გუშინ ლიგა 1-ის 24-ე ტურის შეხვედრები გაიმართა.
ერთ-ერთ მატჩში მარსელის “ოლიმპიკმა” “გენგანი” მიიღო და, ანგარიშით, 2:0 დაამარცხა. 76-ე წუთზე თავის გამოჩენა ახალდაბრუნებულმა, დიმიტრი პაიემ შეძლო.
იხილეთ პაიეს გოლი
ჭდე: პაიე
ვენგერი: “სჭირდება თუ არა “არსენალს” პაიე?”
ბოლო დროს “ვესტ ჰემის” შემტევს, დიმიტრი პაიეს აქტიურად უკავშირებენ ლონდონის “არსენალს”.
არსენ ვენგერმა აღნიშნული ტრასნფერის განხორციელების შესაძლებლობაზე ისაუბრა.
“ვფიქრობ, არავის შეძენა არ გვჭრდება შეტევაში. ადრე პაიეზე ნამდვილად ვფიქრობდი, რადგან უელბეკი იყო ტრავმირებული. თუმცა, ახლა ინგლისელი დაგვიბრუნდა. გუნდში საკმაო რაოდენობის გამოსადეგი ფეხბურთელია.”
“ვფიქრობ, სატრანსფერო ფანაჯარაზე აღარავის შევიძენთ,” – აცხადებს ფრანგი სპეციალისტი.
დღის მთავარი სატრანსფერო ამბები (15 იანვარი)
შაკირას უნდა, რომ პიკემ “ბარსა” დატოვოს
ჟერარდ პიკე შაკირასაგან ზეწოლას განიცდის, რამდენადაც ამ უკანასკნელს ბარსელონას დატოვება აქვს განზრახული. ესპანური პრესის ცნობით, შაკირას ესპანელი გულშემატკივრების მომაბეზრებელი ქცევები მობეზრდა და ქმარს ლონდონში გადასვლას სთხოვს. (Don Balon)
“მარსელი” პაიეს ტრანსფერს ათანხმებს
როგორც იცით, ახლახან დადასტურდა ინფორმაცია, რომ დიმიტრი პაიე “ვესტ ჰემის” დატოვებას აპირებს. დღეს კი უკვე ცნობილი ხდება, რომ ფრანგ შემტევთან მოლაპარაკებებს “მარსელის” წარმომადგენლები აწარმოებენ, თანაც საკმაოდ წარმატებულად. (Sky Sports)
ოფიციალურად: სიმონე ძაძა ლა ლიგაში ითამაშებს
ესპანური “ვალენსიას” ხელმძღვანელებმა სიმონე ძაძას ტრანსფერი განახორციელეს, რომელიც ამ დროისთვის ტურინის “იუვენტუსის” კუთვნილებად ითვლება. იტალიელი ფორვარდი “ღამურების” რიგებში სეზონის ბოლომდე ითამაშებს. სეზონის ბოლოს, სურვილის შემთხვევაში, ესპანურ კლუბს მისი გამოსყიდვის უფლება ექნება.
????@SimoneZaza, new player of @valenciacf #WelcomeZaza ???? https://t.co/xVgtaq1yZC pic.twitter.com/oCM8OqwiWl
— Valencia CF English (@valenciacf_en) January 15, 2017
მოურინიოს მატიჩის გადაბირება უნდა
“მანჩესტერ იუნაიტედის” მთავარ მწვრთნელს, ჟოზე მოურინიოს ნემანია მატიჩთან მუშაობის პროცესი მოენატრა. მართალია, ნაკლებად რეალურია შანსები იმისა, რომ “ჩელსიმ” მატიჩი ზამთარში გაუშვას, თუმცა, პორტუგალიელი სპეციალისტი იმედოვნებს, რომ ნემანია მის გუნდს ზაფხულში შეუერთდება.
აბრამოვიჩი კოშტას გაყიდვის წინააღმდეგია
როგორც ინგლისური გავლენიანი გამოცემა, Daily Mail იუწყება, ლონდონის “ჩელსის” მფლობელი, რომან აბრამოვიჩი გუნდიდან დიეგო კოშტას გაშვებას არ აპირებს, რომელსაც “არისტოკრატთა” დამრიგებელთან, ანტონიო კონტესთან პრობლემები აქვს. შეგახსენებთ, რომ ესპანელი ფეხბურთელის გადაბირებით ჩინური კლუბები არიან დაინტერესებულნი.
