კატალონიის “ბარსელონას” მთავარი მწვრთნელი ერნესტო ვალვერდე პოლ პოგბას “ბარსელონაში” შესაძლო ტრანსფერის შესახებ გავრცელებულ ინფორმაციას გამოეხმაურა და ამ ყველაფერს უბრალო ჭორი უწოდა.
“პოლ პოგბა ნამდვილად დიდებული ფეხბურთელია, მაგრამ ჩვენ ყოველთვის დიდ პატივს ვცემთ იმ მოთამაშეებს, რომლებიც სხვა კლუბების კუთვნილებებს წარმოადგენენ.
ნამდვილად არ ვიცი, რა ვთქვა ასეთ ჭორებზე – ისინი ხომ უბრალოდ მოგონილი ჭორები არიან. ჭორების მორევში ძალიან ბევრი სახელია ჩათრეული – ყოველი მათგანი ბრწყინვალე ფეხბურთელებისაა, მაგრამ ჩვენ მათ კლუბებს პატივს ვცემთ,” – აცხადებს ერნესტო ვალვერდე.
ბრიტანული გამოცემები კი ირწმუნებიან, რომ პოლ პოგბას ჟოზე მოურინიოსთან დაძაბული ურთიერთობა აქვს და კარიერის გაგრძელების საუკეთესო ვარიანტად “კამპ ნოუ” მიაჩნია.
