“ვისელ კობეს” ნახევარმცველმა ანდრეს ინიესტამ “ნაგოია გრამპუსის” კარში ბრწყინვალე გოლი გაიტანა და საკუთარ გუნდს ანგარიშით 5:3 გამარჯვებაში დაეხმარა. აღსანიშნავია, რომ ესპანელმა ფეხბურთელმა აღნიშნულ შეხვედრაში დუბლი გაიფორმა. ორი გოლი გაიტანა მისმა თანამემამულე დავიდ ვილიამაც.
იაპონიის ჩემპიონატი მე-17 ტურის თავზე “ვისელ კობეს” 21 ქულით მე-11 პოზიცია უკავია.
Andres Iniesta’s still got it 🔥 pic.twitter.com/bW4TjdwUfR
— ESPN FC (@ESPNFC) June 30, 2019
ანდრეს ინიესტამ სანაკრებო კარიერა დაასრულა, “ფურია როხა” კი მას ემოციური ვიდეოთი დაემშვიდობა.
“ამბობენ, რომ სურათი ათას სიტყვად ღირს. ჩვენ ანდრეს ინიესტას კარიერის ასაღწერად 35 ფოტო გამოვიყენეთ. ეს იყო 35 ათასი სიტყვა, მაგრამ იცით თუ არა, რომ ეს საკმარისი არ არის, ვინაიდან ანდრესი უნიკალურია, განუმეორებელია”, – ნათქვამია ესპანეთის ნაკრების ოფიციალურ მიკრობლოგზე გამოქვეყნებულ პოსტში.
შეგახსენებთ, რომ 34 წლის ანდრეს ინიესტა საკლუბო დონეზე ასპარეზობას განაგრძობს და ის იაპონური “ვისელ კობეს” ღირსებას დაიცავს.
Dicen que una imagen vale más que mil palabras.
Nosotros hemos usado 35 fotos para resumir la carrera de @andresiniesta8, para darle las gracias. Eso serían 35.000 palabras… ¿Y sabéis una cosa? Que nos quedamos cortos, porque Andrés es inigualable.
Irrepetible.
ETERNO. pic.twitter.com/0Be7mJ834H
— Selección Española de Fútbol (@SeFutbol) 3 July 2018
ესპანეთის საფეხბურთო ნაკრების ლეგენდამ, ანდრეს ინიესტამ, რუსეთთან განცდილი დასანანი მარცხისა და მსოფლიო ჩემპიონატიდან გამოვარდნის შემდეგ, სანაკრებო კარიერის დასრულების გადაწყვეტილება მიიღო.
“ეს ჩემი ბოლო თამაში იყო ეპანეთის ნაკრების მაისურით. ზოგჯერ დასასრული ისეთი არ არის, როგორზეც ოცნებოდი,”- განაცხადა “ბარსელონას” ფეხბურთელმა მატჩის შემდეგ.
ინიესტას 131 მატჩი აქვს ჩატარებული “ფურია როხას” მაისურით და საკუთარი ქვეყნის ფერებში 13 გოლი აქვს გატანილი. 2010 წელს მან მსოფლიო ჩემპიონატის ფინალში გადამწყვეტი გოლი გაიტანა. ამ უკანასკნელს ასევე მოგებული აქვს ევროპის ჩემპიონატის 2008 და 2012 წლების გათამაშებები.
20 ივნისს მსოფლიოს ჩემპიონატის ჯგუფური ეტაპის მეორე ტურში ესპანეთი ირანს დაუპირისპირდება. “ფურია როხას” ასაკოვანმა ფეხბურთელმა, ანდრეს ინიესტამ წინასამატჩოდ ჟურნალისტებთან ისაუბრა.
“ლოპეტეგის გაგდება? ეს იყო ის მომენტი, რომლის უკან მოტოვებაც გვსურს. ის ხანმოკლე პერიოდი არავისთვის იყო სასიამოვნო. ახლა კი მხოლოდ ჩვენს მიზანზე ვართ კონცენტრირებულნი. ჩვენ გვწამს, რომ მხოლოდ ასე მივაღწევთ წარმატებას. პორტუგალიის წინააღმდეგ შეხვედრა ადვილი არ იყო. თუმცა, იქ ვაჩვენეთ, რომ ზუსტად ვიცით, რას ვაკეთებთ.
