დღეს აშშ-ში, ამხანაგურ შეხვედრაში ერთმანეთს კატალონიის “ბარსელონა” და “მანჩესტერ იუნაიტედი” დაუპირისპირდნენ. საკმაოდ დაძაბულ შეხვედრაში ერთადერთი გოლის გატანა 31-ე წუთზე ნეიმარმა მოახერხა და “ბლაგურნას” მოაგებინა.
მატჩის ოპერატორებმა შეხვედრის წინ საინტერესო კადრები დააფიქსირეს: როგრო შეხვდნენ მოურინიო და ინგლისური კლუბის ფეხბურთელები “ბარსას” მოთამაშეებს:
“მანჩესტერ იუნაიტედი” ვიდალზე გადაერთო
“მანჩესტერ იუნაიტედის” ხელმძღვანელებმა ყურადღება მიუნხენის “ბაიერნის” ჩილელ ნახევარმცველზე, არტურო ვიდალზე გადაიტანეს. ამ ინფორმაციას Daily Star ადასტურებს.
როგორც იცით, “წითელი ეშმაკები” აქამდე ნემანია მატიჩისა და ერიკ დაიერის ტრანსფერებზე მუშაობდნენ, თუმცა ახლა მათი ერთადერთი იმედი არტურო ვიდალია, რომლითაც “ინტერიცაა” დაინტერესებული.
ვასკესი პრემიერ ლიგის გუნდებსაც მოუნდათ
“ლივერპულისა” და “არსენალის” ხელმძღვანელები მადრიდის “რეალის” ახალგაზრდა ვარსკვლავის, ლუკას ვასკესის გარშემო არსებულ სიტუაციას აკვირდებიან.
Diario Madridista-ს ცნობით, “სანტიაგო ბერნაბეუს” დატოვება თავად ესპანელი ფეხბურთელის სურვილია, მისი ტრანსფერით კი “რომაცაა” დაინტერესებული.
“ბარსელონა” ნეიმარს დიბალათი შეცვლის
ნეიმარის “ბარსელონადან” “პარი სენ-ჟერმენში” გადასვლის შემთხვევაში, კატალონიელები მზად არიან ყველაფერი გააკეთონ პაულო დიბალას ტრანსფერის განსახორციელებლად.
Mundo Deportivo-ს ცნობით, ნეიმარის ტრანსფერიდან შემოსული 222 მილიონი ევროთი “ლურჯ-ბროწეულისფრები” მზად არიან 120 მილიონად შეფასებული არგენტინელი ვარსვკლავის გამოსასყიდი თანხა გადაიხადონ.
“რეალი” რეშფორდის დამატებას გეგმავს
მადრიდის “რეალის” ხელმძღვანელებმა, რომლებიც ჯერაც ვერ ახერხებენ მბაპეს გულის მოგებას, გადაწყვიტეს ყურადღება მარკუს რეშფორდისთვისაც მიექციათ.
Diario Gol-ის ცნობით, მარკუს რეშფორდთან ერთად, მადრიდსი მორატას პოტენციურ შემცვლელად პიერ-ემერიკ ობამეიანგსა და ტიმო ვერნერს მოისაზრებენ.
“კეიტას ტრანსფერის თაობაზე წინადადებები მივიღეთ”
რომის “ლაციოს” პრეზიდენტი, კლაუდიო ლოტიტო ადასტურებს ინფორმაციას, რომლის მიხედვითაც, კლუბმა კეიტა ბალდეს ტრანსფერის თაობაზე რამდენიმე შეთავაზება უკვე მიიღო.
“ინტერისა” და “იუვენტუსისგან” წინადადება ჯერ არ მიგვიღია, მაგრამ არის რამდენიმე შეთავაზება უცხოეთიდან. თუ კეიტას წასვლა უნდა, მას გავუშვებთ, ოღონდ ამისთვის შესაბამისი წინადადება უნდა მივიღოთ,” – აცხადებს ლოტიტო.
