2011 წელს “ლივერპულისა” და იტალიის ნაკრების თავდამსხმელმა მარიო ბალოტელიმ, რომელიც იმხანად “მანჩესტერ სიტის” ღირსებას იცავდა, საკუთარ სახლში ხანძარი გააჩინა. ბრიტანულმა “დეილი მეილმა” მისი გადამწვარი სააბაზანო ოთახის ფოტოები გამოაქვეყნა.
აღსანიშნავია, რომ ბალოტელის სახლი სამ მილიონ ფუნტ სტერლინგად იყო შეფასებული. ფეხბურთელმა ჰელოუინის აღსანიშნავად ფეიერვერკის მოწყობა გადაწყვიტა, თუმცა შემთხვევით სააბაზანო ოთახში ხანძარი გაჩნდა, რამაც 400 ათასი ფუნტის ზარალი გამოიწვია.
ეს ინციდენტი მანჩესტერულ დერბიმდე რამდენიმე დღით ადრე მოხდა. “მანჩესტერ სიტიმ” თანაქალაქელი გუნდი ანგარიშთ 6:1 გაანადგურა, ბალოტელიმ დუბლი შეასრულა და ერთი გოლი “Why always me?” წარწერის ჩვენებით აღნიშნა.
სხვათა შორის, მომხდარიდან რამდენიმე დღის შემდეგ ბალოტელი მაშხალების უსაფრთხოდ გამოყენების კამპანიის სახე გახდა.
სხვადასხვა ინციდენტების გამო მარიო ბალოტელის ჯამში ჯარიმის სახით 300 000 ფუნტის გადახდა მოუწია.