ჭდე: არსენალი

“არსენალის” ლეგენდამ, იან რაიტმა ლონდონელთა კრიზისში კლუბის მფლობელი, სტენ კრონკე დაადანაშაულა, რომელიც ამავდროულად “დენვერ ნაგეტზს” (NBA), “კოლორადოსა” (NHL) და “კოლორადო რაპიდს” (MLS) განაგებს.

“კრონკეს “არსენალი” საერთოდ არ ადარდებს, მისთვის ეს მეორეხარისხოვანია. ასე რომ არ იყოს, არსენ ვენგერს ორწლიან კონტრაქტს არ შესთავაზებდა. უკვე ყველა ხვდება, რომ ვენგერის წასვლის დრო დადგა.

კლუბის მფლობელი ამ სიტუაციას უნდა აკონტროლებდეს, უნდა ერკვეოდეს, იცოდეს რა ხდება და რაა საჭირო, რომ “არსენალმა” ძველი დიდება დაიბრუნოს. მაგრამ ასე არ არის.

ფანები უკვე რამდენიმე წელია, რაც ამას ითხოვენ, მაგრამ არავინაა, ვინც მათ მოუსმენს. კრონკეს ეს არ ადარდებს, ნაცვლად ამისა, ვენგერს უფრო დიდი ხნით ტოვებს,” – აცხადებს რაიტი.

“არსენალის” მდგომარეობა უფრო და უფრო უარესდება, ამავდროულად, კრონკეს წლიური შემოსავალი 8.1 მილიონი ევროთი გაიზარდა.

ლონდონის “არსენალისა” და ინგლისის საფეხბურთო ნაკრების ყოფილმა თავდამსხმელმა, იან რაიტმა ინგლისის ლიგის თასის ფინალის (“არსენალი” 0-3 “მანჩესტერ სიტი”) შემდეგ პიერ-ემერიკ ობამეიანგის ფაქტორზე ისაუბრა.

“როდესაც ობამეიანგს უყურებ, ხედავ ნამდვილ ბომბარდირს, ადამიანს რომელსაც გოლების გატანა სწყურია, თუმცა მას შანსებს არ უქმნიან. ასე არ შეიძლება, არაფერი გამოვა.

ობამეიანგი არ არის ის ფეხბურთელი, რომელიც ბურთს მილიონჯერ ეხება. ის მეტოქის ზურგს უკან მოქმედებს. არაერთხელ გვინახავს თუ როგორი ეფექტურია ის ასეთ ფორმატში.

პრობლემა ის არის, რომ “არსენალი” ბოლომდე არ იბრძვის ბურთის მოსაპოვებლად და არც იმ ფეხბურთელზე ზრუნავენ, რომელიც თითქმის 60 მილიონი ფუნტი დაგვიჯდა,” – აცხადებს რაიტი.

ლონდონის “არსენალის” გაბონელი ახალწვეული, პიერ-ემერიკ ობამეიანგი აღიარებს, რომ “მეთოფეთა” რიგებში გაწევრიანებამდე ჰენრიკ მხითარიანს ეკონტაქტებოდა.

“ისეთი გრძნობა მქონდა, თითქოს ძველ მეგობართან ვბრუნდებოდი, კარგ მეგობართან. წარსულში ერთად ვთამაშობდით და ბედნიერი ვარ, რომ ამის საშუალება ისევ გვაქვს.

ტრანსფერის დასრულებამდე მან რამდენიმეჯერ დამირეკა იმის საკითხავად, გადავდიოდი თუ არა “არსენალში”. ბუნებრივია, რომ მისი ფაქტორი ერთ-ერთი გადამწყვეტი იყო ჩემს არჩევანში,” – აცხადებს დორტმუნდის “ბორუსიას” ექს-ფეხბურთელი.

როგორც იცით, ყოფილი თანაგუნდელების დებიუტი პრემიერ ლიგაში უკვე შედგა – ობამეიანგმა გოლით გამოიჩინა თავი, მხითარიანმა კი სამი საგოლე გადაცემა მიითვალა საკუთარ აქტივში.