ლეგენდარული ფრანგული ფეხბურთელი ტიერი ანრი, რომელმაც სამშაბათს მოთამაშის კარიერა დაასრულა, ინგლისურ ტელევიზიაში ყველაზე მაღალანაზღაურებადი საფეხბურთო ექსპერტი გახდება.
როგორც ცნობილია, ტელეარხმა „Sky Sports“-მა ფრანგს, ხელფასის სახით, ხუთი მილიონი ევრო შესთავაზა. აქამდე ყველაზე მაღალანაზღაურებადი საფეხბურთო ექსპერი„მანჩესტერ იუნაიტედის“ ექს-კაპიტანი გარი ნევილი იყო, რომლის ხელფასიც 1,5 მილიონ ევროს შეადგენს.
„ლივერპულისა“ და „მანჩესტერ იუნაიტედის“ ყოფილი მცველები ჯეიმი კარაგერი და გარი ნევილი ტელეკომპანია „სქაი სპორტსის“ საფეხბურთო ექსპერტები არიან და ხშირად სტუდიაში ერთადაც სხედან. მათ შორის მეგობრული ურთიერთობაა, თუმცა ხანდახან ერთმანეთს კბილსაც გაჰკრავენ ხოლმე. ორიოდე დღის წინათ პირდაპირ ეთერში მათ შორის საინტერესო დიალოგი შედგა.
გარი ნევილი: „ჩემთვის სეზონის საუკეთესო მწვრთნელი ბრენდან როჯერსია“.
ჯეიმი კარაგერი: „გარი, მომისმინე. შენ რაც არ უნდა თქვა, „ლივერპულის“ ქომაგები მაინც არასდროს შეგიყვარებენ, ამიტომ ნუ ეცდები“.
გარი ნევილი: „სამაგიეროდ, შენ „ევერტონის“ ფანი ხარ“.
ცნობილი ფაქტია, რომ კარაგერი ბავშვობაში სწორედ „ევერტონს“ ქომაგობდა.
ბექა დოგრაშვილი
