ჭდე: არგენტინა

მსოფლიოს 2018 წლის ჩემპიონატის ჯგუფურ ეტაპზე, ხორვატიასთან განცდილი მარცხის შემდეგ არგენტინელთა ბანაკში მომხდარი კონფლიქტის დეტალებს სანდო არგენტინული წყარო (Ole) გვაცნობს.

ამის შესახებ ჟურნალისტი არიელ სენოსიანი თავის წიგნში, “მუნდიალის ისტორია”, წერს. ციტირებულ ნაწილში ნათლად ჩანს, თუ როგორ განუდგნენ ნაკრების ფეხბურთელები ხორხე სამპაოლის.

ერთ-ერთი არგენტინელი ფეხბურთელი: “წარმოდგენა არ გვაქვს, რას ამბობთ. უკვე აღარ გენდობით და გვინდა, საკუთარი აზრი დავაფიქსიროთ.”

სამპაოლი: “აზრი, რის შესახებ?”

არგენტინელი ფეხბურთელი: “ყველაფერზე”.

სამპაოლი: “ანუ, გინდათ, რომ თქვენ თვითონ შეადგინოთ შემადგენლობა, ივარჯიშოთ და ყველაფერი თქვენით გააკეთოთ?”

მესი: “უკვე ათჯერ მკითხე, ვინ მინდოდა ყოფილიყო შემადგენლობაში და ვინ – არა. არასოდეს არ დამისახელებია რომელიმე ფეხბურთელის სახელი. თქვით, ოდესმე მითქვამს?”

ამის შემდეგ საუბარში არგენტინის ფეხბურთის ფედერაციის პრეზიდენტი კლაუდიო ტაპია ერთვება და სამპაოლის ამ სიტყვებით მიმართავს – “სჯობს, დანებდე”.

როგორც მოსალოდნელი იყო, არგენტინის ფეხბურთის ფედერაციამ ხორხე სამპაოლი ქვეყნის საფეხბურთო ნაკრების მთავარი მწვრთნელის პოსტიდან დაითხოვა. ამ ინფორმაციას ფედერაციის ოფიციალური ვებ-გვერდი ადასტურებს.

როგორც ცნობილი ხდება, მხარეებმა კონტრაქტის გაწყვეტასთან დაკავშირებით ერთობლივი გადაწყვეტილება მიიღეს. აღსანიშნავია, რომ ნაკრებს სამპაოლის შტაბი სრული შემადგენლობით დატოვებს.

ცნობილი ხდება ისიც, რომ სამაპოლი კონტრაქტის გაწყვეტის კომპენსირებისთვის 2 მილიონს მიიღებს და არა 20 მილიონს, რაც კონტრაქტში იყო გაწერილი.

შეგახსენებთ, რომ სამპაოლიმ არგენტინის ნაკრები მსოფლიო ჩემპიონატის მერვედფინალამდე მიიყვანა, სადაც “ალბისელესტე” შემდეგში მსოფლიო ჩემპიონთან, საფრანგეთის ნაკრებთან დამარცხდა.

არგენტინის საფეხბურთო ნაკრების ნახევარმცველმა, ხავიერ მასკერანო, საფრანგეთის ნაკრებთან განცდილი მარცხის (3:4) შემდეგ პრესასთან ისაუბრა. როგორც იცით, ამის შემდეგ მან სანაკრებო კარიერა დაასრულა.

“იცით, რომ ეს ჩემი ბოლო თამაში იყო ნაკრების მაისურით. ახლა ღრმა ანალიზის დრო ნამდვილად არ არის. ჩვენ ძალიან გაბრაზებულები ვართ. ვიცით, როგორ დავწყვიტეთ ფანებს გული. ისინი ჩვენგან ქვეყნის სახელის დაცვას ელოდნენ.

დღეს ჩვენ ძლიერ მეტოქესთან დავმარცხდით. ეს ჩვენი საერთო მარცხია. ტურნირის მიმდინარეობისას ცუდი და კარგი მომენტები გვქონდა, საბოლოო ჯამში, ყველაფერი ასე დასრულდა.

რაც შეეხება მესის, ის საუკეთესო ფეხბურთელია, მაგრამ მასაც კი არ შეუძლია, მარტო მოიგოს,” – აცხადებს მასკერანო.

არგენტინის საფეხბურთო ნაკრების მთავარი მწვრთნელი ხორხე სამპაოლი ნიგერიასთან მატჩში გულშემატკივარს ბრწყინვალე სანახაობას პირდება. შეგახსენებთ, რომ მომდევნო ეტაპზე გასასვლელად “ალბისელესტემ” აუცილებლად უნდა მოიგოს აღნიშნული მატჩი.

“ხვალინდელ მატჩს ჩვენთვის სასიცოცხლო მნიშვნელობა აქვს. სწორედ ამ მატჩზეა დამოკიდებული, გავალთ თუ არა შემდეგ ეტაპზე – ამიტომაც, ჩვენი გულშემატკივარი ნაკრების საუკეთესო თამაშს იხილავს

მტკივნეული მარცხის შემდეგ რამდენიმე დღემ გაიარა და ახლა ყველაფერი გაანალიზებული მაქვს. ყველაფერი ჩემს თავშია, მაგრამ სასტარტო შემადგენლობის გამჟღავნებას ახლა არ ვაპირებ.

გუნდის შედეგზე პასუხისგმებებლი მე ვარ. ახლა მხოლოდ დეტალებს ვამუშავებთ, მზად ვართ, ყველაფერი გავაკეთოთ 1/8-ფინალებში მოსახვედრად,” – აცხადებს სამპაოლი.