შაკირას უნდა, რომ პიკემ “ბარსა” დატოვოს
ჟერარდ პიკე შაკირასაგან ზეწოლას განიცდის, რამდენადაც ამ უკანასკნელს ბარსელონას დატოვება აქვს განზრახული. ესპანური პრესის ცნობით, შაკირას ესპანელი გულშემატკივრების მომაბეზრებელი ქცევები მობეზრდა და ქმარს ლონდონში გადასვლას სთხოვს. (Don Balon)
“მარსელი” პაიეს ტრანსფერს ათანხმებს
როგორც იცით, ახლახან დადასტურდა ინფორმაცია, რომ დიმიტრი პაიე “ვესტ ჰემის” დატოვებას აპირებს. დღეს კი უკვე ცნობილი ხდება, რომ ფრანგ შემტევთან მოლაპარაკებებს “მარსელის” წარმომადგენლები აწარმოებენ, თანაც საკმაოდ წარმატებულად. (Sky Sports)
ოფიციალურად: სიმონე ძაძა ლა ლიგაში ითამაშებს
ესპანური “ვალენსიას” ხელმძღვანელებმა სიმონე ძაძას ტრანსფერი განახორციელეს, რომელიც ამ დროისთვის ტურინის “იუვენტუსის” კუთვნილებად ითვლება. იტალიელი ფორვარდი “ღამურების” რიგებში სეზონის ბოლომდე ითამაშებს. სეზონის ბოლოს, სურვილის შემთხვევაში, ესპანურ კლუბს მისი გამოსყიდვის უფლება ექნება.
????@SimoneZaza, new player of @valenciacf #WelcomeZaza ???? https://t.co/xVgtaq1yZC pic.twitter.com/oCM8OqwiWl
— Valencia CF English (@valenciacf_en) January 15, 2017
მოურინიოს მატიჩის გადაბირება უნდა
“მანჩესტერ იუნაიტედის” მთავარ მწვრთნელს, ჟოზე მოურინიოს ნემანია მატიჩთან მუშაობის პროცესი მოენატრა. მართალია, ნაკლებად რეალურია შანსები იმისა, რომ “ჩელსიმ” მატიჩი ზამთარში გაუშვას, თუმცა, პორტუგალიელი სპეციალისტი იმედოვნებს, რომ ნემანია მის გუნდს ზაფხულში შეუერთდება.
აბრამოვიჩი კოშტას გაყიდვის წინააღმდეგია
როგორც ინგლისური გავლენიანი გამოცემა, Daily Mail იუწყება, ლონდონის “ჩელსის” მფლობელი, რომან აბრამოვიჩი გუნდიდან დიეგო კოშტას გაშვებას არ აპირებს, რომელსაც “არისტოკრატთა” დამრიგებელთან, ანტონიო კონტესთან პრობლემები აქვს. შეგახსენებთ, რომ ესპანელი ფეხბურთელის გადაბირებით ჩინური კლუბები არიან დაინტერესებულნი.
“სევილიას” რეშფორდის არენდით აყვანა სურს
The Sun-ის მიერ გავრცელებული უახლესი ინფორმაციის თანახმად, “მანჩესტერ იუნაიტედის” ინგლისელი შემტევი, მარკუს რეშფორდი “სევილიას” ინტერესთა სფეროში მოექცა. როგორც ცნობილი ხდება, “დალაქები” მის არენდით აყვანას აპირებენ.
“ლივერპულის” ყოფილმა და “სელტიკის” ამჟამინდელმა თავკაცმა, ბრენდან როჯერსმა პრესასთან მარკუს რეშფორდსა და ინგლისური ფეხბურთის მთავარ პრობლემაზე ისაუბრა.
“ფული ფეხბურთელისთვის დიდებული რამ არის, მაგრამ ზოგჯერ ზედმეტი ფული ფეხბურთელის რეგრესის გამომწვევი მიზეზიც ხდება. როდესაც რეშფორდს ვუყურებ, რომელიც დიდი, ძალიან დიდი ნიჭის მქონე ფეხბურთელია და ამის ფონზე სათამაშო დროის მიღება უჭირს, ვრწმუნდები, რომ ზოგჯერ ფული შენს წინააღმდეგაც მოქმედებს.
პრემიერ ლიგაში ყოფნისაას, ჩემს დაქვემდებარებაში არსებულ ფეხბურთელთა 70 პროცენტს ლეგიონერები შეადგენდნენ. ინგლისში ძალიან ბევრს ნიშნავს ფაქტი, რომ გუნდში ადგილობრივი ვარსკვლავი გყავს, თუმცა მას სათამაშო დროს ვერ აძლევ.
ესპანეთში კი ყველაფერი სხვანაირადაა. ესპანეთიდან ფეხბურთელები საზღვარგარეთ გადიან, რითიც ახალგაზრდა ფეხბურთელებს მეტი შანსი ეძლევათ. იგივე სიტუაციაა გერმანიაშიც, გერმანელთა პროგრესი ბოლო ათწლეულში სწორედ ახალგაზრდა ფეხბურთელებზე აქცენტის გაკეთებამ გამოიწვია.”
