24 იანვარს, ალბანეთის ჩემპიონატში ნიკოლოზ გელაშვილის “ფლამურტარიმ” საკუთარ მოედანზე “ტეუტა” მიიღო და მეტოქე ანგარიშით 2:1 დაამარცხა. ეს მატჩი ცნობილი იმის შემდეგ გახდა, რაც გაირკვა, რომ თამაში გარიგებული იყო.
ცოტა ხნის წინ, პრესაში გავრცელდა ინფორმაცია, რომლის თანახმადაც “ტეუტას” მეკარე ალფრედ ოსმანი 6-თვიანი დისკვალიფიკაციით დასაჯეს. აღსანიშნავია, რომ ოსმანი მოედანზე 46-ე წუთზე გამოჩნდა.
ინტერნეტ-სივრცეში გავრცელდა საკმაოდ სახალისო კადრი, რომელშიც აღბეჭდილია, თუ როგორ აღნიშნეს მეტოქის კარში გატანილი გოლი ალბანური “ფლამურტარის” ფეხბურთელებმა.
შეგახსენებთ, რომ ამ გუნდის ღირსებას ქართველი თავდამსხმელი ნიკოლოზ გელაშვილი იცავს.
24 იანვარს, ალბანეთის სუპერლიგის მე-19 ტურში, “ფლამურტარიმ”, რომლის ღირსებასაც ნიკოლოზ გელაშვილი იცავს, საკუთარ მოედანზე “ტეუტა” მიიღო და მეტოქე ანგარიშით 2:1 დაამარცხა.
ალბანურ პრესაში გავრცელებული ინფორმაციის თანახმად, ეს მატჩი გარიგებული გახლდათ. 87-ე წუთიდან, როცა ანგარიში 1:1 იყო, მასპინძლებს გოლის გატანის არაერთი შანსი მიეცათ, თუმცა მათ მეტოქის კარის დალაშქვრა მცველის კურიოზული შეცდომის შემდეგ მოახერხეს.
საინტერესოა, რომ “ფლამურტარის” გულშემატკივრებმა საყვარელი გუნდის ფეხბურთელებს სტვენაც კი დაუწყეს.
აღსანიშნავია, რომ ნიკოლოზ გელაშვილს ამ შეხვედრაში მონაწილეობა ტრავმის გამო არ მიუღია.
ბოლნისის “სიონი” ევროპა ლიგის პირველი საკვალიფიკაციო ეტაპის განმორებითი შეხვედრის გასამართად ალბანეთში გაემგზავრა. ვლორეს “ფლამურტარისთან” თბილისში წაგებული (2:3) შეხვედრის შემდეგ ბოლნისლელები მეორე ეტაპის საგზურის მოპოვებას განმეორებით შეხვედრაში შეეცდებიან.
ბოლნისლეები ალბანეთში 20 ფეხბურთელით გაემგზავრნენ: ალექსანდრე გოგობერიშვილი, ირაკლი სამხარაძე, დავით იმედაშვილი, ზვიად ლობჯანიძე, გურამ გურეშიძე, გიორგი ადამია,დაჩი ფოფხაზე, თორნიკე აფციაური, მირზა მერლანი, ილია კანდელაკი, პაპუნა მოსემღვდლიშვილი, ვილი ისიანი, ზაზა მამასახლისი, დავით სვანიძე, გურამ გიორბელიძე, სოსო ჭიკაიძე, გიორგი განუგრავა, ჯაბა უგულავა.
“სიონისა” და “ფლამურტარის” მატჩი ქალაქ ვლორეში 10 ივლისს, თბილისის დროით 21:00 საათზე დაიწყება.
ევროპა ლიგის პირველი საკვალიფიკაციო ეტაპის მატჩში ბოლნისის “სიონმა” “მიხეილ მესხზე” ალბანურ “ფლამურტარის” უმასპინძლა.
