საქართველოს ეროვნული ლიგის 28-ე ტურში გორის “დილასა” და ქუთაისის “ტორპედოს” მატჩის (0:0) მიმდინარეობისას მოედანზე ძაღლი შევიდა, რის გამოც შეხვედრა რამდენიმე წუთით შეჩერდა.
ჭდე: Funny
ფლორენცი თანაკლუბელებმა სასაცილო მდგომარეობაში ჩააგდეს
იტალიური „რომას“ ნახევარმცველი ალესანდრო ფლორენცი სასაცილო მდგომარეონაში აღმოჩნდა. აშშ-ში მიმავალ ფეხბურთელს თვითმფრინავში ჩაეძინა, რითაც თანაკლუბელებმა ისარგებლეს და ფლორენცი ასეთ მდგომარეობაში ჩააგდეს.
„დინამომ“ დავით აღმაშენებლის სახელობის თასი მოიგო?
დავით ყიფიანის თასის ფინალური მატჩის შემდეგ, „კურიერის” სპორტულმა კორესპონდენტმა დავით ერაძემ პირდაპირი ჩართვის დროს მექანიკური შეცდომა დაუშვა, როცა თქვა, რომ „დინამო თბილისმა“ ჩემპიონობას დავით აღმაშენებლის სახელობის თასიც დაამატა, რაზეც დიმიტრი ობოლაძისგან საკადრისი პასუხი მიიღო.
გთავაზობთ ამ კურიოზული ფაქტის ამსახველ ვიდეოს.
პელეგრინიმ საკუთარ თავს „მანჩესტერ იუნაიტედის“ თავკაცი უწოდა
ინგლისის ლიგის თასის ფინალური მატჩის შემდეგ, გამარჯვებული „მანჩესტერ სიტის“ მთავარი მწვრთნელი მანუელ პელეგრინი სატელევიზიო ინტერვიუში საკუთარი ემოციების შესახებ საუბრობდა, თუმცა შეცდომით თავი „მანჩესტერ იუნაიტედის“ თავკაცად მოიხსენია.
„მიყვარს ის ზეწოლა, რასაც განვიცდი ისეთი დიდი გუნდის ხელმძღვანელობისას, როგორიც „მანჩესტერ იუნაიტედია“. ძალიან კარგია, რომ ყველა ტურნირზე ვინარჩუნებთ შანსს“, – განაცხადა პელეგრინიმ.
გთავაზობთ ფაქტის ამსახველ ვიდეომასალას.
იურგენ კლოპი მსაჯების „დატერორებას“ განაგრძობს
დორტმუნდის „ბორუსიას“ მთავარი მწვრთნელი იურგენ კლოპი, რომელიც მსაჯებთან აგრესიული ქმედებებით არის ცნობილი, მეოთხე არბიტრის „დატერორებას“ განაგრძობს.
გელზენკირხენის „შალეკსა“ და დორტმუნდის „ბორუსიას“ შორის გუშინ გამართული მატჩის (1:3) მიმდინარეობისას ერთი კურიოზული ფაქტი მოხდა: მწვრთნელის სკამზე მჯდომმა კლოპმა მისკენ წამოსულ ბურთს მიმართულება ისე შეუცვალა, რომ პირდაპირ მეოთხე მსაჯს მოხვდა თავში. მსაჯმა ეს ინციდენტი არ შეიმჩნია და ჩვეულად განაგრძო წერა თავის წიგნაკში. ალბათ, მიხვდა კიდეც, ვისგან მოხვდა ბურთი.
გთავაზობთ ფაქტის ამსახველ ვიდეომასალას.