უეფას ჩემპიონთა ლიგის მეოთხედფინალურ ეტაპზე დორტმუნდის “ბორუსიასა” და “მონაკოს” შორის გამართულ მატჩამდე (2:3) გერმანული გუნდის ფანებმა ტრიბუნაზე სპეციალური კოსტიუმებით შთამბეჭდავი წარმოდგენა დადგეს. ქომაგებმა კლუბის ლოგო გამოსახეს და მატჩის დასრულებამდე ტრიბუნა ამგვარად იყო წარმოდგენილი.
Anstoß! // Kick-off in Dortmund! #bvbasm 0-0 pic.twitter.com/LHEr3Kgo6i
— Borussia Dortmund (@BVB) 12 April 2017
გერმანიის ბუნდესლიგის მე-11 ტურის ცენტრალური შეხვედრა “სიგნალ იდუნა პარკზე” შედგა, სადაც დორტმუნდის “ბორუსიამ” მიუნხენის “ბაიერნი” მიიღო. მატჩის ბედი მე-11 წუთზე გატანილმა ერთადერთმა გოლმა გადაწყვიტა. ბურთი მასპინძელთა მთავარმა მეგოლემ პიერ-ემერიკ ობამეიანგმა ახლო მანძილიდან გაიტანა.
“ბაიერნმა” ბუნდესლიგაში პირველი მარცხი იწვნია და სატურნირო ცხრილის ერთპიროვნული ლიდერობა გათამაშების დებიუტანტ “ლაიფციგს” გადაულოცა. “დორტმუნმა” ამ გამარჯვებით აქტივში 21 ქულა მოაგროვა და მესამე პოზიციაზე გადაინაცვლა.
გერმანიის ბუნდესლიგა
XI ტური
“დორტმუნდი” — “ბაიერნი” 1:0 (1:0)
გოლი: ობამეიანგი 11′.
უეფას ჩემპიონთა ლიგის ჯგუფური ეტაპის პირველ ტურში დორტმუნდის “ბორუსიამ” გასვლაზე ვარშავის “ლეგია” ანგარიშით 6:0 გაანადგურა.
აღსანიშნავია, რომ გოლები გერმანული გუნდის ექვსმა სხვადასხვა ფეხბურთელმა გაიტანა, რაც სარეკორდო შედეგის გამეორებაა. აქამდე ანალოგიური რამ ევროპის ყველაზე პრესტიჟულ საკლუბო ტურნირზე “პარი სენ-ჟერმენის”, ტურინის “იუვენტუსისა” და მიუნხენის “ბაიერნის” მოთამაშეებმა შეძლეს. აღსანიშნავია, რომ ბავარიული გუნდის ფეხბურთელებმა ეს ორჯერ მოახერხეს.
დღეს უეფას ევროპის ლიგის მეოთხედფინალური ეტაპის საპასუხო მატჩები გაიმართება. “ენფილდზე” იურგენ კლოპის “ლივერპული” დორტმუნდის “ბორუსიას” მასპინძლობს. შეგახსენებთ, რომ წყვილის პირველი შეხვედრა ფრედ, ანგარიშით 1:1 დასრულდა.
უკვე ცნობილია გუნდების სასტარტო შემადგენლობები:
“ლივერპული”: მინიოლე, კლაინი, ლოვრენი, სახო, მორენო, ემრე ჯანი, მილნერი, ლალანა, ფირმინო, კოუტინიო, ორიგი.
“დორტმუნდი”: ვაიდენფელერი, პიშჩეკი, პაპასტატოპულოსი, ჰუმელსი, შმელცერი, ვაიგლი, კასტრო, მხითარიანი, კაგავა, როისი, ობამეიანგი.
მატჩს ჯიუნეთ ჩაქირის ხელმძღვანელობით თურქ მსაჯთა ბრიგადა მოემსახურება. შეხვედრა თბილისის დროით 23 საათსა და 5 წუთზე დაიწყება.
უეფას ევროპის ლიგის მეოთხედფინალური ეტაპის პირველ მატჩში დორტმუნდის “ბორუსიამ” “ლივერპული” მიიღო. შეხვედრა საკმაოდ მაღალ ტემპში წარიმართა, ორივე გუნდი უტევდა და მაყურებელსაც მოწყენის საბაბი არ მისცემია. ხაზგასასმელი იყო იურგენ კლოპის ფაქტორიც. როგორც მოგეხსენებათ, გერმანელი სპეციალისტი 2008-დან 2015 წლამდე “ბორუსიას” თავკაცობდა, დღეს კი “სიგნალ იდუნა პარკზე” მეტოქე გუნდის ხელმძღვანელის ადგილი ეკავა. აღნიშნული ფაქტორის გამო ამ გუნდების დაპირისპირებას “ელ კლოპიკოც” კი უწოდეს. მატჩამდე ორივე გუნდის ქომაგებმა ერთად შეასრულეს You’ll never walk alone (“არასდროს იქნები მარტო”), რომელიც როგორც “ბორუსიას”, ასევე “ლივერპულის” ჰიმნი გახლავთ.