არ მსურს აქ გაჩერება. წინ სვლა მინდა. ირანი ადვილი მეტოქე არ იქნება, თუმცა, თუ მოვიგებთ, კარგ მდგომარეობაში ვიქნებით. დაცვაში მშვენიერ ბარიერს ვქმნით. უნდა დავიცვათ ბალანსი ყველა რგოლში. ეს ნებისმიერ გუნდს სჭირდება. გეტყვით, რომ მსოფლიოში საუკეთესო ფეხბურთელებიდან, რამდენიმე გვყავს. ჩვენი ოცონება მსოფლიოს ჩემპიონატის კიდევ ერთხელ მოგებაა. ეს რთულია, თუმცა ამისთვის აუცილებელია კონცენტრაცია მცირე ნაბიჯებზე – ამჯერად, ირანზე,” – ამბობს ინიესტა.
გუშინ ოფიციალურად დადასტურდა, რომ კატალონიის “ბარსელონას” კაპიტანი, ანდრეს ინიესტა ზაფხულში გუნდს დატოვებს.
ამაზე ZEZO CARTOONS-ი ასეთ კარიკატურას გვთავაზობს.
ლონდონის “ჩელსის” ესპანელმა ნახევარმცველმა, სესკ ფაბრეგასმა თავის ყოფილ თანაგუნდელსა და თანამემამულეზე, ანდრეს ინიესტაზე ისაუბრა. ფაბრეგასის თქმით, ინიესტა კვლავ მოწოდების სიმაღლეზე იმყოფება.
“ინიესტა დღესაც გასაოცრად თამაშობს, ასეთ ფეხბურთელებს დრო ვერაფერს აკლებს. ის ისეთი ნიჭით და კლასით არის დაჯილდოვებული, რომ 40 წლამდეც შეძლებს ამ დონეზე თამაშს.
ინიესტას გვერდით 18 წლის ასაკიდან ვთამაშობ, ამიტომაც მას, როგორც კუმირს არასოდეს ვუყურებდი. ის ყოველთვის ჩემი თანაგუნდელი იყო, რომელსაც ვაღიარებდი და უდიდეს პატივს ვცემდი.
ჩემთვის სამაგალითო გვარდიოლა იყო, რომელიც ჩემს პოზიციაზე თამაშობდა. ძალიან მომწონდა ლუიშ ფიგუს თამაშიც. მათმა კარიერამ ჩემს გადაწყვეტილებებზეც იქონიეს გავლენა,” – აცხადებს ფაბრეგასი.
კატალონიის “ბარსელონას” ესპანელმა ლეგენდამ, ანდრეს ინიესტამ ფილიპე კოუტინიოს ტრანსფერი შეაფასა, რაც “ლურჯ-ბროწეულისფრებს” დაახლოებით 160 მილიონი ევრო დაუჯდათ და აღნიშნა, რომ კარიერის დასრულებას ჯერ არ აპირებს.
“ყოველთვის ვამბობდი და ახლაც ვიმეორებ, რომ “ბარსელონა” საუკეთესოების კლუბია. კოუტინიო ჩვენთან მოვიდა და ახლა ისიც ერთ-ერთი ჩვენგანია. ის უდიდეს ნიჭს ფლობს და აქ მისი განვითარება შეუძლია.
არ არსებობს ფეხბურთელი, რომელიც კარიერას დამასრულებინებს, ან აქიდან გამაგდებს. 33 წლის ასაკში მსგავსი პრობლემის წინაშე ნამდვილად არ ვდგავარ. კოუტინიო აქ გასაძლიერებლად მოვიდა.
მომწონს, რომ ის ერთ-ერთი საუკეთესოა ამ პოზიციაზე. კოუტინიოს სწორედ ისეთი მონაცემები აქვს, როგორიც ჩვენ მოგვწონს. აქ მისთვის შესაფერისი გარემოა, რაც მას ზრდაში დაეხმარება. ის თანხა, რაც მასში გადავიხადეთ, სხვა საკითხია,” – აცხადებს ინიესტა.
დღეს ესპანეთის ლა ლიგა სანტანდერის მეჩვიდმეტე ტურის შეხვედრაში მადრიდის “რეალი” კატალონიის “ბარსელონას” საკუთარ მოედანზე დაუპირისპირდა და მეტოქესთან ანგარიშით, 0:3 დამარცხდა.
თამაშის შემდეგ ჟურნალისტებს “ბლაგურნას” კაპიტანი, ანდრეს ინიესტა ესაუბრა.
“შესანიშნავი შეხვედრა ჩავატარეთ და დამაჯერებლად ვიმარჯვეთ. თუმცა, ეს იმას არ ნიშნავს, რომ “რეალი” ლა ლიგისთვის ბრძოლას ჩამოშორდა. შესაბამისად, მათ მეტოქეებად ისევ ვთვლით და ყურადღების მოდუნებას არ ვაპირებთ. წინ კიდევ ბევრი მატჩია, სადაც წარმატების მიღწევა აუცილებელია.”
