ჭდე: ერიკ დაიერი

ერიკ დაიერი აცხადებს, რომ “ტოტენჰემი”, რომელიც ამ დროისთვის მთელი 10 ქულით ჩამორჩება ლიდერ ლონდონის “ჩელსის”, ჩემპიონობისთვის ბრძოლაში დანებებას არ აპირებს და ბოლომდე იბრძოლებს.

“მართალია, ძალიან რთულ სიტუაციაში ვართ, მაგრამ მჯერა, რომ ბრძოლა ბოლომდე გაგრძელდება,” – აცხადებს დაიერი Evening Standard-თან საუბრისას.

“წელს ბევრი კარგი გუნდი ცდილობს წარმატებისთვის ბრძოლას, ჩვენი ჩათვლით და დანებებას არ ვაპირებთ. მომავალს იმედის თვალით შევყურებთ და ვცდილობთ თამაშის ხარისხი გავაუმჯობესოთ.

წინ ჯერ კიდევ დიდი გზა გვაქვს გასავლელი, სამწვრთნელო შტაბს ბევრი სამუშაო აქვს. საუბარი არაფერს მოგვიტანს, უნდა ვიმოქმედოთ.”

ლონდონის “ტოტენჰემის” ინგლისელ ფეხბურთელს, ერიკ დაიერს “ტოტენჰემის” კრიზისში ყოფნის საკითხი სასაცილოდ მიაჩნია მიუხედავად იმისა, რომ “სპურსის” მოუგებელი სერია უკვე შვიდ მატჩს ითვლის.

“ხალხი “ტოტენჰემის” კრიზისში ყოფნაზე ალაპარაკდა, არადა პრემიერ ლიგის ახალ სეზონში ერთი მატჩიც არ წაგვიგია.” – განაცხადა დაიერმა, რომელმაც “ბაიერ ლევერკუზენთან” წაგებულ მატჩში (0-1) 90 წუთი ითამაშა.

“რა თქმა უნდა, ჩემპიონთა ლიგაზე ნაჩვენები შედეგი დამამწუხრებელია, მაგრა ვფიქრობ, რომ სასაცილოა როდესაც კრიზისში ყოფნას გვაბრალებენ მაშინ, როდესაც ლიგაში ჯერ ერთი მატჩიც არ წაგვიგია.

წარსულზე დარდის დრო ნამდვილად არ გვაქვს. გასულ წელს ძალიან დიდი შრომა ჩავდეთ, რათა ჩემპიონთა ლიგის საგზური მოგვეპოვებინა. ახლა კი ვალდებულნი ვართ, მომავალზე ვიფიქროთ და ყველაფერი ისე გავაკეთოთ, როგორც გვჩვევია.”