მიუნხენის „ბაიერნის“ ნახევამრცველი მარიო გიტოცე მოედანზე რაც შეიძლება სწრაფად დაბრუნებაზე ფიქრობს.
ხშირი ტრავმების გამო, მიუნხენური კლუბის მაისურით მარიომ მხოლოდ სამი მატჩის ჩატარება მოახერხა.
„მოთმინება აღარ შემიძლია, რადგან თამაში სურვილი მაქვს. ყველა ფეხბურთელს ყოველ მატჩში სურს თამაში და მოედანზე რაც შეიძლება დიდ ხნის განმალობაში ყოფნა. რა თქმა უნდა ტრავმა არ უნდა დაგვავიწყდეს, რადგან თამაშს სწორედ ამის გამო ვერ ვახერხებ“, – განაცხადა გიოტცემ.
ალექსანდრე მატევოსოვი
“სამეფო კლუბი” მომდევნო ზაფხულის სატრანსფერო ფანჯრის გეგმების დალაგებას იწყებს.
არსებული ინფორმაციით, 2014 წელს მადრიდელთა მიზანი მიუნხენის “ბაიერნის” ხორვატი თავდამსხმელის შეძენა იქნება. ეს ინფორმაცია ცნობილმა ესპანელმა ფრანკის გალიარდომ გაავრცელა. აღსანიშნავია, რომ ეს სწორედ ის პიროვნებაა, რომელმაც გარეტ ბეილისა და “რეალის” ხელმძღვანელობას შორის მოლაპარაკებების დაწყებასთან დაკავშირებით პირველმა გვამცნო.
“თეთრები” მარიო მანჯუკიჩის სანაცვლოდ 40 მილიონი ევროს გადასახდელად ემზადებიან. ეს მოთამაშე ესპანელთა მთავარი სამიზნე მას შემდეგ გახდა, რაც დორტმუნდის “ბორუსიას” პოლონელმა თავდამსხმელმა რობერტ ლევანდოვსკიმ განაცხადა, რომ იანვარში იგი “რეკორდმაისტერებს” შეუერთდება.
აქვე გეტყვით იმასაც, რომ გასულ ზაფხულს “რეალი” ამ ორი ფეხბურთელიდან ერთ-ერთის გადაბირებას გეგმავდა, თუმცა კლუბის თითქმის მთელი ბიუჯეტი “ტოტენჰემიდან” ბეილის ტრანსფერს მოხმარდა.
სანდრო საპანაძე
მიუნხენის “ბაიერნის” ლიდერმა, ფრანკ რიბერიმ უეფას ოფიციალური საიტისთვის მიცემულ ინტერვიუში ევროპის საუკეთესო კლუბის წოდების დაცვის სირთულეზე ისაუბრა.
“ცოტა ხნის წინ ამ ტიტულზე მხოლოდ ვოცნებობდით. გასულ სეზონში, როგორც იქნა მივაღწიეთ და ევროპული ფეხბურთის მწვერვალი დავიპყრეთ. “ბორუსიის” დამარცხება იოლი ნამდვილად არ ყოფილა, თუმცა, ჩემი აზრით, დამატებითი წნეხის ქვეშ გვაქცევდა ისიც, რომ ფინალამდე ყველა შეხვედრა ძალიან დამაჯერებლად მოვიგეთ”.
“ვთვლი, რომ შარშანდელი შედეგის გასამეორებლად, პირველ რიგში გასული სეზონი საერთოდ უნდა დავივიწყოთ, ბევრი უნდა ვიმუშაოთ, მაქსიმალური კონცენტრაცია ვიქონიოთ და რაც მთავარია, ვითამაშოთ, დავტკბეთ და ვისიამოვნოთ გუნდური ფეხბურთით”,- ამბობს რიბერი.
მიუნხენის ”ბაიერნის” მცველი დანტე მისი გუნდისადმი კრიტიკას უსაფუძვლოდ თვლის. ბრაზილიელი დარწმუნებულია, რომ ხოსეპ გვარდიოლას ხელმძღვანელობით გუნდი პროგრესირებას გააგრძელებს, რისი წყალობითაც სათანადო შედეგების ჩვენებას კვლავ მოახერხებს.
