“ჩელსის” რენატუ სანჩეში მოუნდა
The Telegraph-ის თქმით, ლონდონის “ჩელსის” ხელმძღვანელები ძალიან ახლოს არიან “ბაიერნის” პორტუგალიელი შემტევის, რენატუ სანჩესის ტრანსფერთან, რაზეც “მილანელები” ძალიან დიდი ხნის მანძილზე მუშაობდნენ.
ანტონიო კონტე ამ ტრანსფერზე კარლო ანჩელოტის გასულ კვირაში გამართული ამხანაგური მატჩის შემდეგ მოელაპარაკა. წარუმატებელი სტარტის მიუხედავად, “რეკორდმაისტერი” სანჩეშის მხოლოდ არენდის წესით გაშვებაზეა თანახმა.
“ბარსას” კოუტინიო 133 მილიონი დაუჯდება
ესპანური გამოცემის, Sport-ს მიერ გავრცელებული ინფორმაციის მიხედვით, “ლივერპულის” ხელმძღვანელებმა “ბარსელონას” ფასი დაუსახელეს, რომლის გადახდის შემთხვევაშიც, ისინი ფილიპე კოუტინიოს ტრანსფერის განხორციელებას შეძლებენ.
საქმე 133 მილიონ ფუნტთან გვაქვს, რის გადახდასაც “ბარსელონელები” ნეიმარის ტრანსფერისგან მიღებული 222 მილიონის მეშვეობით აპირებენ.
“მანჩესტერ იუნაიტედს” იმედი მიეცა
The Telegraph-ის მიერ გავრცელებულ ინფორმაციას თუ დავუჯერებთ, ბოლო დროს განვითარებულმა მოვლენებმა “მანჩესტერ იუნაიტედს” გარეტ ბეილის ტრანსფერის იმედი მისცა.
როგორც იცით, “ლოს ბლანკოსი” ძალიან არის დაინტერესებული კილიან მბაპეს ტრანსფერით, მისთვის ადგილის განსათავისუფლებად კი პერესი მზადაა, გუნდის უელსელ ვარსკვლავსაც შეელიოს.
“ჩელსი” 50 მილიონ ფუნტს ამზადებს
ლონდონის “ჩელსის” ხელმძღვანელები 50 მილიონი ფუნტის დახარჯვას აპირებენ როს ბარკლისა და ალექს ოქსლეიდ-ჩემბერლინის ტრანსფერებში. ამ ინფორმაციას The Sun ავრცელებს.
“ინტერი” ვიდალის ტრანსფერისთვის იწყებს ბრძოლას
Gazzetta dello Sport -ის ცნობით, მილანის “ინტერის” ხელმძღვანელები “ბაიერნის” ჩილელი ვარსკვლავის, არტურო ვიდალის გადაბირებას აპირებენ.
როგორც იცით, “სან სიროს” დატოვებასთან ძალიან ახლოსაა ივან პერიშიჩი. მისი ტრანსფერისგან მიღებული თანხიდან 50 მილიონი ევროს გამოყოფას სწორედ ამ ტრანსფერისთვის აპირებენ.
