ჭდე: რიად მარეზი

ბრიტანული “ლესტერ სიტის” ალჟირელი ლიდერი, რიად მარეზი გუნდიდან კლაუდიო რანიერის წასვლას გამოეხმაურა, რომელმაც გასულ სეზონში შეუძლებელი შეძლო და “მელიებს” პრემიერ ლიგა მოაგებინა.

“რანიერი დიდებული ადამიანია, მისი დახმარებითაც ახალი ისტორია დავწერეთ.

მე მას უდიდეს პატივს ვცემ. ის საჭირო დროს ყოველთვის ჩემთან იყო, ყოველთვის იმას მაძლევდა, რაც მჭირდებოდა.

ჩემი პირველივე დღიდან გჯეროდა, რისთვისაც დიდი მადლობელი ვარ. მადლობას გიხდი ყველაფრისთვის, რაც ჩვენთვის გააკეთე. წარმატებებს გისურვებ, ღმერთმა დაგლოცოს,” – ვკითხულობთ მარეზის მიერ გამოქვეყნებულ გზავნილში.

როგორც იცით, მარეზს, რომელმაც 56-ე წუთზე ულამაზესი გოლი გაიტანა და გუნდი 5 ქულით დააშორა უახლოეს მდევრებს, მოედნის დატოვება მატჩის დასრულებამდე 5 წუთით ადრე მოუწია. მიზეზად მუხლის ქვედა მყესის დაზიანება დაასახელეს.

თუმცა, “ლესტერ სიტის” მთავარი მწვრთნელი, კლაუდიო რანიერი აცხადებს, რომ საქმე ტრავმასთან არ გვაქვს და ის უბრალოდ დასვენების მიზნით შეცვალა.

“საქმე ტრავმასთან ნამდვილად არ გვაქვს, მან მხოლოდ მცირე ტკივილი იგრძნო. უბრალოდ მისი დასვენება გადავწყვიტე. მე ის ბოლო წუთებამდე არ შევცვალე, რათა ნახევარდაცვა უფრო ძლიერი ყოფილიყო.”

აქვე გეტყვით იმასაც, რომ პრემიერ ლიგის სატურნირო ცხრილის სათავეში მყოფი “ლესტერი” მომდევნო მატჩს შინ, “ნიუკასლ იუნაიტედის” წინააღმდეგ გამართავს 14-ში.

“ლესტერ სიტის” მთავარმა მწვრთნელმა, კლაუდიო რანიერიმ ყველასათვის ნათელი გახადა ის ფაქტი, რომ რიად მარეზს კლუბში არავის აკავებს და რომ მას ნებისმიერ დროს შეუძლია სხვა კლუბში გადაბარგება.

“ბუნებრივია, რომ ყველა ფეხბურთელის შენარჩუნება გვსურს. ჩვენ რიადის გვჯერა, თუმცა თუკი ის გადაწყვეტს, რომ წასვლა უნდა და მეტყვის: ‘ბოს, ძალიან მინდა იქ წასვლა’ მე მას გავუშვებ და წარმატებებს ვუსურვებ.

პირველ რიგში მინდა ის, რომ თითოეული ის ფეხბურთელი, რომელიც ჩვენს რიგებში ირიცხება ბედნიერი იყოს. ადრე თუ გვიან ჩვენც გავიზრდებით, როგორც კლუბი და გავხდებით უფრო დიდი. რა თქმა უნდა არა ისეთი, როგორიც “რეალი” და “ბარსელონაა”.

მე რომ რიადი ვყოფილიყავი, ჩემს თავს ვეტყოდი: ‘ ჩემი გადაბირება ძალიან ბევრს სურს, ამიტომაც მე მათ უკეთესი თამაში უნდა ვაჩვენო, რათა ჩემით დაინტერესდნენ.’