ანგარიში შეხვედრის 36-ე წუთზე მერსისაიდულმა გუნდმა გახსნა, გოლი დივოკ ორიგიმ გაიტანა და მატჩის პირველი ნახევარი “წითლების” გამარჯვებით დასრულდა, თუმცა მეორე ტაიმი სამი წუთის დაწყებული იყო, როცა მათს ჰუმელსმა კუთხურის შესრულების შემდეგ თავური დარტყმით წონასწორობა აღადგინა. საყაიმო ანგარიში მერსისაიდულ გუნდს უფრო აძლევდა ხელს და შესაბამისად, შეტევაში მასპინძლები უფრო აქტიურად თამაშობდნენ, ინგლისელები კი კონტრშეტევებიუს მეშვეობით ცდილობდნენ მეტოქის დასჯას, თუმცა, საბოლოო ჯამში, შეხვედრა ფრედ, ანგარიშით 1:1 დასრულდა. საყაიმო შედეგით “ლივერპულმა” გარკვეული უპირატესობა მოიპოვა, თუმცა ყველაფერი მაინც “ენფილდზე”, საპასუხო მატჩში გადაწყდება, რომელიც ერთი კვირის თავზე გაიმართება.
ევროპის ლიგა
მეოთხედფინალური ეტაპი (პირველი მატჩი)
“ბორუსია” (დორტმუნდი) — “ლივერპული” 1:1 (0:1)
“ბორუსია”: ვაიდენფელერი, პიშჩეკი, სვენ ბენდერი (პაპასტატოპულოსი 76′), ჰუმელსი, შმელცერი, ვაიგლი, დურმი (შაჰინი 46′), კასტრო, მხითარიანი, როისი, ობამეიანგი (პულიშიჩი 77′).
მთავარი მწვრთნელი: თომას ტუხელი.
“ლივერპული”: მინიოლე, კლაინი, ლოვრენი, სახო, მორენო, ჰენდერსონი (ალენი 46′), ემრე ჯანი, ლალანა (ფირმინო 77′), კოუტინიო, მილნერი, ორიგი (სტარიჯი 84′).
მთავარი მწვრთნელი: იურგენ კლოპი.
გოლები: ჰუმელსი 48′ — ორიგი 36′.
გაფრთხილებები: ვაიდენფელერი 45+5′, როისი 52′, პაპასტატოპულოსი 81′ — ჯანი 9′, ლალანა 45′.
მთავარი მსაჯი: კარლოს ველასკო კარბალიო (ესპანეთი).
გერმანიის ბუნდესლიგის მე-15 ტურში “ვოლფსბურგსა” და დორტმუნდის “ბორუსიას” შორის გამართულ მატჩში ისტორიული ფაქტი დაფიქსირდა.
პირველად ბუნდესლიგის ისტორიაში დაწინაურებულმა გუნდმა კომპენსირებულ დროში გოლი გაუშვა და შემდეგ კვლავ დაწინაურებაც მოახერხა. პირველ დამატებულ წუთზე “მგელთა” მცველმა რიკარდო როდრიგესმა თერთმეტმეტრიანი დარტყმით ანგარიში გაათანაბრა, თუმცა ორ წუთში დორტმუნდელთა ნახევარმცველმა სინძი კაგავამ “ბორუსია” კვლავ დააწინაურა და გუნდს გამარჯვება მოუტანა.
მატჩი დორტმუნდელთა გამარჯვებით, ანგარიშით 2:1 დასრულდა.
დორტმუნდის “ბორუსიამ” სპეციალური პროგრამა დაიწყო, რომელიც მიზნად ისახავს იძულებით გადაადგილებულ პირთა დახმარებას.
კერძოდ, “დორტმუნდი” 16-დან 20 წლამდე ასაკის ლტოლვილებისთვის საფეხბურთო კურსებს ატარებს, რამაც ახალგაზრდებს გერმანულ საზოგადოებასთან წარმატებულ ინტეგრირებაში ხელი უნდა შეუწყოს.
კურსებს “დორტმუნდის” აკადემიის გამოცდილი მწვრთნელები ატარებენ.
დორტმუნდის “ბორუსიას” 41 წლის გერმანელი სპეციალისტი თომას ტუხელი ჩაიბარებს. ამ ინფორმაციას გერმანული კლუბი ოფიციალურად ადასტურებს.
მხარეებს შორის სამწლიან კონტრაქტს მოეწერა ხელი, რომელიც ძალაში 2015 წლის პირველ ივლისს შევა.
თომას ტუხელი 2009-დან 2014 წლამდე “მაინცს” თავკაცობდა.