მიუნხენის “ბაიერნისა” და პორტუგალიის ეროვნული ნაკრების ვარსკვლავი, რენატო სანჩესი 2016 წლის ოქროს ბიჭუნად დაასახელეს. ინფორმაციას ამის შესახებ ამ ღონისძიების ორგანიზატორთა გაზეთი, Tuttosport ავრცელებს.
შეგახსენებთ, რომ ამ ყოველწლიურად გასცემენ წლის საუკეთესო ახალგაზრდა ფეხბურთელებზე. ახალგაზრდა პორტუგალიელი ფორვარდი აღნიშნულ ჯილდოს ორშაბათის ცერემონიალზე ჩაიბარებს, რომელიც მონტე კარლოში გაიმართება.
ამ ტიტულისთვის ბრძოლაში “ბაიერნის” ფეხბურთელმა “მანჩესტერ იუნაიტედის” ინგლისელი ფორვარდი, მარკუს რეშფორდი და “ბაიერნის” ფრანგი შემტევი, კინგსლი კომანი დაჯაბნა. აღსანიშნავია ისიც, რომ ათეულში “მილანის” იტალიელი მეკარე, ჯანლუიჯი დონარუმაც შევიდა.
აქვე გეტყვით იმასაც, რომ ეს ტიტული, რომლის მფლობლის ვინაობასაც მსოფლიოს ყველაზე პრესტიჟული ჟურნალ-გაზეთების 30 წარმომადგენელი ირჩევს, გასულ წელს “მანჩესტერის” შემტევს, ანტონი მარსიალს გადასცეს.
ეს პრიზი ასევე მოგებული აქვთ: უეინ რუნის, მარიო ბალოტელის, სერხიო აგუეროსა და პოლ პოგბას.
პრემიერ ლიგაში მოთამაშე ფეხბურთელების მაისურებიდან ყველაზე პოპულარული “მანჩესტერის” 89 მილიონიანი შენაძენის, პოლ პოგბას მაისურია, რომელმაც გაყიდვების რაოდენობით თვით ზლატანსაც გადაასწრო.
აღსანიშნავია ისიც, რომ ამ კუთხით შედგენილ ტოპ-10-ში მოხვდა პოლ პოგბას თანაგუნდელიც, მარკუს რეშფორდიც, დავიდ დე ხეასა და ზლატანთან ერთად. საბოლოო ჯამში, ამ სიაში ყველაზე მეტი წარმომადგენელი სწორედ “მანჩესტერს” ჰყავს.
ათეულში მოხვდნენ ლონდონური “არსენალის” ლიდერები, ალექსის სანჩესი და მესუტ იოზილიც. “ლივერპულის” ბრაზილიელი ნახევარმცველი, ფილიპე კოუტინიო კი მეხუთე ადგილს იკავებს.
სიაში ასევე მოხვდნენ: დავიდ დე ხეა, სადიო მანე, ედენ აზარი და დიმიტრი პაიეტი.
გუშინ პრემიერ ლიგის მეხუთე ტურში ერთმანეთს “უოტფორდი” და “მანჩესტერ იუნაიტედი” დაუპირისპირდნენ. შეხვედრის ფავორიტები, რა თქმა უნდა, “წითელი ეშმაკები” იყვნენ, რომლებსაც ამ მეტოქესთან 30 წელი არ ჰქონდათ წაგებული. ამას რომ თავი დავანებოთ, მოურინიოს შეგირდებმა წინა ტურში მანჩესტერული დერბი დათმეს და ახლა მოგება ჰაერივით სჭირდებოდათ. მიუხედავად ამ ყველაფრისა, კლუბმა საშინელი თამაში აჩვენა და “უოტფორდთან”, ანგარიშით, 1-3 დამარცხდა.
ამ თამაშში ძალიან ბერვი რამ გამოიკვეთა. Fanebi.Com-ი გთავაზობთ იმ ხუთი მთავარი საკითხის განხილვას, რაც “უოტფორდისა” და “მანჩესტერ იუნაიტედის” დაპირისპირებიდან ვისწავლეთ.
1. “იუნაიტედს” უკანა ხაზში დიდი პრობლემები აქვს.
ფოტო, რომელიც დე ხეას და კრის სმოლინგის შეუთანხმებელ მოქემდებას ასახავს. ამ მომენტში ორმა თანაგუნდელმა ერთმანეთს შეუშალა ხელი, რამაც “მანჩესტერის” კართან სიტუაცია ძალიან დაძაბა.
