“მარსელის” ფრანგმა ნახევარმცველმა, დიმიტრი პაიეტმა “პარი სენ-ჟერმენთან” გასამართი მატჩის წინ საკმაოდ გამომწვევად ისაუბრა და განაცხადა, რომ “მარსელი” საფრანგეთის საუკეთესო კლუბია.
“არაერთხელ მითქვამს და კიდევ გავიმეორებ, რომ მე საუკეთესო ფრანგულ კლუბში ვთამაშობ. რაც მთავარია, ჩვენ ერთ მუშტად შეკრული გუნდი ვართ. ბოლო დროს გუნდური თამაში იშვიათობაა. ჩემთვის ეს ინდივიდუალისტების შოუზე უფრო მნიშვნელოვანია.
ამ მატჩს კარგ ფორმაში ვხვდებით. ნამდვილად არ მაინტერესებს, თუ რა გავლენას ახდენს მათზე “რეალთან” გასამართი მატჩი. თუ უნდათ, რომ დაგვითმონ, სამ ქულას დიდი სიამოვნებით ავიღებთ,” – აცხადებს პაიეტი.
