ჭდე: არსენ ვენგერი

ლონდონის “არსენალის” მთავარმა მწვრთნელმა, არსენ ვენგერმა “ევერტონთან” მოგებული მატჩის შემდეგ (5:2) პრესასთან გუნდის შეტევით პოტენციალზე ისაუბრა და აღნიშნა, რომ ამ ასპექტში “მეთოფეებს” ნამდვილად არ უჭირთ.

“ჩვენი შეტევითი ხაზი? ნამდვილი ფუფუნებაა ჩემთვის. თუმცა, ამავდროულად ეს დიდ თავსატეხსაც მიჩენს. რთულია, მათ შორის არჩევანის გაკეთება.

ის ფაქტი, რომ თითოეული მათგანი მაქსიმალურად ცდილობს თავისი შესაძლებლობების დამტკიცებას, ჩვენს სასარგებლოდ მოქმედებს. მე კი ყველანაირად ვცდილობ, რომ მათ საჭირო დრო გამოვუყო,” – აცხადებს არსენ ვენგერი.

ცნობისთვის გეტყვით, რომ “ევერტონთან” მატჩში “არსენალის” შეტევაზე ალექსის სანჩესი, მესუთ იოზილი და ალექსანდერ ლაკაზეტი ზრუნავდნენ.სათადარიგოთა სკამზე კი ვენგერის განკარგულებაში ტეო უოლკოტი, ალექს აივობი და ოლივიე ჟირუ იყვნენ.

ლონდონის “არსენალის” ფრანგი დამრიგებელი, არსენ ვენგერი ერთ-ერთია იმ სპეციალისტთა შორის, რომელიც ზამთრის სატრანსფერო ფანჯრის გაუქმების ინიციატივას უჭერს მხარს.

“ფეხბურთელები, რომლებთაც ზაფხულში კლუბის დატოვების უფლება არ მისცეს, ან ოქტომბერში სხვა კლუბები დაუკავშირდნენ, სულ იმაზე ფიქრობენ, თუ სად წავლენ იანვარში. ასე ნამდვილად არ უნდა ხდებოდეს.

ჩვენი მოვალეობა წარმატებების ხარჯზე ხალხისთვის სიამოვნების მინიჭებაა, რისთვისაც შეკრული გუნდია საჭირო. ამის მიღწევა კი შეუძლებელია, თუ გუნდის წევრები ყოველ წამს იმაზე ფიქრობენ, თუ რა მოხდება ზამთარში.

დღეს ყველა იმაზე წუწუნებს, რომ ფეხბურთი ბიზნესად არის გადაქცეული და ამ პრობლემის გადაჭრაზე არავინ ფიქრობს. ვთვლი, რომ უფრო მკაცრად უნდა ვიმოქმედოთ. პასუხისმგებლობა ჩვენზეა,” – აცხადებს ვენგერი.

ლონდონის “არსენალის” მთავარმა მწვრთნელმა, არსენ ვენგერმა “სტოკ სიტისთან” განცდილი მარცხის შემდეგ (1-0) პრესასთან საუბრისას აღნიშნა, რომ გუნდი რამდენიმე ფეხბურთელმა უნდა დატოვოს.

“რთული მდგომარეობაა. პირველ რიგში, მინდა გუნდიდან ფეხბურთელები წავიდეს. “არსენალს” ბევრი ფეხბურთელი ჰყავს და მათი ხელმძღვანელობა ადვილი არ არის.

ძალიან ბევრი გუნდია მსგავს სიტუაციაში და ამიტომაცაა სატრანსფერო ბაზარზე სიტუაცია ასე მშვიდი. ჩვენ ამ მომენტისთვის 33 ფეხბურთელი გვყავს რაც ძალიან ბევრია.

ასეთი თამაშის შემდეგ ტრანსფერებზე ფიქრის სურვილი ნამდვილად არ მაქვს, მაგრამ ფაქტია, რომ გუნდმა უნდა გაუშვას ფეხბურთელები,” – აცხადებს ფრანგი სპეციალისტი.

ლონდონის “არსენალის” მთავარმა მწვრთნელმა, არსენ ვენგერმა, რომელიც “მეთოფეთა” თავკაცის რანგზე 1996 წლიდან იმყოფება, იმ გულშემატკივრებზე ისაუბრა, რომლებიც მუდამ აკრიტიკებენ მას.

“ბოდიშს გიხდით, ისევ აქ რომ ვარ! მესმის, რომ თქვენ ჩემი მოკვლა გსურთ, მაგრამ ამ დროისთვის მე ჯერ კიდევ ცოცხალი ვარ.

როდესაც ჩემპიონთა ლიგაზე გავდიოდით, ხალხი იმის გამო მაკრიტიკებდა, რომ ტიტულს ვერ ვიგებდით. ახლა კი, როცა ტიტული მოვიგეთ, ჩემპიონთა ლიგაზე არყოფნის გამო მაკრიტიკებენ.

ეს ჩვეულებრივი რამ არის ფეხბურთში და მიჩვეულიც ვარ. მაქსიმალურად ვცდილობ ჩემს საქმიანობაზე ვიყო კონცენტრირებული და გუნდს თითქმის ყველა ტიტული მოვაგებინო,” – აცხადებს ვენგერი, რომელიც მომავალ სეზონში ევროპა ლიგაზე იასპარეზებს.