უნდა აღინიშნოს, რომ ეს სმოლინგის პირველი შეხვედრა იყო ამ სეზონში. შარშანდლისგან განსხვავებით, ინგლისელი ნამდვილად არაა სათანადო ფორმაში. ეს ჟოზე მოურინიოს დამატებით სადარდელს უჩენს: ვინდა დააყენოს დაცვის ცენტრში ბაილთან ერთად? ბლინდი? ჰოლანდიელი ნამდვილად არაა ცენტრალური მცველი და არ გააჩნია ყველა ის საჭირო და ძირითადი თვისება, რომელიც მეკარის წინ მოთამაშე ფეხბურთელს უნდა ჰქონდეს. კრისი კი, როგორც ვთქვით, ჯერ არაა ფორმაში.
ვნახოთ, როგორი დაცვით ითამაშებს სეუ ჟოზე მომდევნო შეხვედრებში.
2. “უოტფორდი” ახალ სეზონში განსხვავებული მიზნისთვის იბრძოლებს.
მეხუთე ტურის შეხვედრაში ნამდვილად გამოჩნდა, რომ “უოტფორდს” ბოლო პერდიოდის ყველაზე კარგი შემადგენლობა ახლა ჰყავს. ესაა ძალიან დაბალანსებული და შეკრული კოლექტივი, რომელსაც ბევრი თვისებით “ლესტერ სიტისაც” კი შევადარებთ.
პირველ რიგში, უნდა დავიწყოთ ეტენ კაპუთი, რომელმაც გუშინ “წითელი ეშმაკების” კარის ბადე შეარხია და მისი გუნდი დააწინაურა. ფრანგი ნახევარმცველი “უოტფორდის” დირიჟორია, სწორედ ის იწყებს სახიფათო შეტევებს. მოკლედ, ახლა კაპუ ნამდვილად განსხვავდება იმ მოთამაშისგან, რომელიც შარშან “ტოტენჰემში” იყო.
“უოტფორდის” დამრტყმელ ძალას წარმოადგენს დუეტი, რომელიც ტროი დინისა და ოდიონ იგალოსგან შედგება. ამ უკანასკნელმა გუშინ “მანჩესტერს” მეორე ლურსმანი ჭაარჭო 24-ე წუთზე. რაც შეეხება დინის, იგი 7 წელია ამ გუნდში თამაშობს და ყოველთვის პროდუქტიულია.
არ უნდა დაგვავიწყდეს დაცვის ბურჯი, პრიოდლი, რომელიც ნამდვილად საიმედო უკანახაზელია. ასევე, სუნიგა, რომელმაც გუშინ მატჩის მიწურულს გაიტანა, ბოლო ჭანჭიკი გამოაძრო მოურინიოს მანქანას და წერტილი დაუსვა ყველაფერს.
3. “მანჩესტერის” ეს ნახევარდაცვა არ მუშაობს!
შეხვედრის შემდეგ პოლ სქოულზმა პოლ პოგბა გააკრიტიკა და თქვა, რომ დავალებულ საქმეს იგი ნამდვილად ვერ უმკლავდება. ფრანგს ბევრი კრიტიკოსი ჰყავს. მან 5 შეხვედრაში, რომელიც “წითელი ეშმაკების” რიგებში ჩაატარა, ვერცერთი გოლი გაიტანა და ვერცერთი ასისტი მიიწერა ანგარიშზე. იგი ძალიან გვაგონებს იმ ფელაინის, რომელიც “ევერტონში” გუნდის ლიდერი იყო, შემდეგ “მანჩესტერში” გადავიდა და პირველ სეზონში მოედნის ცენტრში ხესავით იდგა. თუმცა, არ უნდა დაგვავიწყდეს, რომ მაშინ ბელგიელი 32.4 მილიონ ევროდ იყიდეს ინგლისელებმა. პოგბაში კი 3-ჯერ (და კიდევ უფრო მეტი) თანხაა გადახდილი. მას დროზე ესაჭიროება გონს მოსვლა.
რუნი? გუნდის ლიდერი? არაფერი ეტყობა, საერთოდ! გუნდის ლიდერმა მაშინ უნდა ივარგოს, როცა კოლექტივს ძალიან უჭირს წარმატების მიღწევა. მან ინდივიდუალური ოსტატობოს ხარჯზე უნდა შექმნას რაღაც და ამით დაეხმაროს თანაგუდნელებს. მაგრამ, რუნი ამ ყველაფრისგან გუშინ ძალიან შორს იყო. მას ბევრჯერ ჰქონდა ბურთი, თუმცა განსაკუთრებული ვერაფერი შექმნა.
მოკლედ, ტრიო: რუნი, ფელაინი, პოგბა – არ მუშაობს!
4. ლუის ვან გაალის გავლენა ისევ იგრძნობა!