პირველივე წუთები ბოლნისელთა უპირატესობით წარიმართა. თუმცა, უპირატესობა მხოლოდ ტერიტორიული იყო და რეალურ საგოლე მომენტებზე არ აისახებოდა. ალბანელები სწრაფი კონტრშეტევებით პასუხობდნენ მეტოქეს. ერთ-ერთი ასეთი შეტევისას იმედაშვილმა საჯარიმოსთან მეტოქის ფეხბურთელზე თამაშის წესები დაარღვია. “ფლამურტარის” ფეხბურთელებმა ჯარიმა კარგად გაითამაშეს და ველიუს დარტყმით ანგარიშიც გახსნეს. აღსანიშნავია, რომ ამ ეპიზოდში ბურთი სვანიძეს მოხვდა და მერლანი უძლური იყო.
სიონმა გათანაბრება მალევე მოახერხა. ლამაზად გათამაშებული კომბინაცია 27-ე წუთზე ზუსტი დარტყმით ვილი ისიანმა დააგვირგვინა. მანვე ზუსტად 3 წუთში ულამაზესი გოლით ბოლნისური კლუბის დაწინაურება მოახერხა.
პირველი ტაიმის დარჩენილ დროში ბოლნისელები უტევდნენ, თუმცა რეალურ მომენტებამდე საქმე არ მისულა.
მეორე ნახევარი ანალოგიური სცენარით დაიწყო. “სიონი” საკმაოდ ბევრს უტევდა. აქტიური იყო შეცვლაზე შემოსული უგულავა, რომელსასც გოლის გატანის ორი შესაძლებლობა ჰქონდა.
74-ე წუთზე “ფლამურტარიმ” კუთხური მოიპოვა, რომლის ჩამოწოდების შემდეგ სიონის საჯარიმოში შექმნილი არეულობით კუკიმ ისარგებლა და ანგარიშის გათანაბრება შესძლო.
79-ე წუთზე ჰეთ-თრიკის შერულების შანსი ალბანელთა საჯარიმოში უმეთვალყურეოდ დარჩენილ ისიანს მიეცა, მაგრამ ბოლნისელთა შემტევმა არაზუსტად დაარტყა. მალევე მისი ძლიერი დარტყმა ლიკამ მოიგერია.
მატჩის ბოლოს “სიონის” ფეხბურთელებს დაღლა დაეტყოთ. ბოლნისელებმა შტურმის მოწყობა ვერ მაოხერხეს. როგორც ხშირად ხდება ფიზმომზადებაში ქართული გუნდს მეტოქემ ისევ აჯობა, რაც შედეგზეც აისახა. მსაჯის მიერ კომპენსირებულ წუთებში “ფლამურტარის” ფეხბურთელებმა კონტრშეტევაზე გამარჯვების გოლის გატანა მოახერხეს, რომლის ავტორი ნახევარმცველი გილმარ ლიკა გახდა – 2:3.
განმეორებითი შეხვედრა ალბანეთში 10 ივნისს გაიმართება.
სიონი 2-3 ფლამურტარი
გოლები: ველიუ 20′ (0:1); ისიანი 27′ ; 30′ (2:1); კუქი 74′ (2:2); შეჰაი 93′ (2:3)
სიონი: მერლანი, ფოფხაძე, კანდელაკი, სვანიძე, იმედაშვილი, აფციაური (სამხარაძე 74′), კახელიშვილი, ცხადაია, გურეშიძე, ლობჟანიძე (უგულავა 54′), ისიანი
ფლამურტარი: ლიკა, მიჩი, ველია, არბრი (იდრიზაი 90′), მუზაკა (მეტო 86′), ლიკა, ზექირი (შეჰაი 82′), კუქი, ლენა, ტელუში, აბილალიაჯი.
მარიამ ნიშნიანიძის ფოტოები
ევროპა ლიგის პირველი საკვალიფიკაციო ეტაპის მატჩი ბოლნისის “სიონსა” და ალბანურ “ფლამურტარის” შორის სტუმრების გამარჯვებით 2:3 დასრულდა.
სიონი 2-3 ფლამურტარი
გოლები: ველიუ 20′ (0:1); ისიანი 27′ ; 30′ (2:1); კუქი 74′ (2:2); შეჰაი 93′ (2:3)
სიონი: მერლანი, ფოფხაძე, კანდელაკი, სვანიძე, იმედაშვილი, აფციაური (სამხარაძე 74′), კახელიშვილი, ცხადაია, გურეშიძე, ლობჟანიძე (უგულავა 54′), ისიანი
ფლამურტარი: ლიკა, მიჩი, ველია, არბრი (იდრიზაი 90′), მუზაკა (მეტო 86′), ლიკა, ზექირი (შეჰაი 82′), კუქი, ლენა, ტელუში, აბილალიაჯი.
