ჭდე: ხამეს როდრიგესი

მადრიდის “რეალის” მიერ მიუნხენის “ბაიერნში” განათხოვრებულმა ხამეს როდრიგესმა საკუთარ მომავალთან დაკავშირებით განცხადება გააკეთა.

როგორც იცით, 27 წლის კოლუმბიელი ფეხბურთელი 2018/19 წლების სეზონსაც “ბავარიასი” გაატარებს ორწლიანი არენდის წესით, რის შემდეგაც “ბაიერნს” მისი გამოსყდვა 46 მილიონად შეეძლება.

“ადვილი შესაძლებელია, აქ 2019 წლის ემდეგაც დავრჩე. ამ მომენტში მხოლოდ “ბაიერნზე” ვფიქრობ,” – აცხადებს როდრიგესი.

როგორც იცით, მადრიდის “რეალიდან” კრიშტიანუ რონალდუს წასვლის შემდეგ ძალიან ბევრს იწერებოდნენ ხამესის დაბრუნების ვარიანტზე, თუმცაღა ამ უკანასკნელმა ყველაფერი უარყო.

მიუნხენის “ბაიერნში” განათხოვრებულმა ხამეს როდრიგესმა, თავის ყოფილ გუნდს ჩემპიონთა ლიგის ფინალში გასვლა მიულოცა, თუმცა აღნიშნა, რომ მსაჯებმა “რეალის” სასარგებლოდ იმოქმედეს.

“გოლი არ აღვნიშნე, რადგანაც იმ გუნდს გავუტანე, სადაც სამი ბედნიერი წელი გავატარე. მათი ფინალში გასვლა მახარებს, რადგანაც ვიცი, რომ გუნდში ძალიან ბევრი კარგი ადამიანია, რომელიც ამას იმსახურებს.

რასაკვირველია, ვგრძნობ იმედგაცრუებასა და ტკივილსაც, რადგანაც ძალიან კარგად ვითამაშეთ და გამარჯვესაც ვიმსახურებდით.

რაც შეეხება ულრაიხის შეცდომას, მსგავსი რამ ნებისმიერს შეუძლია მოუვიდეს. ჩვენ მის გვერდით ვართ. ვფიქრობთ, რომ მსაჯების გადაწყვეტილებებმა დიდი ზიანი მოგვაყენა. მაგრამ ამაზე საუბარს არ ვაპირებთ,” – აცხადებს კოლუმბიელი ფეხბურთელი.

მიუნხენის “ბაიერნის” აღმასრულებელმა დირექტორმა, კარლ-ჰაინც რუმენიგემ პრესასთან ხამეს როდრიგესის მომავალზე ისაუბრა, რომელიც “ალიანც არენაზე” იჯარის წესით ასპარეზობს.

“გუნდში ხამესის მოყვანა კარლო ანჩელოტის იდეა იყო და მე ეს ძალიან სწორ გადაწყვეტილებად მიმაჩნია. ჩვენმა კლუბმა ხამესი უკეთეს მოთამაშედ ჩამოაყალიბა, რაშიც დიდი წვლილი იუპ ჰაინკესსაც მიუძღვის.

ის ჩვენი გუნდის ერთ-ერთი უმნიშვნელოვანესი ფეხბურთელი გახდა. ტექნიკურად ძალიან ძლიერია და შესანიშნავი დარტყმა აქვს. ჩვენ ის ნამდვილ პლეიმეიკერად ვაქციეთ და მისი თამაშით უდიდეს სარგებელს ვიღებთ.

ხამესი “ბაიერნში” არენდით არის, ორი წლის შემდეგ კი მისი გამოსყიდვის უფლება გვექნება (42 მილიონ ევროდ). მაგრამ ხამესის მომავალი 2018 წელს არ გადაწყდება, ჩვენ საკმაოდ დიდი დრო გვაქვს ამ საკითხზე დასაფიქრებლად,” – აცხადებს რუმენიგე.

მადრიდის “რეალის” კოლუმბიელი ნახევარმცველი, ხამეს როდრიგესი, რომელიც ამ დროისთვის მიუნხენის “ბაიერნშია” განათხოვრებული, დიდი ალბათობით “რეალში” აღარ დაბრუნდება.

გერმანული ტაბლოიდის, Bild-ის მიერ გავრცელებული ცნობების თანახმად, “რეკორდმაისტერის” ხელმძღვანელები მზად არიან “მადრიდელებს” 42 მილიონი ევრო გადაურიცხონ.

როგორც იცით, 26 წლის ხამეს როდრიგესი საკმაოდ კარგად მოერგო “ბავარიელთა” სათამაშო სქემას და გუნდის ერთ-ერთი ლიდერიც გახდა. “ბაიერნმა” “რეალს” ხამესის ორწლიან არენდაში უკვე გადაუხადა 13 მილიონი ევრო.

Football Leaks ხამეს როდრიგესის კონტრაქტის ზუსტ დეტალებს ავრცელებს. როგორც იცით, კოლუმბიელი შემტევი “რეალმა” “ბაიერნში” ორი წლით გაანათხოვრა.

კოლუმბიელი ათიანი ბავარიული გრანდისგან ხელფასის სახით 6.5 მილიონ ევროს მიიღებს წელიწადში, საერთო ჯამში კი “რეკორდმაისტერი” მას 13 მილიონს გადაურიცხავს საბანკო ანგარიშზე ყველანაირი გადასახადების გარეშე.

გარდა ამისა, იმ შემთხვევაში, თუ ხამესი სადებიუტო სეზონში 12 გოლის გატანას შეძლებს, მისი ანგარიშის 250 000 ევროთი გაიზრდება, თუ 20-ჯერ დალაშქრავს მეტოქის კარს, მის ხაზინას კიდევ 250 000 დაემატება.

2019 წლის ივნისის თვეში კი გერმანულ გრანდს “რეალისგან” კოლუმბიელ ფეხბურთელზე ყველანაირი უფლების გამოსყიდვის შანსი მიეცემა, რისთვისაც 42 მილიონი ევროს გადახდა მოუწევს.

მადრიდის “რეალის” ვარსკვლავი, ხამეს როდრიგესი, რომელიც მიუნხენის “ბაიერნშია” განათხოვრებული, არ გამორიცხავს, რომ ერთ დღეს უკან, “სანტიაგო ბერნაბეუზე” დაბრუნდეს.

“გუნდში ბევრი კარგი ფეხბურთელია, მე კი სასტარტოში ჩემი ადგილი მოსაპოვებლად მინდა ვიბრძოლო. ორივე ფლანგზე შემიძლია თამაში, ისევე როგორც ფლეიმეიკერის პოზიციაზე. ყველგან ვითამაშებს, სადაც საჭირო იქნება.

ეს ჩემი ცხოვრების ახალი ეტაპია, ყველაფერი ახალია. მიუნხენი ულამაზესი ქალაქია, მაქსიმალურად ვეცდები გერმანულ ენას დავეუფლო.

“რეალი”? კარი კვლავ ღიაა, მაგრამ ამჟამად მხოლოდ იმ ორ წელიწადზე ვფიქრობ, რომელიც ბავარიაში უნდა გავატარო. ამის შემდეგ კი დავფიქრდები და საუკეთესო ვარიანტს ავირჩევ,” – აცხადებს კოლუმბიელი ფეხბურთელი.