ჭდე: ჰარი კეინი

ლონდონის “ტოტენჰემის” მცველი, იან ვერტონგენი პოზიტიურად არის განწყობილი ჩემპიონთა ლიგაზე “რეალთან” გასამართი მატჩის წინ და სჯერა, რომ “დეზებს” “ბლანკოსის” დამარცხება კეინის გარეშეც შეუძლიათ.

“რა თქმა უნდა, მადრიდში მოპოვებულმა ფრემ თვითდაჯერებულობა კიდევ უფრო შეგვმატა. “რეალი” მსოფლიოს ერთ-ერთი საუკეთესო კლუბია და მათ ეს პირველივე მატჩში დაგვიმტკიცეს.

“რეალს” ნებისმიერ მომენტში შეუძლია, გოლი გაგიტანოს, მაგრამ ჩვენ ამას მიჩვეულნი ვართ. თუმცა, მეტოქეს უფრო მაღალი დონის ფეხბურთელები ჰყავს, ვიდრე ინგლისურ კლუბებს.

ვერ ვხედავ ვერანაირ მიზეზს, თუ რატომ არ შეგვიძლია “რეალის” დამარცხება კეინის გარეშე. რა თქმა უნდა, ჰარი უმნიშვნელოვანესი ფიგურაა ჩვენთვის, მაგრამ მის გარეშეც ძალიან ძლიერები ვართ,” – აცხადებს ვერტონგენი.

ცნობისთვის გეტყვით, რომ “ტოტენჰემსა” და “რეალს” შორის გასამართი მატჩი 1 ნოემბერს, 22:45 წუთზე აიღებს სტარტს.

საიდუმლო არავისთვისაა ის ფაქტი, რომ ფლორენტინო პერესი თავიდანვე სიმპატიებით იყო განწყობილი ლონდონის “ტოტენჰემის” ინგლისელი ლიდერის, ჰარი კეინის მიმართ. თუმცა, როგორც ირკვევა, “რეალის” პრეზიდენტი ჯერჯერობით გამოუვალ სიტუაციაში იმყოფება.

“რა თქმა უნდა, კეინის ყიდვის იდეაზე უარი არ მითქვამს, მაგრამ ამ მომენტში მოლაპარაკებების წარმოებას აზრი არ აქვს. “ტოტენჰემის” პრეზიდენტისთვის არც კი მიმიმართავს მის ტრანსფერზე, რადგანაც ვიცი, რომ 250 მილიონს მოითხოვს.

კეინი ბრწყინვალე ფეხბურთელია და რაც მთავარია, ახალგაზრდაც არის. წინ დიდი მომავალი ელის. თუმცა, ამ დროისთვის კარიმ ბენზემაც მაკმაყოფილებს,” – აცხადებს პერესი.

შეგახსენებთ იმასაც, რომ კარიმ ბენზემას არყოფნის შემთხვევაში “რეალი” მხოლოდ ერთი ცენტრფორვარდის, ბორხა მაიორალის იმედზე რჩება.