“ბარსელონას” ლიდერი გუშინდელ მატჩში, ესპანეთის თასის შეხვედრაში დაშავდა.
31 წლის კატალონიელმა ნახევარმცველმა “ბილბაოს” წინააღმდეგ კუნთის ტრავმა მიიღო, რის გამოც 56-ე წუთზე შეცვალეს.
უახლოეს დროში, ანდრეს ინიესტა გაივლის სამედიცინო შემოწმებას და ცნობილი იქნება, დაეხმარება თუ არა კატალონიელებს “იუვენტუსის” წინააღმდეგ, ჩემპიონთა ლიგის ფინალში.
შეგახსენებთ, რომ ფინალი 6 ივნისს, გერმანიის დედაქალაქ, ბერლინში გაიმართება.
“ბარსელონას” ნახევარმცველმა, ანდრეს ინიესტამ განაცხადა, რომ მისი გუნდის შეტევა მსოფლიოში ყველაზე ძლიერია.
“მსოფლიოს საუკეთესო თავდამსხმელებთან თამაშის პატივი მერგო. მესი, სუარესი და ნეიმარი – ეს ტრიო შეუდარებელია. ვთვლი, რომ ამ ეტაპზე მსოფლიოში ასეთი შეტევა უბრალოდ არ არსებობს. მითამაშია ანრისთან და ეტო’ოსთან ერთად. ისინი ძალიან მაღალი დონის მოთამაშეები არიან, მაგრამ “ბარსელონას” ახლანდელი სეტევა უნიკალურია” – განაცხადა ინიესტამ.
“ბარსელონას” ნახევარმცველი ანდრეს ინიესტა თვლის, რომ კატალონიურ გუნდს მსოფლიოში საუკეთესო შეტევითი ხაზი ჰყავს.
“ვფიქრობ, დღესდღეობით ჩვენს გუნდში ლეო მესის, ლუის სუარესისა და ნეიმარის სახით მსოფლიოს საუკეთესო თავდამსხმელებმა მოიყარეს თავი. გამიმართლა, რომ ამ შეუდარებელ შემტევებთან ერთად ვთამაშობ.
ვიმედოვნებ, “ბარსელონა” მომავალში უფრო უკეთესი იქნება, ვიდრე დღეს არის. ამის თქმის საფუძველს ის მაძლევს, რომ ეს ფეხბურთელები ახალგაზრდები არიან და უდიდესი პოტენციალი აქვთ”, – ინიესტას კომენტარს Goal.com-ი აქვეყნებს.
“ბარსელონას” ნახევარმცველმა ანდრეს ინიესტამ თანაკლუბელ ჩავი ერნანდესს, რომელიც მიმდინარე სეზონის ბოლოს კლუბს დატოვებს, მადლობა გადაუხადა. შეგახსენებთ, რომ გუშინ კატალონიურმა გუნდმა სეზონის უკანასკნელი საშინაო მატჩი ჩაატარა — “დეპორტივოსთან” შეხვედრა ფრედ, ანგარიშით 2:2 დასრულდა.
“დღეს ყველასთვის განსაკუთრებული დღეა. გვინდა, რომ ესპანეთის ჩემპიონატთან ერთად ჩემპიონთა ლიგაც მოვიგოთ. გვსურს, რომ 7 ივნისს გამარჯვებულები დავბრუნდეთ.
დღეს ჩავისთვის განსაკუთრებული დღეა. ის ნამდვილი ლეგენდაა. ჩვენ გვაქვს პატივი, მას დავემშვიდობოთ. მე მას ყველაფერს ვულოცავ, რასაც ამ წლების განმავლობაში მიაღწია და მადლობას ვუხდი იმისთვის, რომ ბევრი რამ მასწავლა”, – ინიესტას სიტყვები Football Espana-მ გამოაქვეყნა.
შეგახსენებთ, რომ ჩავი კარიერას ყატარის “ალ სადში” გააგრძელებს.
კატალონიის „ბარსელონას“ ნახევარმცველი ანდრეს ინეისტა პსჟ-სთან უეფას ჩემპიონთა ლიგის 1/4-ფინალური ეტაპის განმეორებითი მატჩის შემდეგ ჟურნალისტებს გაესაუბრა.
შეგახსენებთ, რომ ანდრესი მატჩის ერთ-ერთი გმირი გახდა, როდესაც მთელი მოედანი გაირბინა და ნეიმარს საგოლე გადაცემა გაუკეთა.
„ჩემი დაბრუნება? მე არსად წავსულვარ. სეზონის გადამწყვეტი ნაწილისთვის ფორმის პიკში ვართ, მიუხედავად იმისა, რომ დღეს მოგება მაინც გაგვიჭირდა. გვესმის, რომ მატჩების ბედს, შესაძლოა, მცირე დეტალებიც კი აგვარებდნენ“, – განაცხადა ანდრესმა.
როგორც მოგეხსენებათ, უეფას ჩემპიონთა ლიგის მეოთხედფინალურ ეტაპზე “პარი სენ-ჟერმენსა” და “ბარსელონას” შორის გამართულ მატჩში (1:3) კატალონიური გუნდის ნახევარმცველმა ანდრეს ინიესტამ ზურგი დაიშავა და შესაცვლელი შეიქნა. როგორც აღმოჩნდა, 30 წლის ფეხბურთელი სერიოზულ ტრავმას გადაურჩა.
ინიესტამ გუშინ სამედიცინო შემოწმება ჩაიტარა, რამაც ცხადყო, რომ მას მხოლოდ ძლიერი დაჟეჟილობა აქვს, სერიოზული კი არაფერია.