“ფეხბურთში ბევრი თითქოს შეუძლებელი რამ მოხდარა. უპატივცემულობა იქნება, “რეალის” არაფრად ჩაგდება. ის ხომ მსოფლიოს ერთ-ერთი საუკეთესო გუნდია. მადრიდის “ატლეტიკოს” წაგებით ასევე ვისარგებლეთ. თუმცა, “ვალენსიაც” არ უნდა დაგვავიწყდეს,” – ამბობს “ინი”.
“ბარსელონასა” და ფილიპე კოუტინიოს სატრანსფერო საგა კვლავ გრძელდება. მიუხედავად იმისა, რომ მხარეებს შეთანხმებისთვის ჯერ არ მიუღწევიათ, საფეხბურთო სამყარო განუწყვეტლივ განიხილავს ამ ტრანსფერს. ამჯერად, კოუტინიოს “ბარსელონურ” მომავალზე ინიესტამ ისაუბრა.
“მე მასში დიდებულ ფეხბურთელს ვხედავ და ვთვლი, რომ კოუტინიო ძალიან ნიჭიერია. მას ორივე ფეხის გამოყენება შეუძლია, გოლებსაც ბრწყინვალედ ქმნის და კომბინაციებში პროდუქტიულად ერთვება. გარდა ამისა, მას მეტოქის ბანაკში სივრცის მოძებნაც არ უჭირს.
მისი პროფილის ფეხბურთელები “ბარსელონას” ძალიან უხდებიან. კოუტინიოს ტრანსფერი ჩვენთვის დიდებული ნაბიჯი იქნება. რა თქმა უნდა, მე მასში ჩემს კონკურენტს არ ვხედავ და ყველაფერს გავაკეთებ მის დასახმარებლად,” – აცხადებს ესპანელი ლეგენდა.
ბოლო ცნობების თანახმად, “ბარსელონას” ბრაზილიელის ტრანფერი 150 მილიონი ევრო უნდა დაუჯდეს.
ანდრეს ინიესტამ დღეს ლაზარეთი ოფიციალურად დატოვა. იგი ვარჯიშზე გამოჩნდა და მადრიდის “ატლეტიკოსთან” დაპირისპირებისთვის ემზადება, რომელსაც “ბლაგურნა” 14 ოქტომბერს “ვანდა მეტროპოლიტანოზე” გამართავს.
ესპანელმა ნახევარმცვრლმა ლა ლიგის მეშვიდე ტურში, “ლას პალმასთან” ბოლო ექვსი წუთი ითამაშა. როგორც მატჩის შემდეგ გახდა ცნობილი, 33 წლის სპორტსმენს მარცხენა ფეხის ბარძაყზე ჰქონდა დაზიანება. ანდრესს ათი დღით უქმობა მოუწია, რომლის დროსაც ორი სანაკრებო შეხვედრაც გამოტოვა.
გეტყვით, რომ ინიესტამ ამ სეზონში ცხრა საკლუბო დაპირისპირებაში მიიღო მონაწილეობა. მას ჯერ გოლი არ გაუტანია.
13 აგვისტოს, ესპანეთის სუპერთასის ეგიდით გასამართ პირველ მატჩში “ბარსელონას” დახმარება შესაძლოა, გუნდის ერთ-ერთმა ლიდერმა, ანდრეს ინიესტამ ვერ შეძლოს.
კატალონიური “ბარსელონას” ხელმძღვანელებმა გუნდის 33 წლის ფეხბურთელს დღევანდელი ვარჯიშის გაცდენის უფლება მისცეს. ესპანური მხარე ამის მიზეზს არ ასახელებს.
გეტყვით იმასაც, რომ ესპანელმა ნახევარმცველმა ბოლო 7 აგვისტოს, “შაპეკოენსეს” წინააღმდეგ ითამაშა და თამაშისას მას არანაირი ტრავმა არ მიუღია.
Gazzetta-ს მიერ გავრცელებული ცნობების მიხედვით, მილანის “ინტერის” ხელმძღვანელები ანდრეს ინიესტას გარშემო არსებულ სიტუაციით არიან დაინტერესებულები.
როგორც ცნობილი ხდება, იტალიური კლუბის სპორტულმა დირექტორმა, პიერო აუსილიომ ორშაბათს თავის კატალონიელ კოლეგასთან გამართა შეხვედრა და ესპანელი ნახევარმცველის შესაძლო ტრანსფერის საკითხი განიხილა.
აქვე გეტყვით იმასაც, რომ აუსილიო ანდრეს ინიესტასთან ერთად ალეიშ ვიდალისა და ბორხა ვალეროს ტრანსფერებითაც არის დაინტერესებული.
