ჭდე: ბორნმუთი

The Sun: “არსენალში” არსენ ვენგერს ედი ჰაუ ჩაანაცვლებს

Posted on by იაკობ კაპანაძე

The Sun-ის მიერ მოპოვებული ინფორმაციის თანახმად, ლონდონის “არსენალი” არსენ ვენგერის დათხოვნის, ედი ჰაუ კი “არსენალში” გადასვლის ვარიანტს საკმაოდ აქტიურად განიხილავს.

როგორც იცით, “ბორნმუთის” ამჟამინდელი თავკაცი საკმაოდ მოთხოვნადი გახდა მას შემდეგ, რაც პრემიერ ლიგაში ახლადგადმოსულ “ბორნმუთს” ჩემპიონატში ადგილი შეუნარჩუნა.

ფაქტია, რომ ვენგერის ამჟამინდელი კონტრაქტი სეზონის ბოლოს იწურება, თუმცა მხარეები კონტრაქტის გახანგრძლივებას არ ჩქარობენ.

არსებობს მოსაზრება, რომლის თანახმადაც ვენგერი თავის პოსტს სხვა სპეციალისტს დაუთმობს, თვითონ კი გუნდში სხვა თანამდებობაზე გააგრძელებს მუშაობას.

პრემიერ ლიგა: ჟოზემ სადებიუტო მატჩში “ბორნმუთი” დაამარცხა (ვიდეო)

Posted on by იაკობ კაპანაძე

პრემიერ ლიგის 2016/17 წლების სეზონის პირველი მატჩი ჩაატარა ჟოზე მოურინიოს “მანჩესტერ იუნაიტედმაც”. “წითელი ეშმაკები” გასვლაზე “ბორნმუთს” დაუპირისპირდნენ.

მართალია, მატჩის პირველი ნახევარი “მანჩესტერმა” ისე ვერ ჩაატარა, როგორც ჟოზეს უნდოდა, თუმცა, პორტუგალიელი სპეციალისტის გუნდმა ანგარიშის გახსნა მაინც მოახერხა – თავი ესპანელმა ხუან მატამ გამოიჩინა.

მეორე ნახევარში სტუმართა უპირატესობა კიდევ უფრო გაიზარდა. მატჩის 59-ე წუთზე უეინ რუნიმ ანგარიშის სხვაობა ორამდე გაზარდა, ხუთიოდე წუთში კი ზლატან იბრაჰიმოვიჩმაც გამოიჩინა თავი. 69-ე წუთზე “ალუბლების” სმიტმა გოლის გატანა მოახერხა, თუმცა ედის გუნდმა ქამ-ბექი ვერ შემოგვთავაზე.

მატჩის საუკეთესო მოთამაშედ კი “მანჩესტერელთა” ახალწვეული, ერიკ ბაილი დასახელდა.

81

“ბორნმუთი”: ბორუცი; ფრენსისი, სტივ კუკი, დენიელსი, ადამ სმიტი; აიბი, არტერი, სურმანი, ლიუის კუკი; კინგი, კალუმ უილსონი

მთავარი მწვრთნელი: ედი ჰაუ

“მანჩესტერ იუნაიტედი”: დე ხეა; ვალენსია, ბაილი, ბლინდი, შოუ; ფელაინი, ანდერ ერერა; რუნი, მატა, მარსიალი; იბრაჰიმოვიჩი

მთავარი მწვრთნელი: ჟოზე მოურინიო

ოფიციალურად: “ბორნმუთმა” “ლივერპულიდან” ბრედ სმიტი დაიმატა

Posted on by იაკობ კაპანაძე

ინგლისური “ბორნმუთის” ხელმძღვანელებმა “ლივერპულის” ცენტრალური მცველის, ბრედ სმიტის ტრანსფერი ოფიციალურად დაადასტურეს.

22 წლის სმიტმა “ალუბლებთან” 4-წლიანი კონტრაქტი გააფორმა. ამ დროისთვის უცნობია, თუ რამდენის გადახდა დასჭირდა ედი ჰაუს გუნდს, Goal-ის ცნობით, საქმე დაახლოებით 6 მილიონ ფუნტს ეხება.