ხვალ, მიხეილ მესხის სახელობის სტადიონზე თბილისის დროით 21:00 საათზე ევროპა ლიგის პირველი საკვალიფიკაციო ეტაპის მატჩში ბოლნისის “სიონი” ალბანნურ “ფლამურტარის” უმასპინძლებს.
თამამად შეიძლება ითქვას, რომ წილისყრაში “სიონს” გაუმართლა და განთესილი გუნდებიდან ერთ-ერთი ყველაზე სუსტი შეხვდა. “ფლამურტარი” გასულ სეზონში ალბანეთის ჩემპიონატში მე-7 ადგილზე გავიდა. ევროსაგზური კი თასის მოგებით მოიპოვა.
ბოლნისური კლუბის მსგავსად ალბანურიც ევროასპარეზს მცირე შესვენების შემდეგ უბრუნდება. თუმცა, “სიონისგან” განსხვავებით “ფლამურტარის” მხოლოდ ერთწლიანი პაუზა ჰქონდა. აღსანიშნავია, რომ საერთაშორისო მატჩი ალბანურ კლუბს 2011 წლიდან არ აქვს მოგებული. 2009 წელს კი შოტლანდიურ “მოზერველთან” 8-1 წააგო.
“სიონთან” მატჩისთვის “ფლამურტარი” ორი ლეგიონერით გაძლიერდა. მომდევნო სეზონში ალბანური გუნდის ღირსებას დაიცავენ ბრაზილიელი მცველი დუგლას აუგუსტო და ჰოლანდიელი ფორვარდი ნასირ მააჩი.
დუგლასი საფეხბურთო კარიერას ბრაზილიურ “ბაიაში” იწეყბდა ბოლოს კი სერია С-ს წარმომადგენელ “ტრეზეს” შემადგენლობაში ასპარეზობდა.
ალბანელთა მეორე ახალწვეული “ზვოლეში” და “ლარნაკაში” ჩატარებული კარგი სეზონების შემდეგ ხვალ “სიონს” შეუტევს. ნასირ მააჩი მოროკოში ყოფილა დაბადებული, შემდეგ კი ჰოლანდიაში გადაბარგებულა და იქაური მოქალაქეც გახდა.
საპირისპირო ვითარებაა ბოლნისელთა ბანაკში. ფინანსური პრობლემების გამო “სიონმა” უცხოურ შეკრებაზე ვერ შესძლო გამგზავრება და ვერც შემადგენლობა გააძლიერა. “დილადან” გადმოსული გურეშიძის სახით გუნდს მხოლოდ ერთი ახალწვეული ჰყავს. აღსანიშნავია ისიც, რომ “სიონი” დაცვის ლიდერმა, ვალერი აბრამიძემ დატოვა.
მოსამზადებელ ეტაპზე “სიონმა” სამი მატჩი გამართა. წააგო ცხინვალის “სპარტაკთან”, სომხურ “მიკასთან” ფრე ითამაშა და “ზესტაფონი” დაამარცხა.
იმედი ვიქონიოთ, რომ ხვალინდელ შეხვედრაში ბოლნისელები მეტოქეს ღირსეულად შეხვდებიან და გამარჯვებაც მოიპოვებენ, რომელიც შემდეგ ეტაპზე გასვლის წინაპირობა იქნება.
ევროპა ლიგის პირველი საკვალიფიკაციო ეტაპის მატჩში ბოლნისის “სიონი” ალბანურ “ფლამურტარის” შეხვდება.
“ფლამურტარიმ” გასულ სეზონში ალბანეთის ჩემპიონატი მეშვიდე პოზიციაზე დაასრულა. ევროსაგზური კი თასის მოგებით მოიპოვა.
პირველი შეხვედრა თბილისში 3 ივლის შედგება, ხოლო განმეორებითი მატჩი ერთი კვირიშ შემდეგ, 10 ივლისს გაიმართება.
