დღეს შვეიცარიის სუპერ ლიგაში 31-ე ტურის მატჩები შედგა. ერთ-ერთ მათგანში “ლუცერნმა” “ციურიხი” მიიღო და მეტოქე ანგარიშით, 2-1 დაამარცხა.
საგულისხმოა, რომ მუხლის ტრავმის შემდეგ მოედანს დაუბრუნდა ქართველი ფეხბურთელი, ვალერიან გვილია. ნახევარმცველი მასპინძელთა შემადგენლობაში 81-ე წუთზე გამოჩნდა. მან ოლივე კუშტუდიო და სილვა შეცვალა.
ამ გამარჯვების შემდეგ “ლუცერნს” 46 ქულა აქვს და მესამე პოზიციაზეა. ის მომდევნო მატჩს 28 აპრილს, სტუმრად, “იანგ ბოიზის” წინააღმდეგ გამართავს.
დღეს ჩემპიონთა ლიგის მესამე საკვალიფიკაციო ეტაპის პირველი შეხვედრები გაიმართა.
ერთ-ერთ მატჩში სლავიას “პრაღა” ბორისოვის “ბატეს” დაუპირისპირდა. ამ უკანასკნელში თამაშობს ქართველი ფეხბურთელი, ვაკო გვილია. ჩვენი ნაკრების ნახევარცველს სათადარიგოთა სკამიდან მოუწია მთელი შეხვედრის ყურება.
მატჩი დაძაბული გამოდგა და ერთადერთი გოლი გავიდა. მისი ავტორი ჩეხური კლუბის გამოცდილი თავდამსხმელი, მილან შკოდა გახდა. მან მე-20 წუთზე თერთმეტმეტრიანის ნიშნულიდან მოახერხა გოლის გატანა.
აქვე გეტყვით, რომ მომდევნი მატჩი ორ აგვისტოს, უკვე ბორისოვში, “ბორისოვ არენაზე” თბილისის დროით 21:00 საათზე დაიწყება.
დღეს ჩემპიონთა ლიგის მეოთხედფინალში კატალონიის “ბარსელონა” სტუმრად ტურინის “იუვენტუსთან” განადგურდა (0:3). გოლები პაულო დიბალამ (2) და ჯორჯო კიელინიმ გაიტანეს.
როგორც აღმოჩნდა, საქართველოს ნაკრებისა და ბორისოვვის “ბატეს” ნახევარმცველი, ვაკო გვილია “იუვეს” ფანი ყოფილა. იგი იტალიელების გამარჯვების შესახებ სოციალურ ქსელში შემდეგ რამეს წერს: “Forza Juve!! მაგრამ წინ მეორე მატჩია!!”
“დინამო არენაზე” საქართველოსა და ლატვიის ეროვნულ ნაკრებთა შორის საერთაშორისო ამხანაგური მატჩი გაიმართა და მასპინძელთა გამარჯვებით, ანგარიშით 5:0 დასრულდა.
მატჩის შემდეგ, Fanebi.Com-თან ვაკო გვილიამ ისაუბრა: “ლამაზი თამაში ვაჩვენეთ, მთელი მატჩის განმავლობაში ვდომინირებდით და ეს გამარჯვებაც დავიმსახურეთ. ანგარიში ყველაფერზე მეტყველებს.
მჯერა, რომ ეს მუხტი შენარჩუნდება. ჩვენ ყველა თამაშზე მოსაგებად გავდივართ, მნიშვნელობა არ აქვს ვის ვეთამაშებით. წარმატების მისაღწევად კი გულშემატკივართა მხარდაჭერა აუცილებელი რამ არის, ჩვენ ეს ძალიან გვჭირდება.
პირველი ტაიმში ტრავმის გამო შემცვალეს, თუმცა ექიმებმა მითხრეს, რომ სერიოზული არაფერია. მუხლი ცოტათი მტკივა, მაგრამ არაფერია,” – აცხადებს ვაკო გვილია.
დღეს ბელარუსის ჩემპიონატის 23-ე ტურის შეხვედრები გაიმართა. ერთ-ერთ მატჩში ბორისოვის “ბატე” ნოვოპოლოცკის “ნაფტანს” დაუპირისპირდა და მეტოქე 4-1 გაანადგურა.
მე-9 წუთზე როდიონოვმა გახსნა ანგარიში. მეორე გოლი გამარჯვებულთა მხრიდან მე-19 წუთზე ქართველმა ლეგიონერმა, ვაკო გვილიამ გაიტანა. პირველ ტაიმში კიდევ ერთი გოლი გავიდა – როდიონოვმა დუბლი შეასრულა. მეორე ნახევარში 61-ე წუთზე ტეპლოვმა ერთი ბურთი გაქვითა. 90-ე წუთზე კი გორდეიჩუკმა ისევ სამამდე გაზარდა “ბატეს” უპირატესობა და მატჩს წერტილი დაუსვა.
