ცნობილმა გერმანელმა სპეციალისტმა ოტმარ ჰიტცფელდმა მადრიდის “რეალის” მთავარი მწვრთნელის პოსტზე ზინედინ ზიდანის დანიშვნის შესახებ კომენტარი გააკეთა. მისი თქმით, ფრანგი ასეთ კლუბში სამუშაოდ ჯერ არ არის მზად.
“ეს უაზრო, მეტიც – გიჟური გადაწყვეტილებაა. ზიდანს სამწვრთნელო გამოცდილება არ აქვს, მან მხოლოდ ფეხბურთელის ამპლუაში დააგროვა ცოდნა. ზიდანისთვის ეს საქმე ლატარიის თამაშის ტოლფასია”, – ჰიტცფელდის კომენტარი “ბლიკმა” გამოაქვეყნა.
მიუნხენის “ბაიერნის” ყოფილი მთავარი მწვრთნელი ოტმარ ჰიტცფელდი თვლის, რომ სეზონის ბოლოს კლუბის თავკაცის პოსტიდან ხოსეპ გვარდიოლას წასვლა გუნდისთვის არავითარ პრობლემას არ წარმოშობს, რადგან ესპანელი სპეციალისტი საქმეს არასწორად უდგება.
“გვარდიოლა მხოლოდ ტაქტიკაზე ფიქრობს. მას ტაქტიკა აქვს აჩემებული და მასზე ფიქრობს დღე და ღამე. რაც შეეხება ფეხბურთელებთან დამოკიდებულებას, მისთვის ეს მთავარი არ არის. იგი მოთამაშეებთან თითქმის არც ურთიერთობს. გვარდიოლა თვით პრესასთან კონტაქტსაც გაურბის.
ასე რომ, გუნდიდან პეპ გვარდიოლას წასვლა სულაც არ იქნება პრობლემა. რუმენიგემ სწორად თქვა, ერთი კაცის წასვლით მსოფლიო არ გადატრიალდებაო”, – ჰიტცფელდის კომენტარი “ბილდმა” გამოაქვეყნა.
შვეიცარიის ნაკრების მთავარი მწვრთნელის ოტმარ ჰიტცფელდის აზრით, განვლილი მსოფლიო ჩემპიონატის გამარჯვებული არამხოლოდ გერმანიის ნაკრები, არამედ ბუნდესლიგაც გახდა.
„თუ საუკეთესო ლიგაზე ვისაუბრებთ, მაშინ ბრაზილიაში ეს ბუნდესლიგა იყო. გერმანიის ჩემპიონატის არაერთმა წარმომადგენელმა განვლილ მუნდიალზე თავის გამოჩენა მოახერხა. მათ ინგლისისა და ესპანეთს ჩემპიონატებში მოთამაშე ფეხბურთელებსაც კი აჯობეს.
თანაც საუბარი არამხოლოდ გერმანელ ფეხბურთელებზე მაქვს. გავიხსენოთ თუნდაც რობენი. იგივეს ვან ბეიტენზე და შაკირიზე ვიტყოდი, რომლებიც თავიანთი ნაკრებისთვის მნიშვნელოვანი მოთამაშეები არიან. საერთოდ, „ბაიერნმა“ თავისი კლასი კიდევ ერთხელ გვიჩვენა, ყველაზე მეტი გოლი ბრაზილიაში სწორედ ამ გუნდის წარმომადგენლებმა გაიტანეს.
ლიოვის შეგირდებმა დამსახურებულად იმარჯვეს, გერმანიის ნაკრების დონის ფეხბურთი არავის უჩვენებია. ასეა თუ ისე, ბევრისთვის ეს პლანეტის პირველობის მოგების ბოლო შანსი იყო. ამ ბიჭებმა დაამტკიცეს, რომ ამისთვის მზად იყვნენ და მათი დროც დადგა“, – განაცხადა ჰიტცფელდმა.
შვეიცარიის ნაკრების თავკაცმა ოტმარ ჰიტცფელდმა ეკვადორთან ანგარიშით 2:1 მოგებული მატჩი შეაფასა.
„ჩემი გუნდით ვამაყობ. მსოფლიო ჩემპიონატის პირველ მატჩში ზეწოლა ძალიან დიდია.
ჩემს მოთამაშეებს ვუთხარი, რომ მოეთმინათ და ყველაფერი გაეკეთებინათ, რათა თამაშში დაბრუნებულიყვნენ.
თავდაჯერებულობისთვის ეს სამი ქულა ძალიან გვჭირდებოდა. პირველი ნაბიჯი გადადგმულია. რა თქმა უნდა, ეს მოგება ძალიან დაგვეხმარება“, – განაცხადა ჰიტცფელდმა.
ალექსანდრე მატევოსოვი
შვეიცარიის ნაკრების მთავარი მწვრთნელი ოტმარ ჰიტცფელდი უკმაყოფილოა იმ ფაქტით, რომ 2014 წლის მსოფლიოს ჩემპიონატის რამდენიმე მატჩი მანაუსში გაიმართება, რომელიც ტურნირის მასპინძელი სხვა ქალაქებისგან მოშორებით მდებარეობს. გერმანელი სპეციალისტის აზრით, ეს გუნდებს არათანაბარ მდგომარეობაში აყენებს. შვეიცარიის ნაკრები ჯგუფური ეტაპის ბოლო მატჩს, რომელშიც ჰონდურასის წინააღმდეგ ითამაშებს, სწორედ მანაუსში გამართავს.
„ბრაზილია ძალიან დიდი ქვეყანაა და იმისთვის, რომ სხვა ქალაქიდან მანაუსში მოხვდე, ზოგჯერ ხუთი საათია საჭირო. ეს უპასუხისმგებლო გადაწყვეტილებაა. ვიღაცებს პრაქტიკულად ამაზონის ჯუნგლების გულში მოუწევთ თამაში“, – განაცხადა ჰიტცფელდმა SWR1-ისთვის მიცემულ ინტერვიუში.
მანაუსში შედგება ტურნირის ოთხი მატჩი:
ინგლისი—იტალია (15 ივნისი);
კამერუნი—ხორვატია (18 ივნისი);
აშშ-პორტუგალია (22 ივნისი);
ჰონდურასი—შვეიცარია (26 ივნისი).
2014 წლის მუნდიალის სრული კალენდარი
ბექა დოგრაშვილი
