ჭდე: ბარსელონა

ლიონელ მესიმ ტელმო სარას რეკორდი დაამხო

Posted on by კახა ყიფიანი

დღეს ესპანეთის სუპერთასის პირველი შეხვედრა გაიმართა “ბარსელონასა” და “რეალს” შორის, რომელიც ამ უკანასკნელის დამაჯერებელი გამარჯვებით, ანგარიშით, 3-1 დასრულდა.

საგულისხმოა, რომ 77-ე წუთზე “ბლაგურნას” მხრიდან ერთადერთი გოლი ლიონელ მესიმ თერთმეტმეტრიანიდან გაიტანა. ეს არგენტინელის მიერ “ბლანკოსის” კარში გატანილი რიგით 24-ე გოლი არმოჩნდა. ამით მან დაამხო ბილბაოს “ატლეტიკის” ლეგენდის, ტელმო სარას რეკორდი. ახლა სწორედ ლეოს აქვს “რეალის” კარში შეგდებული ყველაზე მეტი ბურთი. მესიმ 16-ჯერ ლა იგაში, ექვსჯერ ესპანეთის სუპერთასზე, ხოლო ორჯერ ჩემპიონთა ლიგაზე აიღო მადრიდელთა კარი. ეს ყველაფერი 30 წლის შემტევმა 35 შეხვედრაში მოახერხა.

“ბარსელონა” – “რეალი”: მადრიდელებმა კატალონიელები დაჯაბნეს (ვიდეო)

Posted on by იაკობ კაპანაძე

13 აგვისტოს ესპანეთის სუპერთასის 2017 წლის გათამაშების პირველი მატჩი გაიმართა, რომელსაც “კამპ ნოუმ” უმასპინძლა. ჩვეულებისამებრ, მადრიდის “რეალისა” და “ბარსელონას” დაპირისპირება ძალიან დაძაბული და საინტერესო აღმოჩნდა.

მატჩში ანგარიში 50-ე წუთზე გაიხსნა, როდესაც მარსელოს ჩაწოდების შემდეგ პიკემ საკუთარ კარში ჩაჭრა ბურთი. ლეო მესიმ კი 76-ე წუთზე გატანილი თერთმეტმეტრიანის მეშვეობით მატჩში წონასწორობა აღადგინა.

მოედანზე 58-ე წუთზე შემოსულმა რონალდუმ კი კვლავ წინ გაიყვანა “ბლანკოსი”, თუმცა გოლის გატანიდან ორი წუთის შემდეგ მან ორი ყვითელი ბარათი მიიღო და მოედანიც დატოვა. საბოლოო ანგარიში კი მარკო ასენსიომ, 90-ე წუთზე დააფიქსირა 1-3.

განმეორებითი მატჩი კი 17 აგვისტოს, “სანტიაგო ბერნაბეუზე” გაიმართება.

“ბარსელონა”: ტერ შტეგენი; ხორდი ალბა, უმტიტი, პიკე ვიდალი; ინიესტა (სერხი რობერტო 68′), ბუსკეტსი, რაკიტიჩი (პაკო ალკასერი 83′); დეულოფეუ, სუარესი, მესი

მთავარი მწვრთნელი: ერნესტო ვალვერდე

მადრიდის “რეალი”: კეილორ ნავასილ მარსელო, სერხიო რამოსი, რაფაელ ვარანი, დანი კარვახალი; კოვაჩიჩი, ისკო, ტონი კროოსი; კარიმ ბენზემა, გარეტ ბეილი (ლუკას ვასკესი 81′)

მთავარი მწვრთნელი: ზინედინ ზიდანი

Diario Gol: “ბარსელონა” 120 მილიონს იხდის

Posted on by იაკობ კაპანაძე

Diario Gol-ის მიერ გავრცელებულ უახლეს ინფორმაციას თუ დავუჯერებთ, კატალონიის “ბარსელონას” ხელმძღვანელებმა ყურადღება ლონდონის “ჩელსის” ბელგიელ ვარსკვლავზე, ედენ აზარზე გადაიტანეს.

როგორც იცით, აზარის გარშემო არსებულ სიტუაციას კარგა ხანია, რაც მადრიდის “რეალიც” აკვირდება. მაგრამ, ესპანური პრესის ცნობით, ამ დროისთვის “ბარსელონა” უფრო დაწინაურებულ პოზიციაში იმყოფება.