ერთი თვის წინ ჟოზე მოურინიომ “მანჩესტერის” ფეხბურთელებზე თქვა: “მათ ტვინებში არის ისეთი რაღაცებიც, რაც ავტომატურად მუშაობს და რისი შეცვლაც ძალიან რთულია.” მისი ნათქვამი წაგებულ შევხედრებში ახდა.
ბოლო სამ წარუმატებელ მატჩში ნამდვილად იგრძნობა, რომ ზოგი ფეხბურთელი ისევ ჰოლანდიელი მწვრთნელის გუნდის სტილში თამაშობს. ეს ყველაფერი უარყოფითად მოქმედებს მთლიანად კოლექტივზე.
5. “მანჩესტერი” რასაც არ უნდა აკეთებდეს, რეშფორდს მუდამ სარგებელი მოაქვს
გუშინ მარკუსმა კიდევ ერთხელ გამოიჩინა თავი. ესაა თავხედი, აგრესიული და სწრაფი ახალგაზრდა, რომელსაც ნებისმიერ მომენტში შეუძლია რაღაც საინტერესოს შექმნას. იგი არ ერიდება ავტორიტეტებს და ნებისმიერი გუნდის კარის აღებაზეა დაგეშილი.
რეშფორდის ერთ-ერთი კარგი თვისება ისაა, რომ, რაც არ უნდა ცუდად თამაშობდეს “მანჩესტერი”, ინგლისელი მაინც მოწოდების სიმაღლეზეა და ცდილობს ინდივიდუალურად გააკეთოს სასარგებლო რამ.
იგი ძალიან განსხვავდება ანტონი მარსიალისგან, რომელიც მარკუსზე გამოცდილი, თუმცა, უსარგებლოა.
“მანჩესტერ იუნაიტედის” ამომავალი ვარსკვლავი მარკუს რეშფორდია, რომელმაც 18 წლის ასაკში მთელი მოსფლიოს ყურადღება მიიპყრო.
უნიჭიერეს ახლაგაზრდას “წითელმა ეშმაკებმა” 2016 წლის მაისში გაუხანგრძლივეს კონტრაქტი 2021 წლამდე. ეს დოკუმენტი ითვალისწინებს მოთამაშისთვის ყოველ კვირაში 20 000 ფუნტის გადახდას.
როგორც Mirror-ი იტყობინება ამ პერსპექტიული თავდამსხმელით ევროპის გიგანტი კლუბები ინეტერესდებიან. “მანჩესტერი” ფრთხილობს, რომ მარკუსი არ დაკარგოს და, აქედან გამომდინარე, ახალ კონტრაქტს უმზადებს. როგორც ვარაუდობენ, ეს იქნება 4-5 წლიანი ხელშეკრულება გაცილებით მაღალი ანაზღაურებით.
ვნახოთ, როგორ განვითარდება მოვლენები.
მაშინ, როცა ოსკარი ფორმაში არ იმყოფება, ედენ აზარი კი კარგა ხანია, რაც ძებნაში იმყოფება, შესაძლოა, გუს ჰიდინკს კვლავ გაუჩნდეს ახალგაზრდების წინა პლანზე გამოჩენის სურვილი.
დღეს, ლონდონის “ჩელსიმ” კიდევ ერთხელ იზეიმა უეფას ახალგაზრდული ლიგის მოგება (ზედიზედ მეორედ), მას შემდეგ რაც ახალგაზრდა ლონდონელებმა “პარის სენ-ჟერმენის” დაამარცხეს. 2-1.
ჩამთრევ, სასიამოვნო მატჩში, რომელიც გაჯერებული იყო ბურთის ლამაზი ართმევებით, ჩაუთვლელი და გატანილი გოლებით, მონაწილეობდა ერთი ფეხბურთელი, რომელიც სხვებზე რამოდენიმე თავით მაღლა იდგა – ქეიზი პალმერი.
სწორედ პალმერი აკონტროლებდა ნახევარდაცვას, რაც ორთაბრძოლებში უსეცდომო თამაშით იყო გამოწვეული და სწორედ მან განახორციელა საბოლოო დარტყმა – 61-ე წუთზე მისი ბრწყინვალე რეიდი შესაბამისი შედეგით დაბოლოვდა.
მოკლედ რომ ვთქვათ, ქეიზიმ გააკეთა ის, რასაც ოსკარი ვერ აკეთებს. ნამდვილად უსამართლო იქნება, თუ ვიტყვით, რომ პალმერი რაიმეთი ჩამორჩება მარკუს რეშფორდს, კამერონ ბორთვიკ-ჯექსონს ან ტიმოთი ფოსუ-მენსაჰს. მას უბრალოდ შანსი ესაჭიროება.