ავსტრალიელი ფეხბურთელი “ბორნმუთის” რიგით მეექვსე ახალწვეული გახდა მიმდინარე ზაფხულის სატრანსფერო ფანჯარაზე. აღსანიშნავია, რომ “ბორნმუთში” სმიტი მის ყოფილ თანაგუნდელთან, ჯორდან აიბთან ერთად ითამაშებს, რომელმაც ახლახან დატოვა “ენფილდი”.

Daily Mail: ინგლისის ნაკრებს “ბორნმუთის” 38 წლის მწვრთნელი გაუძღვება

Posted on by იაკობ კაპანაძე

Daily Mail-ის მიერ მოპოვებული საკმაოდ საინტერესო ინფორმაცია გვამცნობს, რომ ინგლისის მთავარი მწვრთნელის პოსტზე დანიშვნის ყველაზე რეალური კანდიდატი ამ დროისთვის “ბორნმუთის” 38 წლის მწვრთნელი, ედი ჰაუა.

ინგლისური საფეხბურთო ასოციაცია უცხოელი მწვრთნელის დანიშვნის შესაძლებლობას არ გამორიცხავს, თუმცა მათ ურჩევნიათ, რომ ნაკრები ინგლისელმა სპეციალისტმა ჩაიბაროს.

FA-ს ტექნიკური ბოსი დენ ასვორთი, აღმასრულებელი დირექტორი მარტინ გლენი და ვიცე-პრეზიდენტი დევიდ გილი – სწორედ მათ ევალებათ ჰოჯსონის ჩამნაცვლებლის პოვნა – უკვე გაესაუბრნენ გარი ლინეკერს, რიო ფერდინანდს, ფრენკ ლამპარდსა და ჰარი რედნაპს, რათა მათი აზრი გაეგოთ ამ საკითხთან დაკავშირებით. ისინი კი ერთხმად თანხმდებიან, რომ ნაკრებში უნდა მოვიდეს ისეთი მწვრთნელი, რომელსაც ძლიერი გუნდის შექმნა შეუძლია.

ამასთანავე უნდა ავღნიშნოთ ისიც, რომ ედი ჰაუს, რომელიც 2015 წლის ინგლისის საუკეთესო მწვრთნელი გახდა და ამავდროულად ბევრი ექსპერტის მოწონება დაიმსახურა იმ სათამაშო სტილის გამო, რომლითაც “ბორნმუთი” თამაშობდა, ამ პოსტზე დანიშვნის საკმაოდ დიდი სურვილი გააჩნია.

გასულ წელს, Sportsmail-თან საუბრისას, მან განაცხადა: “ძალიან პატრიოტულად ვარ ამ საკითხის მიმართ განწყობილი. ჩემთვის უდიდესი პატივი იქნება, თუ ინგლისის მწვრთნელის პოსტზე დამამტკიცებენ.”

ცნობისათვის გეტყვით, რომ ინგლისის ნაკრები 4 სექტემბერს მსოფლიო ჩემპიონატის საკვალიფიკაციო ეტაპში ჩაერთვება. მათი მეტოქე სლოვაკეთის ნაკრები იქნება. ასე რომ, მათ დრო ძალიან ცოტა აქვთ.

ოფიციალურად: ლევის კუკი “ბორნმუთის” ფეხბურთელია

Posted on by კახა ყიფიანი

რამდენიმე წუთის წინ ოფიციალურად დადასტურდა, რომ “ბორნმუთმა” “ლიდზ იუნაიტედიდან” 19 წლის ნახევარმცველი, ლევის კუკი გაიფორმა. ბრიტანელმა ფეხბურთელმა ახალ კლუბთან 4 წლიან კონტრაქტს მოაწერა ხელი. ტრანსფერის ღირებულება ზუსტად არაა ცნობილი, თუმცა დაახლოებით იგი ექვსიდან ათ მილიონ ფუნტამდე უნდა მერყეობდეს.

