დორტმუნდის “ბორუსიას” გენერალური დირექტორი, ჰანს-იოაჰიმ ვატცკე აღიარებს, რომ კლუბის ავტობუსზე მომხდარი თავდასხმის შემდეგ, ისინი სერიოზულად ფიქრობდნენ ჩემპიონთა ლიგის დატოვებაზე.
“სერიოზულად ვფიქრობდი იმაზე, უნდა გაგვეგრძელებინა თუ არა ასპარეზობა ჩემპიონთა ლიგაზე. მაგრამ შემდეგ მივხვდი, რომ ეს ტერორისტების გამარჯვების ტოლფასი იქნებოდა.
ფეხბურთელებს სრული მხარდაჭერა შევთავაზეთ. თუ რომელიმე მოთამაშეს თამაში არ შეუძლია, მწვრთნელს უნდა უთხრას. ჩვენ მათ ყველანაირად გავუგებთ.
ეს არ იყო შეტევა “ბორუსია დორტმუნდზე”, ეს იყო თავდასხმა მთლიანად გერმანიაზე,” – აცხადებს ვატცკე.
