ფეხბურთის სერბი სპეციალისტი სინიშა მიხაილოვიჩი ლისაბონისის “სპორტინგის” მთავარი მწვრთნელის პოსტზე დაინიშნა. მხარეებს შორის სამწლიან კონტრაქტს მოეწერა ხელი.
სინიშა მიხაილოვიჩმა “სპორტინგის” თავკაცის პოსტზე ჟორჟე ჟეზუში შეცვალა, რომელმაც გუნდი სეზონის ბოლოს დატოვა.
შეგახსენებთ, რომ 49 წლის სერბ სპეციალისტს საკლუბო დონეზე მთელი სამწვრთნელი კარიერა იტალიაში აქვს გატარებული, სადაც სხვადასხვა დროის განმავლობაში “ბოლონიას”, “კატანიას”, “ფიორენტინას”, “სამპდორიას”, “მილანსა” და “ტორინოს” ედგა სათავეში.
ალბერტო აკვილანი ახალი სეზონიდან ლისაბონის “სპორტინგში” ითამაშებს. ეს ინფორმაცია პორტუგალიურმა კლუბმა ოფიციალურად დაადასტურა.
როგორც მოგეხსენებათ, იტალიელ ნახევარმცველს ამ ზაფხულს “ფიორენტინასთან” კონტრაქტი დაუმთავრდა. შესაბამისად, იგი “სპორტინგში” უსასყიდლოდ გადავიდა.
გავრცელებული ინფორმაციის თანახმად, აკვილანიმ პორტუგალიურ კლუბთან სამწლიანი შრომითი ხელშეკრულება გააფორმა, სეზონში კი ჯამაგირის სახით ორ მილიონ ევროს მიიღებს.
მადრიდის “რეალისა” და პორტუგალიის ნაკრების ლიდერი კრიშტიანუ რონალდუ გამოტყდა, რომ თავის დროზე პროფესიონალ ფეხბურთელად გახდომაზე არც კი ფიქრობდა.
“ჩემს ოჯახში ყველას უყვარს ფეხბურთი. მახსოვს, ერთხელ ქუჩაში ვთამაშობდი და მამაჩემმა შემომთავაზა, როცა სამსახურში წავალ, შენ გუნდთან ერთად ივარჯიშეო. მე ვიფიქრე, რატომაც არა და დავთანხმდი.
ასე დავიწყე თამაში. ყოველდღიურად ვვარჯიშობდი და მიხაროდა, რომ გუნდში ვიყავი. მამაც სულ გვერდში მედგა.
თავიდან მომეჩვენა, რომ დანარჩენი ბავშვებისგან გამორჩეული ვიყავი. მანამდე არასდროს მიფიქრია პროფესიონალ ფეხბურთელად გახდომაზე და არც იმაზე, რომ “მანჩესტერ იუნაიტედში”, “რეალსა” და თუნდაც “სპორტინგში” ვითამაშებდი.
მაშინ მხოლოდ ვტკბებოდი თამაშით და ჩემს ნიჭზე საერთოდ არ ვფიქრობდი.
სამი-ოთხი წლის შემდეგ მეც მომინდა ასეთ კლუბებში თამაში. ყველა მატჩს ვუყურებდი და ამაზე ოცნებაც დავიწყე”, – განაცხადა რონალდუმ Herbalife-ისთვის მიცემულ ინტერვიუში.
უეფას ჩემპიონთა ლიგის ჯგუფური ეტაპის მეხუთე ტურში ლისაბონის “სპორტინგსა” და “მარიბორს” შორის გამართული მატჩი პორტუგალიელთა გამარჯვებით, ანგარიშით 3:1 დასრულდა.
უეფას ჩემპიონთა ლიგის ჯგუფურ ეტაპზე ლისაბონის “სპორტინგსა” და “მარიბორს” შორის მიმდინარე მატჩი სტადიონის განათებასთან დაკავშირებული პრობლემის გამო შეწყდა.
შეხვედრის მეორე ტაიმის დაწყებამდე “ჟოზე ალვალადეს” განათების სისტემის მხოლოს ნახევარი მუშაობდა და მთავარმა არბიტრმა კრეიგ ტომპსონმა გადაწყვიტა, მატჩი არ განეახლებინა მანამ, სანამ პრობლემა არ მოგვარდებოდა.
ნახევარ საათზე მეტი დრო დასჭირდა სტადიონზე განათების სისტემის სრულ აღდგენას, რის შემდეგაც მატჩი განახლდა.
ინგლისის ახალგაზრდული გუნდის მცველმა ერიკ დაიერმა “ტოტენჰემ ჰოთსპურში” სამედიცინო შემოწმება წარმატებით გაიარა და ჩრდილოლონდონურ კლუბთან ხუთწლიანი კონტრაქტიც გააფორმა.
20 წლის ფეხბურთელი მანამდე ლისაბონის “სპორტუნგის” ღირსებას იცავდა.
ოფიციალური მხარე ტრანსფერის დეტალებს არ ახმაურებს, თუმცა ბრიტანული პრესის ინფორმაციით, პორტუგალიურმა კლუბმა დაიერის სანაცვლოდ 5 მილიონი ევრო მიიღო.
„იუვენტუსის“ ყოფილმა გენერალურმა დირექტორმა ლუჩანო მოჯიმ განაცხადა, რომ თავის დროზე შესაძლებელი იყო, კრიშტიანო რონალდუ „სპორტინგიდან“ არა „მანჩესტერ იუნაიტედში“, არამედ ტურინულ კლუბში გადასულიყო.
„სპორტინგთან“ რონალდუს მარსელო სალასთან გაცვლის შესახებ შეთანხმებას მივაღწიეთ. სალასი პორტუგალიაში ჩავიდა, თუმცა შემდეგ უკან დაბრუნდა და „რივერ პლეიტში“ გადავიდა. ამ დროს გამოჩნდა „მანჩესტერ იუნაიტედი“, რომელმაც „სპორტინგს“ ისეთი წინადადებით მიმართა, რომ ჩვენ სიტუაციას გამოვეთიშეთ და იდეაზე უარის თქმა მოგვიხდა“, – აღნიშნა მოჯიმ.
ბექა დოგრაშვილი