ყველაფერთან ერთად, ანტონიო კონტეს ძალიან სურს “ბარსელონას” კუთვნილებაში მყოფი სერხი რობერტოს გადაბირებაც, რომელიც შესაძლოა, აზარის ტრანსფერის შემადგენელი ნაწილიც გახდეს.

ჯერარდი კოუტინიოზე: “ეს ბავშვი ყოველთვის ოცნებობდა “ბარსელონაში” თამაშზე”

Posted on by იაკობ კაპანაძე

მერსესაიდის “ლივერპულის” ლეგენდამ, სტივენ ჯერარდმა ფილიპე კოუტინიოს მდგომარეობაზე გააკეთა კომენტარი, რომელიც ძალიან ახლოსაა “ბარსელონაში” გადასვლასთან, სადაც მას ნეიმარის პოტენციურ შემცვლელად მოისაზრებენ.

“ეს ბავშვი სამხრეთ ამერიკიდან მოდის და ყოველთვის ოცნებობდა “ბარსელონაში” თამაშზე, ახლა კი პანიკაშია, ფიქრობს, რომ ახლა თუ არ წავა, ვეღარასდროს შეძლებს ამას.

ფილიპეს მიმართ ყოველთვის სიმპათიებით ვიყავი განწყობილი. მე მას ვიცნობ, ცუდი ადამიანი ნამდვილად არ არის. ვიცი, რომ არ უნდა კონფლიქტის დაწყების მიზეზი გახდეს. მაგრამ, ფაქტია, რომ მას კლუბთან 5-წლიანი კონტრაქტი აკავშირებს, “ლივერპულს” კი კოუტინიოსთვის ძალიან ბევრი რამ აქვს გაკეთებული.

მილანის “ინტერში” ყოფნისას კოუტინიოს ძალიან უჭირდა, “ლივერპულმა” კი შანსი მისცა, მისგან ფეხბურთელი გამოძერწა. მინიმუმი, რისი გაკეთებაც მას შეუძლია, კლუბისთვის ერთი წლის მიცემაა,” – აცხადებს ჯერარდი.

პიკე: “დარწმუნებულები ვართ, რომ სუპერთასს მოვიგებთ”

Posted on by იაკობ კაპანაძე

კატალონიის “ბარსელონას” კაპიტანმა, ჟერარ პიკემ პრესასთან ესპანეთის სუპერთასზე ისაუბრა, რომლის მოსაგებადაც “ბლაუგრანას” “რეალთან” გასამართი ორმატჩიანი დუელის მოგება მოუწევს.

“გუნდი თავს მშვენივრად გრძნობს. დარწმუნებულები ვართ, რომ გამარჯვება ჩვენ დაგვრჩება. გუნდის ბირთვი კვლავ ფორმაშია.

“რეალთან” გასამართი ყველა მატჩი განსაკუთრებულ დატვირთვას ატარებს. თუ ჩვენს მეტოქეს ჩვენზე მეტი აქვს მოგებული, ეს მაშინვე უნდა გამოვასწოროთ,” – აცხადებს ესპანელი მცველი.

ცნობისთვის გეტყვით, რომ ესპანეთის სუპერთასის პირველი მატჩი “კამპ ნოუზე”, 13 აგვისტოს გაიმართება.

ემერიმ ნეიმარი “გენგამთან” შეხვედრის განაცხადში შეიყვანა (ფოტო)

Posted on by კახა ყიფიანი

დღეს ლიგა 1-ში მეორე ტურის შეხვედრაში “პსჟ” “გენგამს” სტუმრად უპირისპირდება. საგულისხმოა, რომ პარიზელთა მთავარმა მწვრთნელმა, უნაი ემერიმ უკვე დაასახელა იმ ფეხბურთელთა სია, რომლებმაც შესაძლოა, აღნიშნულ შეხვედრაში ითამაშონ. მათ შორის იმყოფება მსოფლიოს ყველაზე ძვირადღირებული ფეხბურთელი, ნეიმარი.

ბრაზილიელმა “ბარსელონასგან” უკვე მიიღო “საერთაშორისო ტრანსფერის სერთიფიკატი” და მისი სრულფასოვანი რეგისტრაციაც მოხდა. შესაბამისად, 25 წლის შემტევს აღარაფერი უშლის ხელს იმაში, რომ პარიზულ კლუბს წარმატების მიღწევაში დაეხმაროს.