დღეს ბელარუსის ჩემპიონატის 23-ე ტურის შეხვედრები გაიმართა.
ერთ-ერთ მატჩში ბორისოვის “ბატე” ნოვოპოლოცკის “ნაფტანს” დაუპირისპირდა და მეტოქე 4-1 გაანადგურა. მე-9-ზე როდიონოვმა გახსნა ანგარიში. მეორე გოლი გამარჯვებულთა მხრიდან მე-19 წუთზე ქართველმა ლეგიონერმა, ვაკო გვილიამ გაიტანა. პირველ ტაიმში კიდევ ერთი გოლი გავიდა – როდიონოვმა დუბლი შეასრულა. მეორე ნახევარში 61-ე წუთზე ტეპლოვმა ერთი ბურთი გაქვითა. 90-ე წუთზე კი გორდეიჩუკმა ისევ სამამდე გაზარდა “ბატეს” უპირატესობა და მატჩს წერტილი დაუსვა.
შეხვედრის შემდეგ 22 წლის ახალგაზრდა ქართველმა ჟურნალისტებთან საინტერესოდ ისაუბრა.
“წელს “ბატეს” ნოვოპოლოცკელებთან გამარჯვება არ ჰქონდა მოპოვებული. მწვრთნელებმა შეხვედრის წინ განსაკუთრებული მობილიზება გაგვიკეთეს, რათა ამჯერად სასურველ შედეგს მიგვეღწია. საბედნიეროდ, უსიამოვნო სერია შეწყდა და “ნაფტანი” დავამარცხეთ.”
“ამ მატჩის წარმატების საიდუმლო ის იყო, რომ პირველივე წუთიდან აქტიურად დავიწყეთ თამაში. ვცდილობდით, თავიდანვე აგრესიულად და სწრაფად გვეთამაშა. ამან შედეგი გამოიღო და სწრაფი გოლიც გავიტანეთ. ზოგადად, პირველი ტაიმი ძალიან მაღალ დონეზე ჩავატარეთ.”
“დღეს ჩემი ოჯახისთვის განსაკუთრებული დღე იყო. მამა იუბილარია და ისინი ბელარუსში ჩამოვიდნენ, რათა ჩემთვის ტრიბუნებიდან ეცქირათ. გოლი გავიტანე და იგი იუბილარ მამას მივუძღვენი! ორმაგად გახარებული ვარ!”
“რომ შემცვალეს? არანაირი პრობლემა ჯანმრთელობაზე! მწვრთნელმა ეს გადაწყვეტილება იმიტომ მიიიღო, რომ მე დამესვენა და ჰლებს მისცემოდა დრო. “ბატეში” ძალაინ ბევრი კარგი მოთამაშეა და ყველას სჭირდება პრაქტიკა,” – განაცხადა ქართველმა სპორტსმენმა.
დღეს საქართველოს ნაკრების მთავარმა მწვრთნელმა, ვლადიმერ ვაისმა მსოფლიოს საკვალიფიკაციო ეტაპის მომდევნო ორი შეხვედრისთვის გაფართოებული შემადგენლობა დაასახელა. საგულისხმოა, რომ 26 სპორტსმენს შორის ერთი დებიუტანტი – ვაკო გვილიაა.
ვაკო პოზიციით საყრდენი ნახევარმცველია. გამომდინარე იქედან, რომ მისი ოჯახი 6 წლის წინ უკრაინაში გადავიდა საცხოვრებლად, გვილიას პირველი გუნდი ზაპოროჟიეს “მეტალურგი” (უკრაინა) იყო. იგი ამ კლუბში სამი წლის მანძილზე – 2012-2015 წლებში ასპარეზობდა. წარმატებული თამაშის შემდეგ ქართველი სპორტსმენი ბელარუსის დედაქალაქის კლუბ “მინსკში” 2016 წლის იანვარში გადავიდა. მან ზაფხულამდე 19 თამაში ჩაატარა და 4 გოლიც გაიტანა. დრომაც არ დააყოვნა და გასულ ივლისში გვილია ბელარუსის ყველაზე წარმატებული კლუბის, “ბატეს” წევრი გახდა. 22 წლის სპორტსმენმა ჯერ მხოლოდ ათი თამაშის ჩატარება მოასწრო და 3 გოლიც გაიტანა!
