ჭდე: არსენალი

ლონდონის “არსენალის” მთავარი მწვრთნელი, არსენ ვენგერი ადასტურებს ინფორმაციას, რომლის თანახმადაც, ლონდონურმა კლუბმა პერ მერტესაკერს კონტრაქტი გაუხანგრძლივა.

“კონტრაქტის გახანგრძლივებასთან დაკავშირებით მოლაპარაკებები არ გამართულა, რადგანაც ამის საჭიროება უბრალოდ არ იყო. ჩვენ წინა კონტრაქტში ჩადებული პუნქტი გამოვიყენეთ.

ეს გადაწყვეტილება წლის დასაწყისში უნდა მიგვეღო. რა თქმა უნდა, ამაზე ბევრი არ გვიფიქრია.” – აცხადებს ფრანგი სპეციალისტი.

შეგახსენებთ, რომ მერტესაკერი “არსენალის” ღირსებას 2011 წლამდე იცავს, მისი ახალი კონტრაქტი კი 2018 წელს იწურება.

ლონდონის “არსენალის” ხელმძღვანელებმა ინგლისის მეშვიდე დივიზიონში მოთამაშე “ედნესფორდ თაუნის” ახალგაზრდა მცველს, კოენ ბრემელს გაუფორმეს კონტრაქტი.

20 წლის ფეხბურთელი უკვე შეხვდა “მეთოფეთა” სამწვრთნელო შტაბს და სამედიცინო შემოწმების გავლაც მოასწრო.

ბუნებრივია, “არსენალის” ახალწვეული თავდაპირველად 23-წლამდელთა გუნდში გამოცდის საკუთარ ძალებს. მასზე ახალგაზრდული გუნდის მწვრთნელი, სტივ გეთინგი იზრუნებს.

ლორან კოშელნი თვლის, რომ “ვესტ ბრომვიჩთან” მინიმალური სხვაობით მოპოვებულ გამარჯვებას საკმაოდ დიდი მნიშვნელობა ჰქონდა ლონდონური კლუბისათვის ისევე როგორც ფსიქოლოგიური, ასევე მატერიალური თვალსაზრისით.

“ასეთი თამაშების მოგებით გუნდს თვითრწმენა უბრუნდება, რაც ძალიან მნიშვნელოვანი რამ არის, იმისათვის, რომ ფორმა შეინარჩუნო და ზედიზედ რამდენიმე მატჩი მოიგო.

სეზონში პირველი მატჩის წაგების შემდეგ, მოგებათა სერია უნდა წამოვიწყოთ. გასულ კვირას ორი მატჩი დავთმეთ, მოგებებზე უნდა გადავერთოთ, ეს აუცილებელია.

რაც მთავარია, სიმშვიდეს ვინარჩუნებთ, რადგანაც ყველამ იცის, რომ გამოსავლის პოვნა შეგვიძლია. ამ გამარჯვებით კიდევ ერთხელ დამტკიცდა, რომ ჩემპიონობისთვის ბრძოლა შეგვიძლია.”