როგორც მოგეხსენებათ, იურგენ კლოპმა სეზონის ბოლოს “ბორუსიას” დატოვების გადაწყვეტილება მიიღო. ის კლუბს 2008 წლიდან ხელმძღვანელობდა. კლოპმა გუნდთან ერთად ორჯერ მოიგო გერმანიის ჩემპიონატი (2010/11, 2011/12), დაისკაუთრა ქვეყნის თასი (2011/12), გავიდა ჩემპიონთა ლიგის ფინალში (2012/13).
გერმანიის ბუნდესლიგის 27-ე ტურის ცენტრალური მატჩი “ვესტფალენშტადიონზე” გაიმართება, სადაც დორტმუნდის “ბორუსია” გათამაშების ერთპიროვნულ ლიდერ მიუნხენის “ბაიერნს” მიიღებს. ბავარიული გუნდის მეკარე მანუელ ნოიერი ამ შეხვედრას განსაკუთრებულ მნიშვნელობას ანიჭებს. შეგახსენებთ, რომ წინა ტურში “ბაიერნი” შინ მიუნხენგლადბახის “ბორუსიასთან” ანგარიშით 0:2 დამარცხდა.
“დორტმუნდში “ბორუსიას” წინააღმდეგ თამაში ძალზედ საინტერესოა. სტადიონი სრულად მოცულია საოცარი ატმოსფეროთი. კიდევ ერთხელ შედგება წლის მატჩი. მიუნხენგლადბახის “ბორუსიასთან” წინა ტურში დამარცხების შემდეგ აღნიშნული შეხვედრის მოგება ძალიან მნიშვნელოვანი იქნება”, – ციტირებს ნოიერის სიტყვებს goal.com-ი.
შეგახსებთ, რომ “ბაიერნსა” და დორტმუნდის “ბორუსიას” შორის ბუნდესლიგის მიმდინარე გათამაშების პირველ წრეში გამართული მატჩი ბავარიული გუნდის გამარჯვებით, ანგარიშით 2:1 დასრულდა.
დღეს, დორტმუნდის “ბორუსიას” თავკაც იურგენ კლოპის პრესკონფერენციის დაწყებამდე რამდენიმე წუთით ადრე სტადიონ “სიგნალ იდუნა პარკის” დასავლეთ ნაწილში მეორე მსოფლიო ომის დროინდელი აუფეთქებელი საავიაციო ბომბი აღმოაჩინეს. ექსპერტებმა განაცხადეს, რომ აღმოჩენილ იქნა ბრიტანული წარმოების 250-კილოგრამიანი ბომბი. პოლიციის წარმომადგენლებმა ოპერატიულად მოახდინეს სტადიონზე მყოფი პირებისა და ახლოს მდებარე სახლებში მცხოვრებთა ევაკუაცია.
ბომბის განეიტრალების ოპერაცია 45 წუთს გაგრძელდა და თბილისის დროით დაახლოებით 18:00 საათზე დასრულდა, რის შემდეგაც ის ქალაქ ჰაგენში გადაიტანეს.
გერმანიის ფეხბურთის ასოციაციის სპორტულმა სასამართლომ დორტმუნდის “ბორუსიასა” და გელზენკირხენის “შალკეს” დაჯარიმების გადაწყვეტილება მიიღო.
“ბორუსიას” ხელმძღვანელობას 50 ათასი ევროს გადახდა იმიტომ მოუწევს, რომ გერმანიის ბუნდესლიგის ეგიდით “ჰამბურგის” წინააღმდეგ გამართულ საშინაო მატჩში სტუმართა გუნდის უსაფრთხოების უზრუნველყოფა ვერ მოახდინეს.
“შალკე” იდენტური დარღვევის გამო 60 ათასი ევროთი დაჯარიმდა.
დღეს აფრიკის ფეხბურთის კონფედერაციამ იმ სამი ფეხბურთელის ვინაობა დაასახელა, რომლებიც კონტინენტის წლის საუკეთესო მოთამაშის წოდებისთვის იბრძოლებენ.
აფრიკის 2014 წლის საუკეთესო ფეხბურთელის ჯილდოსთვის ერთმანეთს შეეცილებიან “ლილის” ნიგერიელი მეკარე ვინსენტ ენიამა, დორტმუნდის “ბორუსიას” გაბონელი თავდამსხმელი პიერ-ემერიკ ობამეიანგი და “მანჩესტერ სიტის” კოტ დივუარელი ნახევარმცველი იაია ტურე, რომელიც ბოლო სამი წელიწადია, ამ წოდებას არავის უთმობს.
წლის საუკეთესო აფრიკული ნაკრების ჯილდოზე წარდგენილნი არიან ალჟირის, ლიბიისა და ნიგერიის ეროვნული გუნდები.