ობამეიანგი: “დემბელეს სიტუაცია ძალიან რთულია”

Posted on by კახა ყიფიანი

გუშინ გერმანიის თასის შეხვედრები გაიმართა. დორტმუნდის “ბორუსიამ” “რილასინგენ-არლენი” ანგარიშით, 4:0 დაამარცხა. ჰეთრიკი შეასრულა პიერ-ემერიკ ობამეიანგმა, რომელიც მატჩის შემდეგ ჟურნალისტებს ესაუბრა. გაბონელს ოსმან დემბელეს “ბარსელონაში” შესაძლო გადასვლაზე ჰკითხეს.

“ჯერჯერობით, არაფერია გადაყწვეტილი. დემბელე ძალიან რთულ სიტუაციაშია. არ ვიცით, დარჩება თუ არა ის კლუბში. თუმცა, რაც მოხდება, მოხდება.”

“რაც შეეხება უშუალოდ შეხვედრას, მიხარია, რომ გამარჯვება მარტივად მოვიპოვეთ და ჩვენს არცერთ მოთამაშეს არ მიუღია ტრავმა. თამაშის ხარისხით კმაყოფილი ნამდვილად არ ვარ, თუმცა ეს სეზონის სტარტია და ბუნებრივიცაა,” – აცხადებს ობამეიანგი.

კლოპმა კოუტინიოს წასვლა უნებლიედ დაადასტურა?

Posted on by იაკობ კაპანაძე

მერსესაიდის “ლივერპულის” მთავარმა მწვრთნელმა, იურგენ კლოპმა, რომელიც ყოველთვის გადაჭრით ამბობდა, რომ ფილიპე კოუტინიოს გაშვებას არ აპირებდა, პრესასთან იგივე თემაზე განსხვავებულად ილაპარაკა.

“ამის შესახებ ბევრს ვერაფერს ვიტყვი. მე მთლიან გუნდზე ვარ პასუხისმგებელი, თითოეულ იმ ფეხბურთელზე, რომელიც ჩემს განკარგულებაში იმყოფება. დანარჩენებზე კი არანაირი გავლენა არ მაქვს.

უფროსების მიერ მიღებულ გადაწყვეტილებებს პატივი უნდა ვცე, ასე ხდება. ზოგჯერ ფეხბურთელებიც იღებენ გადაწყვეტილებებს. თუმცა, ახლა ყველაფერი უნდა მივიღო და ჩემი გუნდის მომავალზე ვიფიქრო,” – აცხადებს იურგენ კლოპი.

შეგახსენებთ, რომ “წითლების” ბრაზილიელი ლიდერისთვის “ბარსელონას” აქვს თვალი დადგმული.

“ბარსელონა” ასენსიოსთვის იბრძვის

Posted on by იაკობ კაპანაძე

მადრიდის “რეალის” ესპანელი ნახევარმცველი, რომელმაც გასულ სეზონში საუკეთესოდ შეძლო საკუთარი შესაძლებლობების წარმოჩენა, კატალონიის “ბარსელონას” ინტერესთა სფეროში მოექცა.

Don Balon-ის მიერ გავრცელებული ცნობების მიხედვით, “ლურჯ-ბროწეულსფრები” მზად არიან ასენსიოს კონტრაქტის გამოსასყიდი თანხა გადაიხადონ, რაც 72 მილიონ ფუნტს შეადგენს.

როგორც იცით, “ბარსელონა” ჯერ კიდევ ეძებს ნეიმარის შემცვლელს, რომელიც “პარი სენ-ჟერმენში” 222 მილიონი ევროს სანაცვლოდ გადაბარგდა.

ანდრეს ინიესტამ ვარჯიში გააცდინა

Posted on by იაკობ კაპანაძე

13 აგვისტოს, ესპანეთის სუპერთასის ეგიდით გასამართ პირველ მატჩში “ბარსელონას” დახმარება შესაძლოა, გუნდის ერთ-ერთმა ლიდერმა, ანდრეს ინიესტამ ვერ შეძლოს.

კატალონიური “ბარსელონას” ხელმძღვანელებმა გუნდის 33 წლის ფეხბურთელს დღევანდელი ვარჯიშის გაცდენის უფლება მისცეს. ესპანური მხარე ამის მიზეზს არ ასახელებს.

გეტყვით იმასაც, რომ ესპანელმა ნახევარმცველმა ბოლო 7 აგვისტოს, “შაპეკოენსეს” წინააღმდეგ ითამაშა და თამაშისას მას არანაირი ტრავმა არ მიუღია.