”ხშირად გვაკრიტიკებენ, თუმცა ამის გამოცდილება უკვე გაგვაჩნია. გუნდის განვითარების ამ ეტაპზე, ბრწყინვალე თამაშის ჩვენება ყოველთვის ვერ გამოდის. ასეთ პირობებში, ყველაზე მნიშვნელოვანი – ქულების მოპოვებაა. გვარდიოლას ხელმძღვანელობით უფრო დიდ რისკზე მივდივართ ხოლმე. თუ მისი რომელიმე გეგმა არც ისე მოგვწონს, მაშინ ამის შესახებ აუცილებლად ვეუბნებით, რადგან პეპს ყველაფერი ესმის და საუბრისთვის ყოველთვის არის მზად”, – განაცხადა სამხრეთ ამერიკელმა.
ალექსანდრე მატევოსოვი
ბოლო დროს უცხოური პრესა მიუნხენის ”ბაიერნის” მცველის ჟერომ ბოატენგის კონტრაქტის თაობაზე აქტიურად წერს. მიმდინარე შეთანხმება მხარეებს 2015 წლამდე აკავშირებთ, თუმცა დიდი ალბათობით, ისინი მას სულ მალე გაახანგძლირებენ.
”ჩემი კონტრაქტი? ამჟამად მოლაპარაკებებს ვაწარმოებთ. ზუსტად ვერ გეტყვით, თუ რამდენ ხანში დასრულდება ეს მოლაპარაკებები, თუმცა შესაძლო შეთანხმებას უკვე აქიურად განვიხილავთ”, – განაცხადა ბოატენგმა.
შეგახსენებთ, რომ გასულ სეზონში ბოატენგმა ”ბაიერნის” მაისურით 26 ჩატარებულ შეხვედრაში 2 გოლის გატანა მოახერხა. მიმდინარე სეზონში კი ჟერომმა ბუნდესლიგის სამ შეხვედრაში მიიღო მონაწილეობა.
ალექსანდრე მატევოსოვი
მიუნხენის ”ბაიერნის” ნახევარმცველი ბასტიან შვაინშტაიგერი, რომელმაც ”ფრაიბურგთან” მატჩში ტრავმა მიიღო, შიშობს, რომ მისი აღდგენითი პროცესი მოსალოდნელზე უფრო დიდი ხნით გაგრძელდება.
”სამწუხაროდ, ჩემი მდგომარეობა იმდენად კარგი არ არის, როგორც ადრე ვფიქრობდი. აღდგენით პროცესს წყნარ რითმში გავდივარ, თუმცა, ამ მომენტისთვის, ბურთთანაც კი არ შემიძლია მუშაობა. იმედია, შემდეგ კვირას ყველაფერი გამოსწორდება და ვარჯიშებსაც დავუბრუნდები”, – განაცხადა ბასტიანმა.
ალექსანდრე მატევოსოვი
მიუნხენის ”ბაიერნის” ნახევარმცველს ფრანკ რიბერის ახალი მიზნები აქვს. ამჯერად, 30 წლის ფეხბურთელი ”ოქროს ბურთის” მოგებაზე ფიქრობს.
”რა თქმა უნდა, მჯერა, რომ ”ოქროს ბურთის” მოგება შემიძლია. გასულ სეზონში მოედანზე ყველაფერს ვაკეთებდი, რაც ამ ტიტულის მოგებისთვის არის საჭირო. როგორც პროფესიონალი მოვიქეცი და ჩემს გუნდთან ერთად შესანიშნავი სეზონი გამომივიდა – ყველანი კმაყოფილნი დავრჩით”, – განაცხადა ფრანკმა.
”საუკეთესო მოთამაშის ტიტულის მიღება და ამავე დროს, მესისა და რონალდუზე უკეთესი შედეგის ჩვენება – შესანიშნავი მიღწევაა. ამჟამად, საკუთარი თავით კმაყოფილი ვარ. სპორტული თვალსაზრისით, ეს ტიტული ჩემთვის ძალიან მნიშვნელოვანია, მისი წყალობით, თავდაჯერებულობა მემატება’, – დაასრულა რიბერიმ.
შეგახსენებთ, რომ გასულ სეზონში 30 წლის ფრანგმა ყველა ტურნირზე 11 გოლი გაიტანა და ამავე დროს, 18 შედეგიანი გადაცემაც გააკეთა.
ალექსანდრე მატევოსოვი
