ჭდე: ლაიფციგი

“რედ ბულ ლაიფციგისა” და გერმანიის საფეხბურთო ნაკრების თავდამსხმელმა, ტიმო ვერნერმა, პრესასთან რამდენიმე ძალიან საინტერესო თემაზე ისაუბრა და კლუბიდან წასვლის შესაძლებლობაზე მიგვანიშნა.

“ჯერ ჩემს თავს მსოფლიო დონის ფეხბურთელად არ მივიჩნევ. ჩემი გადმოსახედიდან, ასეთი შეიძლება იყოს ლევანდოვსკი, სუარესი და გრიზმანი. მათ დონეზე რომ ვითამაშო, უფრო ძლიერ კლუბში ყოფნა მჭირდება.

გულწრფელი რომ ვიყო, ნაბი კეიტა მსოფლიოს დონის ფეხბურთელი “ლაიფციგში” თამაშით ვერ გახდა. მაგრამ, შესაძლოა, ამ დონეს “ლივერპულში” ყოფნისას მიაღწიოს.

კლუბის გამოცვლა? წინ კიდევ 4-5 სეზონი მაქვს, რათა ჩემი შესაძლებლობები დავამტკიცო და საუკეთესოთა შორის დავიკავო ჩემი ადგილი,” – აცხადებს ვერნერი.

შეგახსენებთ, რომ ბოლო დროს გერმანელი შემტევი “მილანს”, “ლივერპულსა” და “რეალს” დაუკავშირეს.

“ლაიფციგის” ახალგაზრდა გერმანელმა თავდამსხმელმა, ტიმო ვერნერმა, რომელმაც გასულ სეზონში ბუნდესლიგის მატჩებში 21 გოლის გატანა მოახერხა, თავის მომავალზე ისაუბრა.

“ჯერჯერობით, “ლაიფციგთან” ერთად თავს კარგად ვგრძნობ. ამიტომაც ვფიქრობ, რომ მომავალი ერთი,ორი ან სამი წლის მანძილზე კლუბს არ გამოვიცვლი.

რა თქმა უნდა, დიდ კლუბში თამაში ძალიან მინდა, მაგრამ ჯერჯერობით აქაც ყველაფერი კარგად მიდის და მჯერა, რომ სულ მალე “ლაიფციგიც” დიდ კლუბთა ელიტაში შევა.

ესპანეთში მაქსიმუმ სამი გრანდია:”ბარსელონა”, “რეალი” და “ატლეტიკო”. ინგლისში უფრო მეტი: “არსენალი”, “ჩელსი”, “ტოტენჰემი”, “ლივერპული”, “მანჩესტერ იუნაიტედი” და “მანჩესტერ სიტი”. “ბაიერნიც” მათ კატეგორიას მიეკუთვნება, მაგრამ მე ამ საკითხზე ნამდვილად არ ვფიქრობ.

კონტრაქტის გახანგრძლივების შეთავაზებას რა თქმა უნდა, გავეცანი. მართალია, ჯერ ახალი ხელშეკრულების გაფორმებას არ ვგეგმავ, მაგრამ იმას არ ნიშნავს, რომ ზაფხულში კლუბს დავტოვებ.

ფეხბურთში მოვლენები სწრაფად ვითარდება, არავინ იცის რა მოხდება ხვალ,” – აცხადებს ვერნერი.

“ლაიფციგსა” და “ჰამბურგს” შორის გამართულ მატჩში ნაბი კეიტამ ტრავმა მიიღო, რის გამოც ამ დღეებში სამედიცინო გამოკვლევების ჩატარება მოუწევს.

როგორც იცით, ნაბი კეიტა, რომელიც მომავალ სეზონში მერსესაიდის “ლივერპულის” რიგებში ჩაირიცხება, ბოლო დროს საკმაოდ კარგად გამოიყურებოდა და “ჰამბურგის” კარში შესანიშნავი გოლის გატანაც შეძლო.

შესაბამისად, “ლაიფციგისათვის” ძალიან მნიშვნელოვანია, შეძლებს თუ არა კეიტა ჩემპიონთა ლიგაზე, “მონაკოს” წინააღმდეგ თამაშს. ბუნდესლიგის მეოთხე ტურში კი კეიტას გუნდს “მიუნხენგლადბახელების” წინააღმდეგ მოუწევს თამაში.