სერბეთის ნაკრებისა და “საუთჰემპტონის” ფეხბურთელმა, დუშან ტადიჩმა თავისი თანაგუნდელი, ვირჯილ ვან დეიკი შეაქო, რომლის გადაბირებითაც რამდენიმე ევროპული გრანდი გახლავთ დაინტერესებული.
“ის ძალიან კარგი ფეხბურთელია, საკმაოდ კარგა ხანია, რაც მას ვიცნობ. ჩვენ “გრონინგემიდან” მოყოლებული ერტად ვთამაშობთ. მას შემდეგ, ის ძალიან შეიცვალა, უფრო ძლიერი გახდა.
სულაც არ მიკვირს, მისი გადაბირებით ასეთი კლუბები რომ არიან დაინტერესებულნი. ის ძალიან კარგი და ჭკვიანი ფეხბურთელია და მჯერა, რომ სწორ გადაწყვეტილებას მიიღებს.
თუმცა, მას ადრეც ეტყობოდა, რომ ძალიან კარგი მომავალი ჰქონდა. ის ძალიან გვაკლია, იმედი მაქვს, რომ რეაბილიტაციის პროცესი წარმატებით დასრულდება და მალე შეძლებს მოედანზე დაბრუნებას,” – აცხადებს ტადიჩი.
