ჭდე: დორტმუნდის ბორუსია

დორტმუნდის “ბორუსიას” ხელმძღვანელები თანახმანი არიან გუნდის ერთ-ერთი ლიდერი, უსმან დემბელე “ბარსელონას” მიყიდონ, თუ კატალონიელები მის სანაცვლოდ 100 მილიონ ევროს გადაიხდიან.

Sport-ის ცნობით, მხარეებმა ტრანსფერის თითქმის ყველა დეტალი შეათანხმეს ბონუსების გარდა, რომელიც დემბელეს ახალ კონტრაქტში უნდა იქნეს გაწერილი.

როგორც ცნობილი ხდება, გერმანული კლუბი 30 მილიონ ევროს ითხოვს ბონუსის სახით, თუ დემბელე გარკვეული შედეგის დაფიქსირებას შეძლებს “კამპ ნოუზე”, რასაც “ბლაუგრანა” ძვირად მიიჩნევს.

გეტყვით იმასაც, რომ ნეიმარის წასვლის შემდეგ “ბარსელონამ” უკვე განახორციელა პირველი ტრანსფერი: ოფიციალურად: პაულინიო “ბარსელონას” ფეხბურთელია

დორტმუნდის “ბორუსიას” გარემარბმა, უსმან დემბელემ, რომელსაც “ბარსელონაში” ნეიმარის პოტენციურ შემცვლელად მოისაზრებენ, პრესასთან ესპანრი კლუბის ინტერესზე ისაუბრა.

“ბარსელონა” უდიდესი კლუბია და მსოფლიოს ყველა ფეხბურთელს სურს ისეთ კლუბში თამაში, როგორიც “ბარსელონაა”, აცხადებს დემბელე Gol-თან საუბრისას.

“ძალიან მსიამოვნებს, ჩემი ტრანსფერით “ბარსელონას” მსგავსი კლუბი რომ არის დაინტერესებული, ისიც კი სასიამოვნოა, რომ მათ სიაში ვარ. უნდა დავიცადო და ვნახო, რა მოხდება,” – დაამატა მან.

“ბარსელონას” მცველი, სამუელ უმტიტი აღიარებს, რომ კატალონიური კლუბი დორტმუნდის “ბორუსიას” გარემარბის, უსმან დემბელეს ტრანსფერზე მუშაობს.

“ვიცი, რომ “ბარსელონა” მისი გადაბირებით არის დაინტერესებული.

მაგრამ, შეთანხმების მისაღწევად საკმაოდ ბევრი საქმის მოგვარებაა საჭირო. მას “ბარსელონასთვის” ძალიან დიდი სარგებლის მოტანა შეუძლია, მისი შესაძლებლობები გამორჩეულია. მას დიდი სიამოვნებით მივიღებთ აქ.

ჯერ მასთან არ მისაუბრია, ველოდები, როდის გახდება ეს ინფორმაცია ოფიციალური,” – აცხადებს უმტიტი.

როგორც იცით, “ლურჯ-ბროწეულისფრები” 20 წლის შემტევის გადაბირებით გასულ წელსაც ინტერესდებოდნენ. “ბორუსიას” მაისურით მან 49 მატჩში მიიღო მონაწილეობა და 10 გოლი გაიტანა.