გერმანიის ბუნდესლიგის 30-ე ტურის შეხვედრაში ბილეფილდის “არმინიამ” გელზენკირხენის “შალკე” ანგარიშით 1:0 დაამარცხა.
სატურნირო ცხრილის უკანასკნელ პოზიციაზე მყოფმა “შალკემ” გერმანიის რანგით უმაღლეს დივიზიონში ადგილის შენარჩუნების თეორიული შანსიც დაკარგა. გუნდს გათამაშების დასრულებამდე ოთხი ტურით ადრე 13 ქულა აქვს და მის წინ მყოფ “კიოლნს” 13 პუნქტით ჩამორჩება.
“შალკემ” გერმანიის მეორე ბუნდესლიგაში უკანასკნელად 1991 წელს ითამაშა.
დღეს უეფას ევროპის ლიგის ჯგუფური ეტაპი აიღებს სტარტს. K ჯგუფშია მოხვედრილი თემურ ქეცბაიას აპოელი, რომელიც დღეს, ნიქოზიაში გელზენკირხენის “შალკეს” უმასპინძლებს. ჯგუფში ტრიპოლისის “ასტერასი” და პრაღის “სპარტაც” არიან.
ქეცბაია დღევანდელ შეხვედრაში ფავორიტად “შალკეს” მიიჩნევს და იქვე აღნიშნავს, რომ ამ მატჩის შედეგს გადამწყვეტი მნიშვნელობა არ ექნება.
“თუ ფავორიტებთან კარგ შედეგებს ვაჩვებთ, დიდ ნაბიჯს გადავდგამთ საუკეთესო 32 გუნდს შორის მოსახვედრად. მომდევნო ეტაპზე თამაში გვსურს. ეს არ იქნება იოლი, მაგრამ გუნდმა უკვე აჩვენა, რომ აქვს პოტენციალი. თუ თავს კარგად წარმოვაჩენთ, დადებითი შედეგის ჩვენება შეგვიძლია. წინ მივიწევთ, მომენტებს ვქმნით, მაგრამ გარკვეული პრობლემები გვაქვს დაცვაში და იმედია, ამასაც გამოვასწორებთ.
“შალკე” ფავორიტია, მაგრამ ჩვენ შინ ვთამაშობთ. განსაკუთრებით ფრთხილად უნდა ვიყოთ დაცვაში. ძლიერი მეტოქე გვყავს, რომელიც განსაკუთრებით კარგად იყენებს სტანდარტულებს. ასე რომ, სიფრთხილე გვმართებს. ამ შეხვედრის შედეგზე არ არის დამოკიდებული ყველაფერი, რადგან წინ კიდევ ხუთი მატჩი გვექნება”, – ქეცბაიას კომენტარს cyprusscore.com-ი აქვეყნებს.
აპოელსა და “შალკეს” შორის შეხვედრა დღეს, თბილისის დროით 23:05 საათზე დაიწყება და მას ტონი შაპრონის თავკაცობით ფრანგ მსაჯთა ბრიგადა მოემსახურება.
რობერტო დი მატეო გელზენკირხენის “შალკეს” მთავარი მწვრთნელის პოსტიდან გაათავისუფლეს.
“ხუმარები” გერმანიის ბუნდესლიგის ბოლო ტურში “ჰამბურგთან” ანგარიშით 0:2 დამარცხდნენ და სეზონი მეექვსე პოზიციაზე დაასრულეს. ეს იმას ნიშნავს, რომ თუ გერმანიის თასს დორტმუნდის “ბორუსია” მოიგებს, “შალკე” ევროპის ლიგას მესამე საკვალიფიკაციო ეტაპიდან ჩაერთვება. თუ თასი “ვოლფსბურგს” დარჩება, გელზენკირხენელები ტურნირს ჯგუფური ეტაპიდან შეუერთდებიან.
შეგახსენებთ, რომ დი მატეო “შალეკს” 2014 წლის ოქტომბრიდან ხელმძღვანელობდა. კონტრაქტი 2017 წლამდე იყო გაფორმებული.
უეფას ჩემპიონთა ლიგის მერვედფინალურ ეტაპზე გელზენკირხენის “შალკესა” და მადრიდის “რეალს” შორის გამართული მატჩი ესპანელთა გამარჯვებით, ანგარიშით 2:0 დასრულდა
შეხვედრა “სამეფო კლუბის” მთავარმა მწვრთნელმა კარლო ანჩელოტიმ შეაფასა.
“მშვენიერი თამაში გამოვიდა. მატჩი კარგ რიტმში დავიწყეთ და პირველი გოლის შემდეგ თამაში უფრო გაიოლდა. მარსელომ გოლი მარჯვენა ფეხით გაიტანა, რაც მშვენიერი სიურპრიზი აღმოჩნდა.
ბეილი კარგ კონდიციებშია, მშვენივრად ითამაშა. იგივეს ვიტყოდი დანარჩენ ფეხბურთელებზეც. ჩვენ ახლაც შარშანდელი სეზონის მსგავსი წნეხის ქვეშ ვართ. შარშან “დეჩიმაზე” ვსაუბრობდით, წელს კი – ჩემპიონთა ლიგის მე-11-ედ მოგებაზე”, – ციტირებს ანჩელოტის სიტყვებს “სქაი სპორტსი”.
