ლონდონური “ჩელსის” ხელმძღვანელები ზაგრების “დინამოს” პორტუგალიელი მეკარის, ედუარდოს გადაბირებას აპირებენ. აღნიშნულ ინფორმაციას ხორვატთა მთავარი მწვრთნელი, ზლატკო კრანჩარი ადასტურებს.
ზაგრებელთა თავკაცის თქმით, 33 წლის მეკარე “სტემფორდ ბრიჯზე” მას შემდეგ გადაბარგდება, რაც “დინამო” ჩემპიონთა ლიგის პლეი-ოფის ეგიდით გასამართ მატჩში “ზალცბურგს” დაუპირისპირდება.
“ედუარდოსთვის დიდი პატივია კარიერის ისეთ კლუბში გაგრძელება, როგორიც “ჩელსია”. დიახ, ვფიქრობ, რომ ის კლუბს “ზალცბურგთან” გასამართი მატჩის შემდეგ დატოვებს.” – განაცხადა კრანჩარმა.
