ბარტოშ კაპუსტკამ 2016 წელს ევროპის ჩემპიონატზე თავისი კარგი თამაშით მიიპყრო ყურადღება. “ლესტერ სიტიში” გადასვლის შემდეგ კი, პოლონელი უფრო ხშირად თავისი შეყვარებული გამო ექცევა ყურადღების ეპიცენტრში.
იხილეთ კლაუდია ადამჩიკის ფოტოები.
ჭდე: კაპუსტკა
დღის მთავარი სატრანსფერო ამბები (24 ივლისი)
თურანი წასასვლელად ემზადება …
არდა თურანს საკუთარ გუნდში გადმოსასვლელად ეპატიჟება “მილანის” ახალი თავკაცი, ვინსენო მოტელა. ამ ინფორმაციას Gazzella World ავრცელებს. “როსონერი” მზადაა, თურქი ნახევარმცველის სანაცვლოდ 22 მილიონი ევრო გადაიხადოს.
ბონი “სუონსის” დაუბრუნდება?
Daily Express-ის მიერ მოპოვებული ექსკლუზიური ინფორმაციის თანახმად, უელსური “სუონსის” ხელმძღვანელები კლუბში უილფრედ ბონის დაბრუნებას აპირებენ, რომელიც ამჟამად “მანჩესტერ სიტის” რიგებში ირიცხება. თუმცა, გვიდოლინის გუნდ ამ საკითხში კონკურენციას რონალდ კუმანის “ევერტონი” უწევს.
კოლო ტურე კარიერას “სელტიკში” გააგრძელებს
“ლივერპულის” ცენტრალური მცველი კოლო ტურე კარიერას შოტლანდიაში აგრძელებს. კერძოდ, კოტ დივუარელი ფეხბურთელი გლაზგოს “სელტიკს” შეუერთდა. მხარეებს შორის ერთწლიან შრომითი ხელშეკრულებას მოეწერა ხელი. კონტრაქტის სხვა დეტალები არ ხმაურდება. ფეხბურთელი “სელტიკში” 2-ნომრიანი მაისურით ითამაშებს.
ჩირო იმობილე რომში იმყოფება
“სევილიას” შემტევი, ჩირო იმობილე კიდევ უფრო უახლოვდება რომაულ “ლაციოს”. იტალიაში გავრცელებული ცნობების თანახმად, იტალიური კლუბი მზადაა “სევილიას” 9 მილიონი ევრო გადაუხადოს.
???? Ciro Immobile arriving for tomorrow's medical with Lazio, ahead of a £7.5m move from Sevilla. pic.twitter.com/GEiExwKsBg
— Arsène's Son (@hughwizzy) July 24, 2016
ვატცკე: “ბორუსია” ახალწვეულებს არ ელის”
როგორც ჩანს, “ვესტფალენშტადიონის” გასახდელი ბოლომდე დაკომპლექტდა. გერმანლი გრანდის შეფი, ჰანს-იოაჰიმ ვატცკე
ირწმუნება, რომ კლუბი მეტ ტრანსფერს აღარ განახორციელებს – “ამ მომენტში, ისედაც ბევრი ფეხბურთელი გვყავს.”
მაჰრეზის მაისური “ჩელსის” მაღაზიაში?
მართალია, ალჟირელ ნახევარმცველს “არსენალში” უწინასწარმეტყველებენ გადასვლას, თუმცა შესაძლოა მოვლენები სულ სხვაგვარად განვითრდეს – “ჩელსის” გულშემატკივრები ირწმუნებიან, რომ კლუბის ონლაინ-მაღაზიაში რიად მაჰრეზის 7 ნომრიანი მაისური გამოჩნდა.
ამის ერთადერთი სამხილი არსებობს:
WTF?! Just seen this on @adidasUK.@addictedtoCFC @Chelsea_HQ @CarefreeDaily @Mourinholic @CalcioChelsea ???? pic.twitter.com/T845rd4g3Z
— Chelseaolic (@Chelseaolic) July 23, 2016
კაპუსტკა “ლესტერს” კიდევ უფრო უახლოვდება
ძალიან ბევრი დაიწერა იმ ფეხბურთელების შესახებ, რომელმაც შესაძლოა, “ლესტერი” დატოვონ. რაც “ლესტერშილელთა” ნერვულ სისტემაზე უარყოფითად მოქმედებს. თუმცა, არის ერთი სასიამოვნო სიახლეც – Daily Mail-ის ცნობით, ინგლისის ჩემპიონები ძალიან ახლოს არიან პოლონელი ბარტოს კაპუსტკას გადაბირებასთან. ეს ტრანსფერი სავარაუდოდ 6.25 მილიონი ევრო დაუჯდებათ “მელიებს”.
