„მანჩესტერ იუნაიტედის“ ნახევარმცველი მაიკლ კერიკი და „ლესტერის“ თავდამსხმელი ჯეიმი ვარდი საფრანგეთთან ამხანაგურ მატჩში ინგლისის ნაკრებს ვერ დაეხმარებიან.
ორივე ფეხბურთელს მცირე ტრავმა ჰქონია და ინგლისელთა სამწვრთნელო შტაბმა რისკის თავიდან ასაცილებლად ხსენებულ შეხვედრაში ფეხბურთელების დასვენება გადაწყვიტა.
ცნობისთვის, ინგლისი – საფრანგეთის მატჩი ოთხშბათს, 18 ნოემბერს, თბილისის დროით, 00:00 საათზე დაიწყება. შეხვედრა „უემბლიზე“ გაიმართება.
შვეიცარიის ნაკრებთან ევროპის 2016 წლის ჩემპიოანტის შესარჩევი ეტაპის მატჩის წინ „მანჩესტერ იუნაიტედის“ ნახევარმცველს მაიკლ კერიკს ინგლისის ნაკრების დატოვება მოუწია.
34 წლის ფეხბურთელი, რომლის აქტივში 33 სანაკრებო თამაშია, კლუბში ტრავმის გამო ბრუნდება, რაც ინგლისის ნაკრების ოფიციალურმა „ტვიტერის“ გევრდმა დაადასტურა.
ცნობისთვის, ინგლისი – შვეიცარიის მატჩი 8 სექტემბერს „უემბლიზე“ შედგება. წინა ტურში სან-მარინოსთან ანაგრიშთ 6:0 მოგებით, ინგლისელებმა კონტინენტის პირველობის საგზური გაინაღდეს.
“მანჩესტერ იუნაიტედის” მთავარმა მწვრთნელმა, ლუი ვან გაალმა დაადასტურა, რომ სეზონის ბოლომდე კერიკი დაბრუნებას ვეღარ შეძლებს.
ბოლოს 33 წლის ნახევარმცველი მოედანზე “მან.სიტისთან”(4:2) მატჩში გავიდა, თუმცა გუნდში მისი დაბრუნების იმედი მაინც ჰქონდათ.
“კერიკი ვეღარ დაგვეხმარება. მისი დაზიანება იმაზე რთული აღმოჩნდა, ვიდრე ველოდით. ახლა მომავალ სეზონზე უნდა იფიქროს, რადგან ამ სეზონში ლაზარეთში დარჩება,”-განაცხადა ვან გაალმა.
მიმდინარე სეზონში, მაიკლ კერიკმა პრემიერ ლიგაში 18 მატჩი ჩაატარა, გაიტანა ერთი გოლი, გააკეთა ორი საგოლე პასი და გააფრთხილეს ერთხელ.
“მანჩესტერ იუნაიტედის” ნახევარმცველმა მაიკლ კერიკმა კლუბთან კონტრაქტი ერთი წლით გაახანგრძლივა. ახალი შრომითი ხელშეკრულება ძალაში 2016 წლის 30 ივნისამდე იქნება.
მაიკლ კერიკი “მანჩესტერ იუნაიტედში” 2006 წლიდან თამაშობს. ამ ხნის განმავლობაში მან გუნდთან ერთად ხუთჯერ მოიგო ინგლისის ჩემპიონატი, გახდა ჩემპიონთა ლიგის გამარჯვებულიც. მას 2006 წლიდან “წითელი ეშმაკების” რიგებში ჩატარებულ 376 შეხვედრაში 22 გოლი აქვს გატანილი.
33 წლის კერიკმა პრემიერლიგის მიმდინარე გათამაშებაში ჩატარებულ 15 მატჩში ერთი გოლი გაიტანა.
“მანჩესტერ იუნაიტედის” ნახევარმცველი მაიკლ კერიკი, შესაძლოა, იტალიაში გადაბარგდეს. 33 წლის ფეხბურთელის მოქმედ კონტრაქტს მანჩესტერულ კლუბთან ვადა 2015 წლის ზაფხულში ეწურება. “მილანი” კი მის გადაბირებას თავისუფალი აგენტის სტატუსით ფიქრობს.
კერიკი “მანჩესტერის” ღირსებას 2006 წლის ზაფხულიდან იცავს. ინგლისის ჩემპიონატის მიმდიანრე გათამაშებაში ნახევარმცველმა 13 შეხვედრაში მიიღო მონაწილეობა და ერთი საგოლე პასიც ჩაიწერა აქტივში.
“მანჩესტერ იუნაიტედი” გუნდის გამოცდილ ნახევარმცველთან ახალ ხელშეკრულებას გააფორმებს.
უახლოეს მომავალში, მაიკლ კერიკი ახალი კონტრაქტის თანახმად “წითელი ეშმაკების” საკუთრება გარკვეული ხნით გახდება.
მოსალოდნელია, რომ “მანკუნიანელები” ინგლისელ ფეხბურთელს 12 თვიან თანამშრომლობას.
მიმდინარე სეზონში, მაიკ კერიკმა “მანჩესტერ იუნაიტედის” ფორმა 13 მატჩში მოირგო.
“მანჩესტერ იუნაიტედის” მთავარმა მწვრთნელმა ლუი ვან გაალმა განაცხადა, რომ გუნდის ახალი ვიცეკაპიტანი მაიკლ კერიკი იქნება.
შეგახსენებთ, რომ ჰოლანდიელმა სპეციალისტმა სეზონის დასაწყისში “წითელი ეშმაკების” ვიცეკაპიტნად დარენ ფლეტჩერი გაამწესა, თუმცა როგორ ჩანს, ვან გაალმა გადაწყვეტილება შეცვალა და ახლა ეს პასუხისმგებლობა კერიკს დაავალა.