დღეს უეფას ჩემპიონთა ლიგის 2014/15 წლების გათამაშების მერვედფინალური ეტაპის მორიგი სათამაშო დღეა. Fanebi.com-ის მომხმარებლებმა თავიანთი ვარაუდი გამოთქვეს, თუ რა შედეგით დასრულდება დღევანდელი დღის ორი მატჩი. პროცენტულად გთავაზობთ, თუ როგორ გადანაწილდა ხმები.
| “შალკე” (1 %) | ფრე (7 %) | “რეალი” (92 %) |
| “ბაზელი” (28 %) | ფრე (30 %) | “პორტუ” (42 %) |
დღეს უეფას ჩემპიონთა ლიგის მერვედფინალურ ეტაპზე გელზენკირხენის “შალკესა” და მადრიდის “რეალს” შორის პირველი მატჩი გაიმართება.
სამშაბათის ვარჯიში “სამეფო კლუბის” თავდამსხმელმა კარიმ ბენზემამ სრულად ვერ ჩაამთავრა. ფრანგ ფეხბურთელს გრიპის სიმპტომები აღენიშნა.
მატჩი დღეს, თბილისის დროით 23:45 საათზე დაიწყება. შეხვედრას მარტინ ატკინსონის ხელმძღვანელობით ინგლისელ მსაჯთა ბრიგადა მოემსახურება.
მადრიდის “რეალისა” და გელზენკირხენის “შალკეს” ყოფილმა თავდამსხმელმა რაულმა ამ კლუბთა შორის უეფას ჩემპიონთა ლიგის მერვედფინალურ ეტაპზე გასამართი დაპირისპირების შესახებ ისაუბრა.
“ქაღალდზე “რეალი” აშკარა ფავორიტია და თითქოს, ეს ეტაპი იოლად უნდა გაიაროს, თუმცა “შალკე” ასე ადვილად არ დანებდება. ამჯერად გერმანელები იმ ანგარიშით აღარ დამარცხდებიან, როგორც შარშან წააგეს (ორი მატჩის ჯამში 2:9). “შალკე” ყველაფერს გააკეთებს იმისთვის, რომ “რეალს” ცხოვრება გაურთულოს”, – რაულის სიტყვები გერმანულმა გამოცემა “კიკერმა” გამოაქვეყნა.
შეგახსენებთ, რომ ჩემპიონთა ლიგის მერვედფინალურ ეტაპზე გელზენკირხენის “შალკესა” და მადრიდის “რეალს” შორის გასამართი პირველი მატჩი გერმანიაში, 18 თებერვალს ჩატარდება, განმეორებითი კი – 10 მარტს, ესპანეთში.
გერმანიის ფეხბურთის ასოციაციის სპორტულმა სასამართლომ დორტმუნდის “ბორუსიასა” და გელზენკირხენის “შალკეს” დაჯარიმების გადაწყვეტილება მიიღო.
“ბორუსიას” ხელმძღვანელობას 50 ათასი ევროს გადახდა იმიტომ მოუწევს, რომ გერმანიის ბუნდესლიგის ეგიდით “ჰამბურგის” წინააღმდეგ გამართულ საშინაო მატჩში სტუმართა გუნდის უსაფრთხოების უზრუნველყოფა ვერ მოახდინეს.
“შალკე” იდენტური დარღვევის გამო 60 ათასი ევროთი დაჯარიმდა.
უეფას ჩემპიონთა ლიგის მეხუთე ტურში გელზენკირხენის “შალკემ” ლონდონის “ჩელსის” უმასპინძლა და ანგარიშით 0:5 განადგურდა.
გელზენკირხენის “შალკეს” ხელმძღვანელობამ დაუკმაყოფილებელი შედეგების გამო კლუბის მთავარი მწვრთნელის პოსტიდან იენს კელერი გაათავისუფლა.
“ხუმარების” თავკაცის თანამდებობაზე რობერტო დი მატეო დაინიშნა. მხარეებს შორის კონტრაქტი 2017 წლის 30 ივნისამდე გაფორმდა.
“ბოლო კვირეების განმავლობაში გუნდი არასტაბილურად თამაშობდა. მიზნის მისაღწევად სწორედ სტაბილურობა გვაკლია. ამიტომ, გუნდის თავკაცის შეცვლს გადაწყვეტილება მივიღეთ”, – განაცხადა “შალკეს” სპორტულმა დირექტორმა ჰორსტ ჰელდტმა.
შეგახსენებთ, რომ “შალკეს” გერმანიის ბუნდესლიგის სატურნირო ცხრილში 8 ქულით მე-11 ადგილი უკავია.
დორტმუნდის „ბორუსიას“ მთავარი მწვრთნელი იურგენ კლოპი, რომელიც მსაჯებთან აგრესიული ქმედებებით არის ცნობილი, მეოთხე არბიტრის „დატერორებას“ განაგრძობს.
გელზენკირხენის „შალეკსა“ და დორტმუნდის „ბორუსიას“ შორის გუშინ გამართული მატჩის (1:3) მიმდინარეობისას ერთი კურიოზული ფაქტი მოხდა: მწვრთნელის სკამზე მჯდომმა კლოპმა მისკენ წამოსულ ბურთს მიმართულება ისე შეუცვალა, რომ პირდაპირ მეოთხე მსაჯს მოხვდა თავში. მსაჯმა ეს ინციდენტი არ შეიმჩნია და ჩვეულად განაგრძო წერა თავის წიგნაკში. ალბათ, მიხვდა კიდეც, ვისგან მოხვდა ბურთი.
გთავაზობთ ფაქტის ამსახველ ვიდეომასალას.