თავად ინიესტამ მატჩის შემდეგ თქვა, რომ თავს კარგად გრძნობს.
“ბარსელონას” ერთ-ერთმა ლიდერმა, ანდრეს ინიესტამ გუშინდელ შეხვედრაში ტრავმა მიიღო, რის გამოც მეორე ნახევრის დასაწყისში თამაშის გაგრძელება ვერ შეძლო.
Mundo Deportivo-ს ცნობით, ესპანელი ფეხბურთელი სერიოზულ ტრავმას გადაურჩა. ინფორმაცია “ბარსას” თავკაცმა, ლუის ენრიკემაც დაადასტურა.
“ანდრესმა ძლიერი დარტყმა მიიღო. გამოკვლევები ჯერ არ ჩატარებულა, მაგრამ შეიძლება იმის თქმა, რომ ინიესტა სერიოზულ ტრავმას გადაურჩა” – განაცხადა ლუის ენრიკემ.
„ბარსელონას“ ნახევარმცველი ანდრეს ინეისტა „სევილიასთან“ მატჩის შემდეგ ჟურნალისტებს გაესაუბრა.
„პირველ ტაიმში კარგად ვმოქმედებდით, თუმცა გოლმა მეტოქის თამაში უკეთესობისკენ შეცვალა. შესაძლოა, შესვენების წინ გატანილმა ბურთმა თამაში გამოასწორა.
მეორე ტაიმში მეტოქემ პრესინგს მიმართა, თუმცა ანგარიშით 3:1-მდე გაზრდა შეგვეძლო.
რაც არ უნდა იყოს, პირველ ადგილზე დავრჩით, ასე რომ, ყველაფერი ჩვენსავე ხელშია. შეცდომების გაანალიზება და წინსვლა გვჭირდება“, – განაცხადა კატალონიელთა ვეტერანმა.
კატალონიის „ბარსელონას“ ნახევარმცველმა ანდრეს ინიესთამ „სელტასთან“ ესპანეთის პრიმერა დივიზონის მოგებულ მატჩში ითამაშა.
აქედან გამომდინარე, 30 წლის ფეხბურთელმა კატალონიური კლუბის შემადგენლობაში პრიმერას 250-ე მატჩი მოიგო.
მსგავსი შედეგით აქამდე მხოლო ჩავი და მეკარე ვიქტორ ვალდესი გამოირჩნენ.
კატალონიური “ბარსელონას” ნახევარმცველმა ანდრეს ინიესტამ აღიარა, რომ მიმდინარე სეზონში კარგი სტატისტიკით ვერ დაიკვეხნის. მას ლა ლიგის 17 მატჩში გოლი არ გაუტანია.
“ამ სეზონში ჩემი სტატისტიკა ნამდვილად არაა კარგი, მაგრამ ციფრებიდან გამომდინარე საკუთარი თამაში არასდროს შემიფასებია. კმაყოფილი ვარ, რაც გავაკეთე გუნდისთვის, მიუხედავად იმისა, რომ მომენტებში ყველაფერი ისე არ გამომდიოდა, როგორც მსურდა. საკუთარი თავის ყველაზე დიდი კრიტიკოსი ვარ და ვიცი, რა უნდა ვაკეთო. ჩემი მთავარი ამოცანაა, ყველანაირად დავეხმარო გუნდს მიზნის მიღწევაში,”-აღნიშნა ინიესტამ.
ესპანეთის ნახევარმცველი, ანდრეს ინიესტა მიიჩნევს, რომ 2014 წლის მსოფლიო ჩემპიონატზე განცდილი ფიასკოს მიუხედავად, ესპანეთის ნაკრებმა სტილი არ უნდა შეიცვალოს.
“ჩვენ არ უნდა შევიცვალოთ სტილი, მცირე ჩავარდნის გამო. შეიძლება არსებობდეს მოთამაშეები, რომლებიც ამ ტაქტიკას ბრწყინვალედ მოერგებიან”.
“ჩავარდნილი ეტაპის შემდეგ, წარმატების მწვერვალზე ასვლა ძალიან რთული იქნება, მაგრამ დიდი მუშაობის ხარჯზე, ვიმედოვნებთ, ამას შევძლებთ”.
“ჩემი წარმოდგენა მიმდინარე სეზონზე არაა კარგი, მაგრამ ლა ლიგას სტატისტიკით არ შევაფასებ,”-განაცხადა ინიესტამ.
„ბარსელონას“ ნახევარმცველმა ანდრეს ინიესტამ „მანჩესტერ სიტისთან“ უეფა-ს ჩემპიონთა ლიგის 1/8-ფინალური ეტაპის განმეორებით მატჩი შეაფასა და მადრიდის „რეალთან“ მოახლოებული თამაშის შესახებაც ისაუბრა.
„სამწუხაროა, რომ დღეს სიზუსტე გვაკლდა. ჰარტმა ბრწყინვალე მატჩი ჩაატარა და ერთი-ერთზე გასვლისას გვაჯობა. ის აპლოდისმენტებს იმსახურებს.
არაერთ კლასიკოში გვითამაშია. არ აქვს მნიშვნელობა, თუ რა ფორმაში ხვდებიან გუნდები ამ მატჩს. „რეალის“ პრობლემებზე არ ვისაუბრებ. მაქსიმალურად კარგად უნდა ვითამაშოთ. არც ისე ბევრი მატჩი დარჩა და ახლა ნებისმიერი მცირე დეტალიც ძალიან მნიშვნელოვანია. თუ ისე ვითამაშებთ, როგორც საჭიროა, ჩინებული დღე გვექნება“, – განაცხადა ინიესტამ.