კლოპის პასუხი “ბარსელონას”: “ჩვენ არ წარმოვადგენთ კლუბს, რომელიც ვარსკვლავებს ყიდის”

Posted on by კახა ყიფიანი

კატალონიის “ბარსელონა” ნეიმარმა 222 მილიონი ევროს სანაცვლოდ დატოვა. ამის შემდეგ “ბლაგურნას” მესვეურები “პსჟ”-ში გადასული ფეხბურთელის შემცვლელის ძიებაში არიან. ერთ-ერთი რეალიური ვარიანტი მერსესაიდის “ლივერპულის” მოთამაშე, ფილიპე კოუნტინიოა. მის სანაცვლოდ “ბარსამ” ინგლისელებს 80 მილიონი ევრო შესთავაზა, რაზეც უარი მიიღო. მეორე წინადადება 85 მილიონსა და პლუს 15 მილიონს (ბონუსებით) შეეხებოდა. სულ ცოტა ხნის წინ, “ლივერპულმა” ეს შეთავაზებაც დაბლოკა.

დღეს ბრიტანელთა მთავარმა მწვრთნელმა, იურგენ კლოპმა კოუნტინიოს შესაძლო ტრანსფერზე ისაუბრა.

“ლივერპული” არაა ის კლუბი, რომელიც ვარსკვლავებს ყიდის. შესაბამისად, რაც “ბარსელონამ” ბოლოს შემოგვთავაზა, არც ეს გვაინტერესებს. თუ ფინანსური თვალსაზრისით განვიხილავთ, ჩვენ არანაირ ფასად არ გვსურს, ფილიპე სხვაგან გავუშვათ. მთავარი მიზანია, რაც შეიძლება, ძლიერი გუნდი გვყავდეს. ამისთვის საჭიროა, შევინარჩუნოთ უკვე არსებული და დავიმატოთ ახალი ფეხბურთელები,” – აცხადებს გერმანელი.

კატალონიური პრესა: “დორტმუნდის “ბორუსიამ” ოსმან დემბელეს ფასი დაასახელა”

Posted on by კახა ყიფიანი

სულ ცოტა ხნის წინ კატალონიის “ბარსელონა” ნეიმარმა დატოვა. ბრაზილიელი “პსჟ”-ში რეკორდულ თანხად, 222 მილიონ ევროდ გადავიდა. ამ ტრანსფერის განხორციელების შემდეგ, “ბლაგურნას” მესვეურებმა კიდვე უფრო აქტიურად დაიწყეს 25 წლის შემტევის შემცვლელის ძიება. სასურველ მოთამაშეთა სიაში ერთ-ერთ მოწინავე ადგილზე ოსმან დემბელეა, რომელიც დორტმუნდის “ბორუსიაში” გამოდის.

კატალონიურმა გაზეთმა, Sport-მა დაწერა, რომ უახლოეს წარსულში “ბარსამ” გერმანულ კლუბს ფრანგის სანაცვლოდ 70 მილიონი ევრო შესთავაზა. დორტმუნდელებმა ეს წინადადება დაბლოკეს და დემბელეს სანაცვლოდ 100 მილიონი ვერო მოითხოვეს, რომელიც ბონუსებით შესაძლოა, 110 მილონამდე ავიდეს.

აღნიშნული თანხა კატალონიელების ბიუჯეტში რომ არის, ეს ფაქტია. თუმცა, საინტერესოა, რამდენად გაიმეტებს კლუბის პრეზიდენტი, ხოსეპ მარია ბართომეუ 20 წლის ფეხბურთელის სანაცვლოდ ამხელა ფულს.

“ნეიმარის ტრანსფერიდან მიღებულ 222 მილიონ ევროს დავაბანდებთ მოთამაშეებსა და აქტივებში. ეს თანხა, მხოლოდ და მხოლოდ, ახალი ფეხბურთელების შეძენაში არ დაიხარჯება. არ შემიძლია თქმა, ვინ მოვა. თუმცა, მე სრულ ნდობას ვუცხადებ სპორტულ დირექტორს, რობერტ ფერნანდესს. ერთადერთი რამ ნათელია: აუცილებლად გავაგრძელებთ ძლიერი სპორტსმენების გუნდში მოყვანას, რათა მოგებათა ერა გაგრძელდეს. ერთ-ერთი ასეთი ნელსონ სემედუა. თუმცა, ამ ზაფხულზე კიდევ გავძლიერდებით,” – აცხადებს ბართომეუ.