დღის მთავარი სატრანსფერო ამბები (23 ივლისი)
“სევილიას” გიორგი აბურჯანიას შეძენა სურს
დიდი ალბათობით, ახალგაზრდა ნახევამრცველი, გიორგი აბურჯანია “ხიმნასტიკს” მალე დატოვებს. ესპანური პორტალი l’esportiu de catalunya იტყობინება, რომ ქართველი ფეხბურთელის შეძენა “სევილიას” სურს.გავრცელებული ინფორმაციის თანახმად, კლუბებს შორის მოლაპარაკებები მალე დასრულდება, ხოლო “ხიმნასტიკი” ტრანსფერით დიდ სარგებელს მიიღებს.
მოლაპარაკებები ზაფხულის ორ უდიდეს ტრანსფერზე წინ მიიწევს !
პოლ პოგბა კიდევ ერთი ნაბიჯით მიუახლოვდა “მანჩესტერ იუნაიტედს”, მას შემდეგ, რაც “ნაპოლიმ” ოფიციალურად დაადასტურა, რომ იგუაინი “იუვენტუსში” გადავიდოდა. არგენტინელი ფორვარდი წელიწადში 7 მილიონ ევროს მიიღებს.
კაპუსტკა მაჰრეზის ნაცვლად?
რიად მაჰრეზს კვლავ აკავშირებენ “არსენალში” გადასვლასთან – დღეს გავრცელდა ინფორმაცია, რომ “მეთოფეთა” ხელმძღვანელობამ “მელიებთან” მისი გამოსასყიდი თანხა შეათანხმეს. საუბარია 50 მილიონ ევროზე.
ალჟირელი ფეხბურთელის ჩამნაცვლებლად კი პოლონელი ბარტოშ კაპუსტკა მოისაზრება. 19 წლის ფეხბურთელის გადაბირებისათვის, ინგლისის ჩემპიონებს სულ რაღაც 6.5 მილიონი ფუნტის გადახდა მოუწევთ.
იგუაინს ბაკა ჩაანაცვლებს?
დღეს ოფიციალურად დადასტურდა, რომ “ნაპოლი” გონსალო იგუაინის “იუვენტუსისთვის” მიყიდვას აპირებს. ნეაპოლელებმა უკვე დაიწყეს არგენტინელი თავდამსხმელის შემცვლელის ძიება – Gazzetta dello Sport-ის ცნობით, “ნაპოლიმ” უკვე გაუგზავნა ოფიციალური შეთავაზება “მილანის” ხელმძღვანელობას კარლოს ბაკას ტრანსფერთან დაკავშირებით.
“სანდერლენდი” დევიდ მოიესს ჩააბარეს
დღეს, ოფიციალურად დადასტურდა, რომ “სანდერლენდში” ინგლისელი სემ ალარდაისის ადგილს დევიდ მოიესი დაიკავებს. აღნიშნულმა სპეციალისტმა 4 წლიან კონტრაქტს მოაწერა ხელი. შეგახსენებთ, რომ “დიდმა სემმა” ინგლისის ნაკრები ჩაიბარა.
პეპი სტოუნზის მოყვანას და კომპანის გაშვებას აპირებს
The Daily Star-ის მიერ გავრცელებული ინფორმაციის თანახმად, “მანჩესტერ სიტისა” და “ევერტონის” მოლაპარაკებები, ჯონ სტოუნზის ტრანსფერის თაობაზე წარმატებით მიმდინარეობს. იმ შემთხვევაში, თუ პეპ გვარდიოლა ჯონ სტოუნზს გადაიბირებს, მაშინ კლუბის დატოვება გუნდის კაპიტანს, ვინსენ კომპანის მოუწევს.
რონალდუს კონტრაქტის გახანგრძლივება სურს
კრიშტიანუ რონალდუ ადასტურებს ინტერესს მადრიდის “რეალთან” კონტრაქტის გახანგრძლივების თაობაზე: “ფლორენტინო პერეზს ტელეფონით უკვე ვესაუბრე, ხოლო როცა მადრიდში დავბრუნდები, ამ საკითხს აუცილებლად განვიხილავთ.”