“სევილიას” რეშფორდის არენდით აყვანა სურს
The Sun-ის მიერ გავრცელებული უახლესი ინფორმაციის თანახმად, “მანჩესტერ იუნაიტედის” ინგლისელი შემტევი, მარკუს რეშფორდი “სევილიას” ინტერესთა სფეროში მოექცა. როგორც ცნობილი ხდება, “დალაქები” მის არენდით აყვანას აპირებენ.
დღის მთავარი სატრანსფერო ამბები (2 იანვარი)
სლავენ ბილიჩი გუნდის გაძლიერებას შეინ ლონგის დამატებით აპირებს
“ვესტ ჰემის” მთავარმა მწვრთნელმა, სლავენ ბილიჩმა მიზნად გუნდის შეტევითი პოტენციალის გაძლიერება დაისახა, რომლის შესასრულებადაც “ჩაქუჩები” “საუთჰემპტონისა” და ირლანდიის საფეხბურთო ნაკრების ვარსკვლავის, შეინ ლონგის გადაბირებას აპირებენ.
“ლივერპულმა” “ლაიფციგის” ფორვარდს დაუმიზნა
იურგენ კლოპი ბუნდესლიგის მარკეტს კვლავ არ ეშვება. ამჯერად, გერმანელმა სპეციალისტმა “ლაიფციგის” ფორვარდი, სემილ ფორსბერგი ამოიღო მიზანში. 25 წლის ფორვარდმა წლევანდელ სეზონში 5 გოლისა და 8 საგოლე გადაცემის ჩაწერა მოახერხა აქტივში, რაც საკმარისი აღმოჩნდა, რომ ის “წითლების” რადარზე გამოჩენილიყო.
“მარსელი” დიმიტრი პაიეში 40 მილიონს იხდის
დიმიტრი პაიე შესაძლოა, საკმაოდ ხმაურიანი ტრანსფერის ნაწილი გახდეს, რომლისკენაც ფრანგული “მარსელი” მიისწრაფვის. Telefoot-ის ცნობით, ფრანგები მზად არიან “ვესტ ჰემის” ფრანგ შემტევში 40 მილიონი ევრო გადაიხადონ.
“ევერტონს” დრის მერტენსის ყიდვა უნდა
Daily Star-ის ცნობით, “კამფეტები” “ნაპოლისთვის” 12 მილიონი ფუნტის შეთავაზებას აპირებენ დრის მერტენსის სანაცვლოდ. წყაროს ცნობით, მერსესაიდელებს უნდათ, რომ რაც შეიძლება სწრაფად გაიფორმონ მერტენსი, რომელსაც ამავდროულად “ბაიერნის”, “აიაქსისა” და “ლივერპულის” ხელმძღვანელებიც აკვირდებიან.
“მანჩესტერ იუნაიტედმა” პეპეს დაადგა თვალი
“მანჩესტერ იუნაიტედის” მთავარი მწვრთნელი, ჟოზე მოურინიო მადრიდის “რეალის” პორტუგალიელი მცველის, კეპლერ პეპეს გადაბირებას აპირებს. ბრიტანულ Sun-ს თუ დავუჯერებთ, “წითელ ეშმაკებს” ამ საქმეში კონკურენციას ჩინური სუპერ ლიგის კლუბებიც უწევენ.
“ასტონ ვილა” “მიდლსბროს” შეუთანხმდა
“ასტონ ვილასა” და “მიდლსბროს” ხელმძღვანელებმა რუდი ჟესტედეს ტრანსფერთან დაკავშირებულ შეთანხმებას მიაღწიეს. Sky Sports-ის ცნობით, “მიდლსბრომ” რუდის სანაცვლოდ 6 მილიონი ფუნტი გადაიხადა. ჟესტედეს სამედიცინო შემოწმება ჯერ არ გაუვლია.
FIFA 17: საჯარიმო დარტყმების შემსრულებელების საუკეთესო ათეული
Fanebi.Com-ი გთავაზობთ ცნობილ საფეხბურთო თამაშში, FIFA 17-ში საჯარიმო დარტყმების შემსრულებლების საუეკთესო ათეულს.
10.გილფი სიგურდსონი
9.შუნსუკე ნაკამურა
8.ფრანჩესკო ლოდი
7.მემფის დეპაი
6.ლიონელ მესი
5.მეჰმედ ეკიჩი
4.დიმიტრი პაიე
3.მირალემ პიანიჩი
2.ჰაქან ჩალხანოღლუ
1.ანდრეა პირლო
რონალდო: “უფრო ძლიერი დავბრუნდები!”