აქვე გეტყვით, რომ საყრდენმა უკრაინის ახალგაზრდულ ნაკრებში 4 შეხვედრა ჩაატარა. 2015 წელს საქართველოს მოქალაქეობის დაბრუნების შემდეგ, ჩვენი ქვეყნის 21 წლამდელთა გუნდში სამი ამხანაგური შეხვედრა ჩაატარა.
შეგახსენებთ, რომ ჩვენი ეროვნული გუნდი მსოფლიოს ჩემპიონატის საკვალიფიკაციო ეტაპის ორ შეხვედრას 6 და 9 ოქტომბერს ირლანდიისა და უელსის ნაკრებების წინააღმდეგ გამართავს.
ბელარუსულ “ბატეში” ქართველი მოთამაშე, ვაკო გვილია გამოდის. იგი ამ კლუბში გასულ ზაფხულზე გადავიდა. ჩვენი სპორტსმენის გუნდი ევროპის ლიგის პლე-ოფიდან გამოვარდა , თუმცა ქვეყნის ჩემპიონატში ძალიან კარგად აქვს საქმე. “ბატემ” 22-ე ტურის შეხვედრა “ნემან გროდნოსთან”, ანგარიშით, 4-0 მოიგო და ამჟამად 54 ქულით პირველ ადგილზეა. ბელარუსული კლუბი მეორე ადგილოსანს 15 ქულით უსწრებს.
Fanebi.Com-ი დაუკავშრდა ვაკოს და მასთან ინტერვიუ ჩაწერა.
– “ნემან გროდნოსთან” პრემიერ ლიგის ბოლო ტურში 4-0 იმარჯვეთ. შეაფასეთ ეს შეხვედრა როგორც გუნდური, ასევე ინდივიდუალური თვალსაზრისით…
– თამაში ჩვენი უპირატესობით მიმდინარეობდა. მიუხედავად იმისა, რომ დიდი ანგარიშით გავიმარჯვეთ, კიდევ გვქონდა უხვად მომენტები. ბევრი შანსი ვერ გამოვიყენეთ. რაც შეეხება ჩემს ასპარეზობას… ამის შეფასება მწვრთნელის კომპეტენციაა. მე ვაანალიზებ საკუთარ თამაშს. გამომაქვს დასკვნა შეცდომებიდან და ვემზადები შემდეგი მატჩისთვის.
– “ბატეს” 22 ტურის შემდეგ 54 ქულა აქვს და მეორე ადგილოსანს 15 ქულით უსწრებს. ჩემპიონატის დასრულებამდე 8 ტურია. თქვენი აზრით, გუნდი უკვე ჩემპიონია?
– გეთანხმებით, 15 ქულა – ეს ძალიანდ დიდი უპირატესობაა, მაგრამ ეს იმას არ ნიშნავს, რომ ჩვენ გვაქვს მოდუნების უფლება. ეს დაუშვებელია! როცა უახლოეს მდევარ გუნდს თეორიული შანსიც კი არ ექნება, აი მაშინ იქნება “ბატე” ჩემპიონი!
– ევროპის ლიგის პლეიოფში “ასტანასთან” დამარცხდით ორი მატჩის ჯამში. შესაბამისად, წელს ევროპის ლიგაზე ვერ ითამაშებთ. პლეიოფში წარუმატებლობის მიზეზებზე რას გვეტყვი?
– რეალურად, პრობლემებმა ტავი ჩემპიონთა ლიგის მესამე საკვალიფიკაციო ეტაპზე იჩინა. მაშინ “დანდალკთან” დავმარცხდით. ვფიქრობ, ადგილი ჰქონდა ზემდეტად თავდაჯერებულობას და ცოტათი მოდუნებული იყო გუნდი.
ხოლო, როცა ევროპის ლიგის პლეი-ოფში გადავერთეთ, “ასტანასთან” გასვლაზე ორი გოლი გავუშვით ჩვენი შეცდომების გამო. სახლში გვქონდა შანსი, ვიგებდით, ანგარიშით, 1-0, მაგრამ როცა გაგვითანაბრეს, უკვე სასურველი შედეგის მიღწევა ძალიან რთული იყო.
– შეუძლია “ბატეს” მომავალში ძველებურად წარმატებულად ითამაშოს ევროტურნირებზე?
– რა თქმა უნდა, შეუძლია! შემდეგ საეზონში ჩვენ კონკრეტული მიზანი გვაქვს და ეს ჩემპიონთა ლიგაზე მოხვედრაა. აქედანვე ვიწყებთ მზადებას ყველა კუთხით. უფლის წყალობით, ყველაფერი კარგად იქნება!