აქვე გეტყვით, რომ კუკმა პროფესიონალური კარიერა სულ რაღაც ორი წლის წინ დაიწყო “ლიდზში.” მან 85 მატჩში 1 გოლის გატანა მოახერხა.

მოურინიო: „ბორნმუთი“ კალათბურთს გვეთამაშებოდა“

Posted on by Alix

ლონდონსი „ჩელსის“ მთავარი მწვრთნელი ჟოზე მოურინიო თვლის, რომ მისმა გუნდმა „ბორნმუტთან“ მატჩში წაგება არ დაიმსახურა.

„მარცხი არ დაგვიმსახურებია. ჩვენმა მეტოქემ გოლი მაშინ გაიტანა, როცა მხოლოდ დაცვაზე ფიქრობდა. თანაც, მსაჯმა აშკარა შეცდომა დაუშვა. როდესაც ანაგრიში 0:0 იყო, ყველამ დაინახა, რომ მეტოქემ ხელით ითამაშა და პენალტი უნდა დანიშნულიყო.

პირველ ტაიმში აგრესია გვაკლდა, შესვენების შემდეგ კი მეტოქის კართან შეტევას მოვუმატეთ. „ბორნმუთი“ ყოველთვის დროის გაჭიანურებას ცდილობდა და სამედიცინო პაუზებით სარგებლობდა, თთქოს, საკალათბურთო ოვერტაიმი იყო“, – განაცხადა პორტუგალიელმა.

სტერლინგი: „ეს ჩემი „მანჩესტერ სიტიში“ საუკეთესო მატჩი იყო“

Posted on by Alix

„მანჩესტერ სიტის“ შემტევმა ნახევარმცველმა რაჰიმ სტერლინგმა „ბორნმუთთან“ ანგარიშთ 5:1 მოგებული მატჩი შეაფასა.

„ამ მომენტისთვის ეს ჩემი „სიტიში“ საუკეთესო მატჩი იყო.

შანსები მქონდა და ისინი გამოვიყენე, რის გამოც ბედნიერი ვარ. ცენტრის კარგად გვეხმარებოდა, სწორედ ამიტომ ბოლო რამდენიმე შეხვედრაში ადვილად ვმოქმედებთ.

ყველაფრის მიუხედავად, განვლილი თამაში უნდა დავიწყოთ და „სევილიასთან“ ჩემპიონთა ლიგს მოახლოებულ მატჩზე ვიფიქროთ. გარდა ამისა, სულ მალე ჩემპიონატში „მანჩესტერ იუნაიტედთან“ დაპირისპირება გვიწევს“, – განაცხადა სტერლინგმა.

უნდა ჩაეთვალა თუ არა მსაჯს ეს გოლი? (ვიდეო)

Posted on by -

17 მარტს, ინგლისის ჩემპიონშიპში “კარდიფმა” საკუთარ მოედნაზე “ბორნმუთი” მიიღო და ფრედ 1:1 ითამაშა.

მატჩის მიმდინარეობისას, მსაჯმა “ბორნმუთის” ფეხბურთელის კალუმ ვილსონის მიერ გატანილი გოლი არ ჩათვალა.

შეხვედრის დასრულების შემდეგ, “ბორნმუთის” მთავარმა მწვრთნელმა, ედი ჰოუვმა არჩათვლილ გოლზე ასეთი კომენტარი გააკეთა: “მსაჯს უნდა ჰკითხოთ, რატომ არ ჩათვალა ეს გოლი. ვფიქრობ, მან შეცდომები დაუშვა და ეს ნათელია. კალუმ ვილსონს თამაშის წესები არ დაურღვევია. არბიტრმა ძალიან უცნაური გადაწყვეტილება მიიღო.”

“ლიდსის” ფეხბურთელმა “ბორნმუთს” ლამაზი გოლი გაუტანა (ვიდეო)

Posted on by -

20 იანვარს, ინგლისის ჩემპიონშიპში, “ლიდს იუნაიტედსა” და “ბორნმუთს” შორის გამართულ შეხვედრაში (1:0) ლიუკ მერფიმ მეტოქეს ლამაზი გოლი გაუტანა.