ჭდე: არსენალი

“ლესტერ სიტის” მცველმა, რობერტ ჰუტმა ალექსის სანჩესის პოსტს დამცინავად უპასუხა.

შეგახსენებთ, რომ “არსენალსა” და “ლესტერს” შორის გამართული მატჩის ბოლო წუთებზე უსიამოვნო ეპიზოდი დაფიქსირდა – ფუქსმა აუტის მოწოდებისას ბურთი განზრახ გაარტყა სანჩესს, რომელიც მისთვის ხელის შეშლას ცდილობდა.

ჩილელმა ბურთის მორტყმის შემდეგ ცოტა ხნით დაიცადა, შემდეგ კი მომაკვდავივით დაეცა ძირს. სიმულაციისთვის იგი ყვითელი ბარათით დასაჯეს, თუმცა გაფრთხილების გარეშე არც ფუქსი დარჩა.

მატჩის შემდეგ ალექსის სანჩესმა საზოგადოებას უჩვენა, რომ ნასროლმა ბურთმა მას ტუჩი გაუხეთქა.

ჰუტმა კი სანჩესს ასეთი პოსტით უპასუხა: “ცოტა დამრჩა “არსენალთან” მატჩში მიღებული ტრავმის მოშუშებამდე”.

Just about recovered from the arsenal battle the other night #playon ? pic.twitter.com/YS2cxSjN3s

— robert huth (@robert_huth) April 28, 2017

ლუკას პერესის აგენტმა ყოველგვარი ინფორმაცია უარყო, რომლის მიხედვითაც, “დეპორტივოს” ყოფილი ფეხბურთელი ლონდონის “არსენალიდან” წასვლაზე ფიქრობს.

“ეს ყველაფერი სიმართლეს ნამდვილად არ შეესაბამება, ჩვენ არავისთან არ გვისაუბრია ამ საკითხთზე.

ლუკასსა და “არსენალთან” კონტრაქტი კიდევ სამი წლით აკავშირებს.

ზაფხულში, როდესაც სეზონი დასრულებული იქნება, ამაზე საუბრის დრო გვექნება, მაგრამ ახლა ის მხოლოდ “არსენალზე” ფიქრობს,” – აცხადებს პერესის აგენტი.

ამერიკის შეერთებული შტატების 45-ე პრეზიდენტის, დონალდ ტრამპის ვაჟი კამერებმა თეთრი სახლის ეზოში, ფეხბურთის თამაშისას გამოიჭირეს.

აღსანიშნავია, რომ 11 წლის ბერონ ტრამპი მთლიანად ლონდონის “არსენალის” საშინაო ფორმაში იყო გამოწყობილი.

აქვე გეტყვით იმასაც, რომ ლონდონური კლუბის მფლობელმა, სტენ კრონკემ იანვრის თვეში მილიონი დოლარი გადარიცხა დონალდ ტრამპის ინაუგურაციის ფონდში.