“ევრო 2016”-ის ფინალში, პორტუგალიელმა სუპერვარსკვლავმა, კრიშტიანო რონალდომ დიმიტრი პაიესთან შეჯახების დროს ტრავმა მიიღო. როგორც შემდგომში გაირკვა, 31 წლის მოთამაშის დაზიანება იმდენად მძიმე იყო, რომ მას, დიდი ალბათობით, მოუწევს ევროპის სუპერ თასისა და “ლა ლიგის” რამდენიმე შეხვედრის გამოტოვება.
კრიშტიანო რონალდო ახლა იბიცაზე ისვენებს. მან სწორედ ამ კუნძულიდან ჩაწერე ვიდეო და განათავსა “ინსტაგრამზე”.
“მოგესალმებით ყველას! მე მინდა ძალიან დიდი მადლობა გადავუხადო ჩემს ყველა გულშემატკივარს მხარდაჭერისთვის. მათ ვეტყვი, რომ ყველაფერი კარგადაა და უფრო ძლიერი დავბრუნდები! გაუმარჯოს პორტუგალიას!”
პაიე: “საკლუბო კარიერასთან დაკავშირებით გადაწყვეტილება მივიღე”
გასული სეზონი დიმიტრი პაიესთვის ძალიან წარმატებული აღმოჩნდა. ფრანგი ფეხბურთელი “პრემიერ ლიგაში” “ვესტ ჰემ იუნაიტედის” ერთ-ერთი ლიდერი იყო, შემდეგ კი “ევრო 2016”-ზე სასწაულები ჩაიდინა. რა თქმა უნდა, 29 წლის მოთამაშის ასეთი კარგი ასპარეზობა ყურადღების მიღმა არ დარჩენიათ ევროპულ გრანდებს. მათ შორის მადრიდის “რეალი” აქტიურობდა ყველაზე მეტად. იყო საკმაოდ მომხიბლავი შეთავაზებები, მაგრამ თავად ფეხბურთელმა სულ ცოტა ხნის წინ განაცხადა, რომ არსად წასვლას არ აპირებს.
“მივიღე რამდენიმე სერიოული წინადადება და მოვიხიბლე კიდეც, მაგრამ მე “ვესტ ჰემში” ვრჩები. მე მიყვარს ეს კლუბი და ძალიან მინდა, მალე მოვიდეს ის დღე, როცა “ოლიმპიურ სტადიონზე” გავალ და ჩემი გუნდის გამარჯვებისთვის ვიბრძოლებ. კიდევ ერთხელ გავუმეორებ “ჩაქუჩების” ფანებს, ასი პროცენტით მათთან ვრჩები!” – განაცხადა ფრანგმა შემტევმა.
პაიე:”იმ მომენტში, როდესაც რონალდო დავაშავე…”
ფინალის შემდეგ დიმტირი პაიემ ჟურნალისტებთან კომენტარი გააკეტა იმ მომენტზე, როდესაც მასსა და კრიშტიანო რონალდოს შორის შეჯახების შედეგად, ამ უკანასკნელმა ტრავმა მიიღო და მოედნიდან გასვლა მოუწია…
“ეს უბრალოდ ორთაბრძოლა იყო, რომელშიც მეც და რონალდოც თამამად შევედით. საბოლოოდ, ისე მოხდა, რომ პორტუგალიელი დავაზიანე, მაგრამ, მერწმუნეთ, ეს შემთხვევით მოხდა და კრიშტიანოს ტრავმა ოდნავადაც არ მინდოდა.”
“არ ზის ჩემს ხასიათში, რომ სტადიონზე ცუდად და ასარსპორტულად მოვიქცე,” – განაცხადა დიმიტრი პაიემ.
TOP 5: ფეხბურთელები, რომლებიც საჯარიმოებს ყველაზე კარგად ასრულებენ
საფეხბურთო პორტალმა Copa 90-მა დაასახელა ხუთი ფეხბურთელი, რომლებიც ამჟამად საჯარიმოებს ყველაზე კარგად ასრულებენ.
„ვესტ ჰემი“ პაიეში თოთხმეტ მილიონს იხდის
„ვესტ ჰემმა“ „მარსელის“ ხელმძღვნალეობას ნახევარმცველ დიმიტრი პაიეს ტრანსფერთან დაკავშირებით უკეთესი წინადადებით მიმართა.
ლონდონური კლუბი შუახაზელის სანაცვლოდ 14 მილიონი ფუნტის გადასახდელად მზად არის.
შეგახსენებთ, რომ აქამდე ფრანგულმა კლუბმა ინგლისელები უარით გაისტუმრა, როდესაც მათ პაიეში 12 მილიონი ფუნტის გადახდა ისურვეს.