ჭდე: Harry Kane

“ტოტენჰემ ჰოთსპურის” თავდამსხმელმა ჰარი კეინმა ინგლისის პრემიერლიგაში მნიშვნელოვანი შედეგი დაამყარა.

“დეზების” ფორვარდს ზედიზედ სამი სეზონია მინიმუმ 20 გოლი გააქვს, რაც პრემიერლიგაში მანამდე მხოლოდ სამმა ფეხბურთელმა შეძლო: ალან შირერმა, ტიერი ანრიმ და რუდ ვან ნისტელროიმ.

ჰარი კეინს ამ შედეგის მისაღწევად მხოლოდ სამი სეზონი დასჭირდა, როცა ინგლისის ნაკრების გამოცდილმა ფორვარდმა უეინ რუნიმ 13 წლის განმავლობაში 20 გოლზე მეტი პრემიერლიგის მხოლოდ ორ გათამაშებაში გაიტანა.

“ტოტენჰემ ჰოთსპურის” თავდამსხმელმა ჰარი კეიონმა, შესაძლოა, მიმდინარე სეზონში ვეღარ ითამაშოს.

23 წლის ფეხბურთელი ინგლისის ფეხბურთის ასოციაციის თასის მეოთხედფინალურ ეტაპზე “მილუოლის” წინააღმდეგ გამართულ მატჩში (6:0) დაშავდა და მე-10 წუთზე მოედანი დატოვა. “გარდიანის” ინფორმაციით, ინგლისელმა თავდამსხმელმა ტერფის ტრავმის გამო შესაძლოა, სეზონის დარჩენილი ნაწილი გამოტოვოს.

“კეინმა ტერფი “სანდერლენდთან” გამართულ შეხვედრაშიც დაიშავა. ხვალ ის სამედიცინო გამოკვლევას ჩაიტარებს და უფრო ზუსტი ინფორმაცია გვექნება.

კეინი ჩვენთვის უმნიშვნელოვანესი ფეხბურთელია, მაგრამ თუ ამ სეზონში დასახულ მიზანს ვერ მივაღწევთ, მისი ტრავმით თავის მართლებას არ დავიწყებთ”, – განაცხადა “ტოტენჰემის” მთავარმა მწვრთნელმა მაურისიო პოჩეტინომ.

ჰარი კეინმა პრემიერლიგის მიმდინარე გათამაშებაში 19 გოლი გაიტანა და ტურნირის საუკეთესო ბომბარდირია.

იხილეთ ვიდეო

ინგლისის პრემიერლიგის 36-ე ტურში ლონდონის “ჩელსისა” და “ტოტენჰემ ჰოთსპურს” შორის გამართული შეხვედრა ფრედ, ანგარიშით 2:2 დასრულდა.

მატჩში ანგარიში “დეზების” შემტევმა ჰარი კეინმა 35-ე წუთზე გახსნა. ეს ინგლისელი ფეხბურთელისთვის ამ სეზონში გატანილი 25-ე ბურთი გახლავთ.

აღსანიშნავია, რომ 1991-1992 წლების გათამაშების შემდეგ “ტოტენჰემის” არცერთ ფეხბურთელს სეზონში 25 გოლი არ გაუტანია. 1991-1992 წლებში 28 გოლის გატანა იმ დროს “ტოტენჰემის” თავდამსხმელმა გარი ლინეკერმა მოახერხა.

 

ინგლისის პრემიერლიგის 26-ე ტურში “ტოტენჰემ ჰოთსპურმა” გასვლაზე “მანჩესტერ სიტი” ანგარიშით 2:1 დაამარცხა. მატჩის შემდეგ ჟურნალისტებს თავისი შთაბეჭდილებები “დეზების” ერთ-ერთმა ლიდერმა ჰარი კეინმა გაუზიარა.

“რაჰიმ სტერლინგს ბურთი ხელზე მოხვდა, მაგრამ მსაჯი დარწმუნებული არ იყო, ეს საჯარიმოში მოხდა თუ მის მიღმა. ჩვენ, რა თქმა უნდა, თერთმეტმეტრიანს ვითხოვდით.
ჯო ჰარტმა ინგლისის ნაკრებიდან იცის, როგორ ვასრულებ პენალტებს, თუმცა, ამ შემთხვევაში, თავიდანვე ვიცოდი, საით დავარტყამდი.
ვიცით, რისი გამკეთებლებიც ვართ. “ტოტენჰემი” ამ დრომდე მონაწილეობს სამ ტურნირზე, რასაც ჩვენთვის დიდი მნიშვნელობა აქვს.
დარწმუნებული ვარ, რომ პრემიერლიგის ნებისმიერი გუნდის დამარცხება შეგვიძლია. დღეს თქვენ ეს დაინახეთ”, – ციტირებს კეინის სიტყვებს “ბიბისი”.

 

“ტოტენჰემ ჰოთსპურის” თავდამსხმელმა ჰარი კეინმა ინგლისის პრემიერლიგის მე-18 ტურში “ნორვიჩ სიტის” წინააღმდეგ გამართულ მატჩში (3:0) დუბლი გაიფორმა და საკლუბო რეკორდიც დაამყარა.

ეს კეინისთვის პრემიერლიგაში 2015 წელს გატანილი 27-ე გოლი გახლავთ, რაც კალენდარულ წელიწადში “ტოტენჰემის” ფეხბურთელის მიერ გატანილი გოლების რაოდენობით სარეკორდო შედეგია.

ცნობისთვის, წინა რეკორდი ტედი შერინგემს ეკუთვნოდა.