“სამი კაპიტანი მყავს, თუმცა, რა თქმა უნდა, გარკვეული თანმიმდევრობა მაქვს დაწესებული: პირველი კაპიტანი უეინ რუნია, მეორე მაიკლ კერიკი, მესამე კი – დარენ ფლეტჩერი. ძალიან მნიშვნელოვანია, რომ სხვადასხვა ხაზის კაპიტნები მყავს.
კერიკი გამოცდილი და მშვიდია. კარგია, რომ მისი გამოყენება სხვადასხვა პოზიციებზე შემიძლია. კაპიტნის რანგში მას მოედანზე ჩემი სათამაშო ფილოსოფიის შეცვლა შეუძლია”, – ციტირებს ვან გაალის სიტყვებს sportsmole-ი.
„მანჩესტერ იუნაიტედის“ ნახევარმცველმა მაიკლ კერიკმა ერთ-ერთ ბოლო ინტერვიუში გუნდის თამაშით თავისი კმაყოფილება გამოთქვა.
„ჩვენ ოპტიმალურ ფორმას ვუბრუნდებით. თავდამსხმელები ყოველ მატჩში სულ უფრო და უფრო კარგად გამოდიან. „ჰალ სიტის“ კარში ვან პერსიმ ჩინებული გოლი გაიტანა. იმედია, მისთვის ეს მხოლოდ დასაწყისია. კრიტიკაზე საუკეთესო პასუხი მხოლოდ გამარჯვებაა“, – განაცხადა „წითელი ეშმაკების“ შუახაზელმა.
“მანჩსტერ იუნაიტედის” ნახევარმცველმს, მაიკლ კერიკს, ინგლისური კლუბის დატოვება არ სურს. 33 წლის მიმდინარე ხელშეკრულება 2015 წელს იწურება.
“მანჩესტერში დარჩენა მსურს. სხვაგან წასასვლელი არ მაქვს” – ამობს ნახევარმცველი.
შეთანხმების საფუძველზე კლუბს ერთი წლით შეუძლია კონტრაქტის გახანგრძლივება, თუმცა “მანჩესტერის” მენეჯმენტი ამის გაკეთებას ჯერჯერობით არ ჩქარობს.
კერიკმა მიმდინარე სეზონში ორი შეხვედრა ჩაატარა.
ნახევარმცველმა მაიკლ კერიკმა ინგლისის ნაკრების ვარჯიშზე ტრავმა მიიღო, რის გამოც საწვრთნელი პროცესის დასრულება ვერ მოახერხა.
უახლოეს მომავალში “მანჩესტერ იუნაიტედის” ფეხბურთელი სამედიცინო შემოწმებას გაივლის, რომელიც ტრავმის სირთულეს და სარეაბილიტაციო კურსის ხანგრძლივობას დაადგენს.
შეგახსენებთ, ევროპის ჩემპიონატის საკვალიფიკაციო ეტაპის უახლოეს მატჩში ინგლისი სლოვენიას დაუპირისპირდება.
“მანჩესტერ იუნაიტედის” ახალწვეულებმა ანხელ დი მარიამ და ანდერ ერერამ ტრავმა მოიშუშეს. ნახევარმცველები პრემიერ ლიგის 9–ე ტურში”ჩელსის” წინააღმდეგ სათამაშოდ მზად არიან.
ორივე მოთამაშემ ტრავმა “ვესტ ბრომვიჩის” წინააღმდეგ მატჩში მიიღო. ანხელმა ბარძაყი დაიზიანა, ხოლო ანდერმა კი ნეკნის ტრავმა სრულად არ მოიშუშა.
თუმცა, “არისტოკრატებთან” მანჩესტერულ კლუბს ვერ დაეხმარება მაიკლ კერიკი, რომელიც სარეზერვო გუნდში მიღებული ტრავმის გამო, საავადმყოფოში იმყოფება.
“ანდერმა ტრავმა მოიშუშა. რაც შეეხება დი მარიას, ტრავმა სერიოზული არ არის. მან მხოლოდ ერთი ვარჯიში გამოტოვა, ეს პრობლემა არ არის.”
“ძალიან ვწუხვარ, რომ მათ გარდა ტრავმა ვერავინ მოიშუშა. მე კერიკი ლონდონში გავაგზავნე, რეზერვისტებთან ერთად, რადგან ხუთ–თვიანი მკურნალობის გამო ფორმიდან ამოვარდნილი იყო.”–განაცხადა ლუის ვან გაალმა Manchester Evening News–თან ინტერვიუში
.
„მანჩესტერ იუნაიტედის“ ყოფილი კაპიტანი ნემანია ვიდიჩი მილანის „ინტერში“ გადავიდა. შესაბამისად, „წითელ ეშმაკებს“ ახალი კაპიტანი ჰყავთ ასარჩევი.
გავრცელებული ინფორმაციის თანახმად, ამ საპასუხისმგებლო მისიის დაკისრებას მაიკლ კერიკს უპირებენ. ლუი ვან გაალს კაპიტნის სამკლავურის ახალი მფლობელის ვინაობა უახლოეს პერიოდში უნდა გამოეცხადებინა, თუმცა ინგლისელ ნახევარმცველს ტრავმა აქვს და შესაძლოა, ჰოლანდიელმა თავკაცმა ახალი კაპიტნის ვინაობის გამოცხადება გადადოს.
შეგახსენებთ, რომ კერიკი რამდენიმე დღის წინათ საწვრთნელ პროცესზე დაშავდა, რის გამოც 12 კვირით იუქმებს.
