაა საჭირო, რაც არც ისე ადვილია. სწორედ ამიტომ, მწვრთნელი შემადგენლობას ხშირად ცვლის. მიმდინარე კვირას სათადარიგოთა სკამზე იგუაინიც კი დარჩა.

მე წასვლის მიზეზებს ნამდვილად ვერ ვხედავ. ინტერესი „შალკეს“ მხრიდან? ამის შესახებ არაფერი ვიცი. ნებისმიერ შემთხვევაში, იანვარში სხვა კლუბში გადასვლა არ მსურს“, – განუცხადა დრისმა „VoetbalNieuws“-ს.