ჭდე: Mats Hummels

უეფას ევროპის ლიგის მეოთხედფინალურ ეტაპზე “ლივერპულსა” და დორტმუნდის “ბორუსიას” შორის გამართული საპასუხო მატჩი “წითლების” დრამატული გამარჯვებით, ანგარიშით 4:3 დასრულდა.

მარცხის მიზეზებზე გერმანელთა მცველმა მათს ჰუმელსმა ისაუბრა.

“როდესაც ანგარიში 3:1 გახდა, გვეგონა, რომ საქმე მოთავებული გვქონდა. ისე აქტიურად თავს აღარ ვიცავდით და თითქმის გავჩერდით, რის გამოც დავისაჯეთ.

“ლივერპული” თამაშს ვერ შემოატრიალებდა, 3:1-ის შემდეგაც რომ გაგვეგრძელებინა თამაში. გამარჯვება ჩვენ თვითონვე დავთმეთ. ბურთის მოსაპოვებლად უნდა გვებრძოლა. ამის ნაცვლად დაცვაში შეცდომების დაშვება დავიწყეთ.

მეტოქემ გოლები იოლად გაგვიტანა. ეს ამ სეზონის ყველაზე მძიმე მარცხია”, – ციტირებს ჰუმელსის სიტყვებს “სქაი”.