“რეალმა” “ბაიერნთან” შინ ჩემპიონთა ლიგის ნახევარფინალური ეტაპის განმეორებით მატჩში სასურველი შედეგი დადო და ჩემპიონთ ლიგის ფინალში ზედიზედ მესამედ გავიდა. მატჩის შემდეგ ამ გამარჯვების ერთ-ერთმა მთავარმა შემოქმედმა, კეილორ ნავასმა პრესასთან ისაუბრა.
“ძალიან გაგვიჭირდა სასურველ შედეგზე გასვლა, თუმცაღა ყველაზე მნიშვნელოვანი სწორედ ის არის, რომ ჩემპიონთა ლიგის ფინალში გავედით. ჩვენ ისტორიას ვქმნით, ამ გუნდს არასოდეს დაუყრია ფარ-ხრმალი და ყოველთვის გამარჯვებაზე ფიქრობდა, მეტოქის პატივისცემის მიუხედავად.
მათ შეტევის გარდა სხვა შანსი უბრალოდ არ ჰქონდათ, არ დავუტოვეთ. ისინი გამალებით გვიტევდნენ, ჩვენ კი მთელი ძალებით ვიყავით გოლის გატანაზე კონცენტრირებულნი. მათ ბევრი ინდივიდუალისტი ჰყავთ, რომლებსაც მატჩის ბედის გადაწყვეტა შეუძლია.
ეს გამარჯვება თითოეულ ჩვენგანს ეკუთვნის. ისღა დაგვრჩენია, გავერთოთ და დღევანდელი დღით ვისიამოვნოთ,” – აცხადებს კეილორ ნავასი, რომელმაც მატჩში რამდენიმე უმნიშვნელოვანესი სეივი განახორციელა.
